Das Sächsische Weichbildrecht mit Glosse
‹‹Artikel 116››
Articulus CXVI
<Summarium> Von borgeczoge vmme vngerichte.
<Textus>
[116 (115) § 1] Der1 abir borge w(er)t eynes mannes vor gerichte yn wichbilde, vnde komit der man vor ane synen borgen, vnde bewt er sich zcu rechte, vnde mag er das geczeugen, er hat sinen borgen gelediget1.
[116 (115) § 2] Wer2 abir borget eynen gevangenen man weder zcu antwerten, daz mus der borge volkomen, daz er en geantwert hat, alzo sien gelobde stunt, vnde nicht der man2.
[116 (115) § 3] Welch3 mana eynen beclageten man vmme vngerichte von gerichte geweldiglichen entfuret, wirt er gevangen, er sal ghenem gliche pyn liden; komit er aber weg, man sal en voruesten zcu hant, alzo er yn hanthaftiger tat mit geschrey vnde mit geczeuge geuolget w(er)tb 3.
Glosa /
B 198v[116 (115) § 1] Disser4 borgeczog ist vor ouch gerurt, vnde ist doch dorumme gesatczt, ab eyn man eynen vzborgete vor gerichte, vnde gelabete, den zcu gestellen, vnde stellte sich der geborgete selber ane sinen burgen, hec heft synen borgenc gelost, <ut> Institu. de duobus reis stipuland(i) § ex huiusmodi obligacio<n>e5. Disz mus der geczeugen, wenne worumme man gloube is dem borgen vnde dem gevangenen nicht.
[116 (115) § 3] Nota. Welch man et cetera. Disz vint mand ad legem publicam de vi publica ff. l. qui dolo fecerit6. Jr sollet wissin, das man iczlich ding geczeugen sal, is gesche yn dem gerichte, ader vz dem gerichte, <ut> Institu. de interdictis § commodum7, <et> C. de edendo l. et quod8.
a mit Einfügungszeichen am Rand B.b et cetera folgt B.c–c mit Einfügungszeichen am Rand B.d abbreviiertes et cetera folgt B.
1–1Vgl. Ssp.-Landrecht III 9 § 3.
2–2Vgl. Ssp.-Landrecht III 9 § 4.
3–3Vgl. Ssp.-Landrecht III 9 § 5.
4Zu den folgenden zwei Absätzen vgl. Glosse zu Ssp.-Landrecht III 9 (III 9 § 3. 4. 5) (BG S. 992 Z. 11 – S. 993 Z. 8).
5Inst. 3, 16, 1 (richtig: § ex huiusmodi obligationibus).
6Dig. 48, 6, 10 (richtig: l. qui dolo malo fecerit).
7Inst. 4, 15, 4 letzter Satz.
8Cod. 2, 1, 8 (richtig: l. et quae).