[124 (123) § 1] Dis³ ist abir eyn gebot von zcukunfftigen schaden. Vnde wil io nu anders nicht, wen das man den^c yo mit dem richtere bewisen sal; der sal em gebieten, den schaden zcu bewaren, al mochte er bewisen, das er recht gebuͤet hette, ut ff. de novi operis nuncciacione l. nuncciacio⁴.

[124 (123) § 2] Nota⁵. Eyn iczlich man et cetera. Jr sollet wissin: Hetten czwene nackebure czwey gemeyne husere uff eyner want, vnde were des eynen hus alzo alt, das is vallen wolde, vnde kundiget das der andere deme richtere, der richter sal gheme gebieten, das er den schaden vorwisse by virczin tagen, by acht tagen, by drien tagen, by eynem tage, by eyner nacht; tut er das nicht, der richter wisit en zcu dem huse vor den zcukunftigen schaden, ut ff. quibus ex causis in possessionem eatur l. i⁶, <et> ff. de dampno infecto l. dies⁷. Clagete er ouch /B 204^r nicht, vnde vile is uff sien gebuwede, er muste em den schaden gelden; vnde was yn synem houe geuallen, das behelt er, ab er wil; wil er des nicht, so mus er em synen schaden legern, <ut> ff. de dampno infecto l. evenit⁸, <et> ff. de regulis iuris l. unicuique⁹, <et> C. de liberali causa l. sancimus § sed quia^d 10.