[6 § 1] Jn der Romischen cronica list man, daz nach der singfluth Noes sone drye: Cham, Sem vnde Japhet. Cam besaczte Affricam, Sem Asyam, vnde Japhet, douon wir komen syn, Europam. Sem <erdachte^b>, wie man machen solde purpura vnde edele tewre salbe; Cham, der ouch genant waz Czoroastes, der irdochte vnde vant artem magicam, vnde dy sobin kunste. Noes son Jonatas, der zcum ersten vant astronomiam. Czu dem selbien quam Nemroth, den wir Saturnus son heissen vnde Jovis, vnde nam /B 22^r roth von dem Jonatha, wie daz er mochte herschin, vnde daz volg betwingen. Von den drien Noes sonen sien komen zcwene vnde sobinczig geslechte: XV von Iaphet, XXX von Cahm, XXVII von Sem²; vnde ir iczlicher <besaczte^c> eyne plaga des ertrichz; daz wurden nach der singflut vier sunderliche vnde nemeliche reiche: Asyriorum von orient, do herschte von ersten Belus; Sichiriorum von occident, do herschte Agialeus; Schitarum von aquilo, do herschte Ninus; Egipciorum von mittage, do herschte Nineus. Nach im Belo, sin husfrauwe <Semiramis^d>, die vant zcum ersten linen gewant, vnde bruchte^e, den mannen die schande mete zcu deckin; vnde dirre saczte zcum ersten Babilon zcu eyner houptstat des riches. Do machte der selbe Ninus, der eyn vinder waz der aptgote, eyn bilde nach sinem vatere. Dornoch quam eyner Sardinapolus, vnde wandelte <das^f> rich in Medos. Dornoch herschte der Astrages, der gab den fursten von Persia sine tochter. Von dem qwam Czirus. Do der starb, do bleib daz rich zcu Babilon, bis an die czit, daz Allexander vorsegete. Der wandelte daz rich in Krichen. Do stunt is alzo lange, bis daz sichz Rome vndirwant, alz ir in dem andern artikile horen werdit³.

[6 § 2] Nota. Do selbist zcu Babilon in der czit Nemrot, der zo eyn jeger waz vnder dem volke, der mit siner gewalt begunste daz volgk zcu twingen, alz man vint in genisi⁴, et xi di. <c.> jus vero consuetudinis ver. postmodum a <tempore^g> Nemrot⁵. /