In^j gotes namen amen. Wir Otto der grosse, Romischer koning, zcu allen gecziten merer des reiches, thun kunt mit orkunde diszer gheinwertigen schrift allen den, die sy sehen, horen ader lezen, daz vor vns vnde uor vnser maiestat sint komen die getruwen vnde manhaftigen disses reiches vndertenigen, die werden Sachzen, in den synnen vnde haben vns uorgeleit, wie <sie^k> sich in gotis frede zcusampn<e>^l halden wollen, vnde s<i>ch^m beseczen, vnde haben in mit vnser gewalt eyne wo/B 2^rnunge irwelt, do sy bauwen wollen, vnde eyne stat befesten, vnde sy wolden do mit begenaden vnde bestetigen vnde vrede dorober wircken von vnser keiserlicher maiestat, vnde sy besachen mit eynem rechte. Daz haben wir angesehn ire grozse liebe vnde truwe, die sie zcu dem heiligen cristen glouben haben, vnde ire getruwe manheit vnde dinste, die sy stetiglich in dem riche vnuordrossenlichen vnde getruwenlich thun vnde gethan haben, vnde ire erliche vnde getruwe bethe, die sy gethan haben, vnde sint zcu rate worden mit wiszin vnsers heiligen vaters, des babistes Martini, der von syner bebistlicher gewalt von sente Peters halben sinen vreden dorczu gegeben hat, vnde bestetiget, vnde den bestetige<n> wir mit wissintschaft vnde mit rate des reiches fursten, vnde mit des landes uolbort, vnde mit des selbes wilkor, vnde irloubeten den vorgnanten Sachzen, vnsern lieben getruwen, zcu buwen vnde zcu beuesten eynen marckt, <z>cuⁿ hegen noch alle der wise, alz marcktrecht von alders gestanden hot.

Wir /B 2^v geben den selbien vnsern liben getruwen vnde allen iren nachkomelingen ewigen freden, in der stat by namen, vnde sunderlichen geben wir der stat sotane gnade, vryheit vnde frede ewiglichen zcu nutczen, vnde be<g>naden <sie^o> mit zotanem rechte, alzo dy edeln vnde hochgebornen Constantinus vnde Karolus den wirden Sachzen vnde dem lande gegeben haben, daz sy nu vnde ewiglichen mit diszem brieue haben vnde nutczen sollen nach irer stat nucze vnde fromen, ere vnde gemach, gemeynniglich zcu nuczen vnde zcu haben nach des rechtis vzwisunge, gemeniglich vnde keinem sunderlichen, em worde denne recht uorteilt.

Wir geben sy vrie von vns vnde von allen uns(er)n nachkomelingen ewiglichen, zo daz die selbie stat vnde ynwaner sollen ewiglichen vry sien des reiches, die wile sy ire vriheit halden, alz recht ist.

Wir geben ouch kraft vnde macht der selbien stat, die Meideborg gnant ist, waz der stat vorstender mit der /B 3^r wegisten rathe vnde mit uolbort der gemeine vnder enander globen vnde tun, der stat zcu nucze, zcu ere vnde zcu gemache, daz das craft vnde macht sal haben, alz ab is uon dem riche geboten were; vnde besiczen sy mit der selbien willekor iar vnde tag, zo sal man sy halden, ab^p sie selber wollen; besiczin sy aber domit geruchet, alzo recht ist, die selbie wilkore behelt beschrebin rechtis kraft, ab sy wider eyn beschreben recht nicht en weren, noch ouch wider den cristen glouben.

Wir gebieten vnde setczen ernstlich by vnser keiserlicher gewalt allen fursten vnde des riches vndertenigen herren, rittern vnde knechten, vnde allen ammechtluthen^q, geistlichen vnde werltlichen, der vorgnanten stat Meideborg vnde allen iren ynwonern nicht zcu hindern, noch sy zcu beschedien an irer vriheit, gnaden vnde rechte, dy wir der selbien stat gegeben haben, besweren sollen mit gewalt, mit lozunge, mit heersture noch ouch mit keinerhande beswerunge.

Wir geben on gewalt, zcu /B 3^v herschen do nach wichbilde rechte, do bie wir sy selber behalden wollen, vnde dor umme zo sal daz ouch kein man thun, vnde wer hie weder tete, der sal voruallen sien der keiserlicher gewalt, vnde waz on do weder fert, do wollen wir vnde alle vnsere nachkommelinge dy selbe stat vnde alle ire ynwanere schadeloz behalden, vnde gebin der selbien stat vnde allen iren ynwanern zcum eynem rechten vormunden daz heilige recht vnde gerichte vnde den Romischin keiser mit des reichz korfursten, beide geistlich vnde werltlich, zcu uorstehen an dem heerschilde vnde an allen nuczen vnde fromen.

Czu eynem ewigin gedechtenis zo haben wir mit uolbort des hymmelischin reiches, daz ist bebistlicher gewalt, vnde mit des richz fursten, vnde mit des landes wille^r noch ires selbist wilkor alle gnade, vriheit, recht, articulos, satczunge vnde wilkore bestetiget, befestent, vorbunden vnde vorsigilt mit vnser keiserlicher maiestat, die angeha<n>gen ist mit eynem gulden czeichen. Daz gegeben ist nach Cristi /B 4^r gebort nuͤnhundert^s iar vnde xcix iar in dem andern iare vnsers reiches, in dem sobenden tage des brochmonden, uff der stat, do iczunt Meideborg liet.