Das Sächsische Weichbildrecht mit Glosse
‹‹Artikel 117››
Articulus CXVIIa
<Summarium> Von borgeczoge.
<Textus>
[117 (116) § 1] Sal1 man eynen vorbrengen czu bescheiden tagen, der vmme vngerichte beclaget wirt, vnde stirbet der yn der czit, der borge sal en tot vorbrengen, vnde ist domete ledig1.
[117 (116) § 2] Jst2 er aber vm schult beclagetb, die noch vff en nicht gewonnen ist, vnde stirbet er yn des, der borge darff en nicht vorbrengen, ab er synen tot selbdritte bewisit, zo ist der borge ledig; des toten erbec sal abir antwerten vor dy schult2.
[117 (116) § 3] Stirbet3 aber <eynd> phert ader and(er) vihe, daz man gestellen solde, der borge brenge dy hut <vore> vnde sy domete ledigkf 3.
Glosa /
B 199r[117 (116) § 1] Weder dis synt die leges. Wenne der mang stirbet, so stirbet ouch syne clage. Sturbe denne disser yn sollichem borgeczoge, zo were dy sache ouch billich tot, ut ff. de suspendente stipulacione l.h i § quamvis4, <et> C. si reus vel actor mortuus fuerit l. si is quem distingwere5. Jr sollet wissin: Dy leges meynen, ab eyner vmme vngerichte gevangen were, vnde sturbe, so neme das gerichte eyn ende; so hette dy clage ouch eyn ende. Wenne worumme des gestellen ist nicht durch des toden wille, sunder is ist durch des borgen wille. Treffe abir <diei> clage lip vnde gut, so mus man zcu der clage antwerten, wer das gut habin wil, ut C. ad legem Iuliam maiestatis l. meminisse6, et l. Marcianus7.
[117 (116) § 2] Nota. Ist is abir vmme schult. Hieuor zoj mus der erbe antwerten, ab er das erbegut habin wil, wenne der borge sinen tot selbdritte bewisen wil, vnde w(er)t domete ledig, so verre alz er vor das gelt nicht gelabet hat. Hette er en mir gelabet zcu gestellen, vnde bewisit er sinen tot, alzo recht ist, so ist er ledig, ut Institu. de perpetuis et temporalibus accionibus § non omnes8.
[117 (116) § 3] Nota. Stirbet phert adir vihe et cetera. Nu setczt er hie das dritte borgeczog, vnde ist vihe. Borget das eyner vz, vnde stirbet das vihe, er brenge dy hut vor, vnde ist domete loz, <ut> Institu. de inuti<li>bus stipulacionibus § jtem contra9, <et> Institu. de empcione et vendicione § cum autem10, <et> ff. de rei vendicacione l. jd quod11. Vnde mus bewisen vff den heiligen, das is ane syne schult gestorbin sy, <ut> Institu. de legatis § si res12, <et> ff. de verborum obligacione l. si servumk 13.
a rubriziertes et cetera folgt B.b doppelt B.c ursprünglich stand erben, -n über- und unterpunktet B.d so L fol. 111va; fehlt B.e so L fol. 111va; fehlt B.f et cetera folgt B.g doppelt B.h davor § durchgestrichen B.i so L fol. 111va; fehlt B.j mit Einfügungszeichen über der Zeile B.k et cetera folgt B.
1–1Vgl. Ssp.-Landrecht III 10 § 1.
2–2Vgl. Ssp.-Landrecht III 10 § 2.
3–3Vgl. Ssp.-Landrecht III 10 § 3.
4Dig. 49, 13, 1 pr. letzter Satz Mitte.
5Cod. 9, 6, 3 (richtig: l. si is quem homicidii).
6Cod. 9, 8, 6.
7Cod. 9, 8, 6, 1 letzter Satz.
8Inst. 4, 12, 1.
9Inst. 3, 19, 2 dritter Satz.
10Inst. 3, 23, 3.
11Dig. 18, 6, 7.
12Inst. 2, 20, 6.
13Dig. 45, 1, 91.