[54] Dis ist keiser Otten satczunge, vnde ist sine meynunge: Waz man ymande geben sal an eigen ader an erbe, das sal man thun vor gehegeter bangk; vnde ehr dy gabe geerret wurde, man mag eynen an des abegestorben richters stat kisen; adir ab do nicht schepphen weren, der richter mag dy gabe besetczin mit vir dingmannen vnde mit czweien schepphen, vnde der gabin craft geben, vnde frede dorobir wircken, alz recht ist. Vnde das ist darumme gesatczt, das daz recht nicht zcughee. Vnde wil ouch^d anders nicht mehr, wen das man der gabe eyne redeliche sache vnde geczugkenisze gebe^e.