Artikel 74
Articulus LXXIIIIa
<Textus>
[74] Wirt eynem manne sien geczeug irteilt vor gerichte, des hot er tag drie virczin
nacht, welch er kysen wil zcu dem nehisten dinge.
Glosac
[74] Nv mochte eyner vragen, worumme dis recht geschreben ist, nach dem male das man
den Sachzin nicht obirczugen mag ane richtere vnde ane schepphen in geheigeter bangk;
vnde spricht er denne hie von geczugen, das ist wider der Sachzin recht, <ut> ss li.
i ar. vii wer icht borget1 ver. was er abir2, et e. li. ar. xviii drierhande recht3 ver. das andere4.
Nota. Ir sollet wissin: Eyn ydirman ist siner eren, sines libis vnde sines gutis nehir
zcu dirweren, wenne man en obirczeugen moge. Daz ist sunderlich den Sachsen gegeben,
<ut> Instituta de accionibus § jtem si quis5. Vnde /B 173v dis ist zcu uornemen: Wo man eynem sinen lip, adir sine ere, ader sien gut mit geczuge
vmme getichte abeczugen wolde, das ist der Sachze nehir zcu dirweren, nach der wise,
alz man en anspricht, wenne en ghenner obirczugen moge, <ut> ff. de iureiurando l.
non erit6. Vnde dis ist darumme, das das recht ist bereiter, eynen zcu losen, wen(ne) zcu uordampnen,
ut ff. de regulis iuris l. favorabiliores7.
Vnde darumme spricht er ouch hie: Wirt eynem manne sien geczeug irteilt. Das ist zcu uornemen, ab er sine vnschult bewise mit geczeuge, zo behelt er den
tag, alzo hie steit, <ut> ss li. i ar. <lxiid> man sal nymande8 ver. geczeugis9. Jr sollet wissin, das der Sachze vorsweren sal, vnde sine helffrede dornach setczin,
nach der wise der geschichte, ut in amphorismorum c. nullo10, zcu ytiln geteusche.
a rubriziertes et cetera folgt B.b rubriziertes et cetera folgt B.c rubriziertes et cetera folgt B.d so L fol. 98va; fehlt B.
1Ssp.-Landrecht I 7.
2Ssp.-Landrecht I 7 letzter Satz.
3Ssp.-Landrecht I 18 § 1.
4Ssp.-Landrecht I 18 § 2.
5Inst. 4, 6, 11.
6Dig. 12, 2, 5.
7Dig. 50, 17, 125.
8Ssp.-Landrecht I 62 § 1.
9Ssp.-Landrecht I 62 § 6.
10Das offenbar aus einer Aphorismen-Sammlung stammende Zitat konnte nicht nachgewiesen
werden.