[48 § 1] Dis ist alles hieuor gerurt. Doch zo wolle<n> wir eyn wenig dauon sprechen. Wenne worumme alz wir von dem richtere haben gesprochen, vnde von sinem ammechte, so wolle<n> wir ouch eyn wenig von der vormundeschaft wegen sprechen, wenne is gehorit zcu sinem ammechte, ut Institu. de Atiliano tutore vel eo qui ex lege Iulia vel Ticia dabatur § sed ex hiis legibus¹. Vnde sint denne disz sinen orsprung hat von des richters /B 152^v ammechte vnde <der^b> schepphen mit der stat volbort vnde der nehisten magen, ut ff. de iurisdicc<i>one omnium iudicum l. quia². Wenne denne eynem eyne vormundeschaft anirstirbt, der sal vor der stat <rat^c> komen, vnde sal vorlegen der vnmundigen kindere gebrechen, vnde das die vormundeschaft an en irstorben ist; vnde welde der kindere muter wichen, er welde an der vormundeschaft tun, alz <ein^d> getruwer vormunde zcu rechte thun sal. Vnde weig(er)t sy das, man wist sy beide zcu dem gerichte; zo mus er die vormundeschaft mit rechten orteiln irkrigen, vnde die mundeleyn mit dem czoge hyndir en czihn, alz vor gesprochen ist. Vnde darumme spricht er hir: Stirbt eyn man et cetera, <ut> ss li. i ar. xxiii wo dy sone et cetera³.