Nota. Dube ist nicht mehir, wenne eyne vndir/B 182^vwindunge fromdes gutes, wedir des wille, des das gut ist, ut Instituta de obligacionibus que ex delicto nascuntur § furtum².

Jr sollet wissin: Wo man in eynem gerichte eynem sien gut vorstilt, wil er, das em das gerichte zcu holffe kome, so kome er vor gerichte vnde thu kunt, das em daz seine vorstolen sy, jn der nacht ader an dem tage, "vnde bitte uwere hulffe darczu, vnde bitte, das ir mir wollet helffen hussuchunge <thun^e>, dorch got vnde durch des rechten wille"; das sal der richter geweren. So sal der richter die stat vorsliszin lassin alzo lange, bis das man husgesuchte; wer denne yn sinem huse nicht wil lassen suchen, den mag der suchir ansprechen vor eynen dip, <ut> Institu. de obligacionibus que ex delicto nascuntur l. eciam prohibiti § furti³.

Lisze er abir williglichen suchin, vnde were eyn vnbesprochen man, funde man die dube yn sinen geweren, vnde gewerte er is uff den heiligen, das is ane synen willen doryn komen were, er blibit is ane wandil, <ut> Institu. e. ti. § conceptum furtum⁴.

Funde man is abir in sinen gesloszin geweren, ab is so gros were, das man is ane sluszil daryn nicht brengen mochte, so ist der slussiltreg(er) eyn dip, <ut> C. de hiis qui latrones vel aliis criminibus reos occultant l. ii⁵, et iii⁶.

Nota. Ap eyn dip eynem manne sien gut vorstele in sinem huse, vnde qweme er domete uff dy gasse, vnde volgete em der man, alzo das er em dy dube entfallen lisse, das gut mag er wol vffheben, vnde behalden yn sinen geweren ane des richters orloub, ab do kein geruffte geschregen w(er)t vnde behort; wurde abir do gerufte gehort, so mag er der habe nicht uffheben noch vffhalden vnde behalden yn sinen geweren ane des richters wille vnde /B 183^r orloub.

Wurde ouch eyn dip begriffen, vnde lisse en der sachwalde von mutwillen em entghen, ad(ir) entginge er em mit gewalt ane dang, welde en der richter darumme beschuldigen, disser komit von <dem^f> richtere mit sinem rechte, ab er tar, alzo das er swere, das er em mit gewalt vnde an sinen dangk entgangen sy, ut ff. de regulis iuris l. favorabiliores⁷.

Jr sollit wissin ouch: Qweme eyn cleg(er) vor geheigete bang, vnde kundigete deme richtere vnde den schepphen, wy das er eynen dip yn das gefenckenisze bracht hette, der sal bitten den richter, das er czwene schepphen dar sende; nach der schepphen bekentinisze wil er sine clage ghein dem gefangenen gestellen; das tut der richter billich. Die schepphen sollen ghen vnde besehen, wy der yn gefenckenisz komen sy; das sollen sy bekennen vor dem richtere; nach dem bekentinisze sal ghener sine clage stellen. Alz man den man in hanthaftiger tat vehit, also sal er en vor gerichte brengen, <ut> ss li. i ar. lxvi wen man et cetera⁸, et ss li. ii ar. <lxiiii^g> wyp adir mait⁹.