Artikel 75
Articulus LXXV
<Textus>
[75 § 1] Eyn iczlich vnbeschulden man an sinem rechte yn wichbilde, der mag sinen son, der
an sinem brote ist, vnde nicht vzgerat ist, vz nemen uff denb heiligen mit sines selbist hant alleine, ab er tar.
[75 § 2] Jst aber vater vnde son zcu eynem mole vmme vngerichte beclaget, do mus sich der
vater allererst entschuldigenc.
Glosa
[75 § 1] <Hied> ruret vnde ubet sich das keiserrecht, vnde heist noxalis accio, ut ff. e. t. l.
i1. Do spricht das recht: Bricht eyn eigener, syn herre hat die kore, ab er den eigen
deme cleigere vor dy missetat lassin wil, ader ab er en vortreten wolle, ut ff. si
familia furtum fecisse dicatur l. utilissimume 2.
Nota. Uff disz sin zcu mercken vir sunderliche regiln.
Die erste ist: Tete /B 174r eyns mannes kint eyn vngerich<t>e, das mag der vater nurt eyn mol, das ist das erste
mol, mit rechten orteil hynder sich brengen, vnde mit sinem rechte vortreten; wenne
is were vnmogelich, das eyn vater eyn kint vor eyne missetat weg gebe, das er mit
syne(m) rechte vorstehen moge, ut Institu. de noxalibus accionibus § seductores quidem3.
Secunda regula. Wo so eyn man sinen son vortreten wil, do sal der von des vaters brote
vngesund(er)t sien; wenne worumme em mochte lichte des sones geschichte vnwissintlich
sien, <ut> C. ne filius pro patre conveniatur l. i4.
Tercia regula. Der vater sal sweren des sones vnschult, vmme des das der son des vngerichtis
vnde der smaheit loz werde; vnde dis ist yn vnserem rechte, vnde ouch yn keiserrechte,
ut ff. de iniuriis l. hac lege5. Dis ist zcu uornemen, ab das vmme solliche sache ist gewant, das der son zcu siner
vnschult komen mag; mochte er aber zcu siner vnschult nicht komen, so muste der son
selbir antwerten, <ut> Institu. de noxalibus accionibus § sed veteres6.