Artikel 123
Articulus CXXIII
<Summarium> Von der smede essen vnde notstelle.
<Textus>
[123 (122) § 1] Koufft eyn smyt eyn huz yn eyner stat, er mag doryn buwen eyne esse ader waz er
wil vnde em eben ist, ab er is alzo beueste vnde beware, daz douon kein schade komen
moge.
[123 (122) § 2] Kein smyd mag buwen eynen notstal uff der gaszin, do vor keiner gestanden hat, ane
der burgere orlob.
<Glosaa>
[123 (122) § 1] Ir sollet wissen: Eyn ydirman nutczit wol das syne, alzo er beste kan, ane andere
lute schaden. Koufft ouch eyn beckir eyn hus, douor ny kein offin gewest ist, der
mag keinen setczin ane der stat volbort.
Jr1 sollit wissin, das alle gebot, <dieb> zcu der gemeinen nucz gesaczt sien, syn gesatczt von deme rechte, <ut> ff. de interdictis
l. videamus2. Vnde sien in drien stucken beslossen. Das heist eyns prohibitorium, dorynne vorbewt
man alle ding, dy in dem rechten vorboten sien, dy wider den gemeinen nucz sien, vnde
daz man nymande mit gewalt schade, noch mit gewalt nymande tote, noch ouch yn heiligen
noch yn gemeinen stet<e>nc nicht buwe, ut Institu. de interdictis § prohibitoria sunt3. Das andere gebot heist restitutoria, das gebewt, das man widir geben sal, das man
mit vnrechte hat, /B 203v utd e. t. restitutoria4. Das dritte heist exhibitorium, ut ff. de interdictis l. iuris5.
a so L fol. 113va; fehlt B.b so L fol. 113va; fehlt B.c Loch im Papier B.d davor et e. (?) durchgestrichen B.