Jr sollet wissin, das keiner moge richter gesien^f, is sy zcu welchirley gerichte is sy, er sy denne zcu sinen iaren komen. Vnde darumme spricht er hie: Js sal kein richter eynen vormunden haben in gerichte. Das ist zcu uornemen, das der richter keinen vorstender haben sal durch sines nuczis willen in gerichte, alz ab eyner sien gerichte vormiten wolde, vnde welde dennoch selber yn gerichte siczen^g. Daz meint er hie, vnde meint eynen vormunden zcu czweierley tedingen. Czum ersten male vor eynen vorsprechen; das ist zcu uornemen, ab eyn richter zcu ymande zcu tedingen hette, vnde bedarff er do an siner clagen eynes vormunden, den mag er haben.

Ab er sien bedarff. Das ist, ab er clagen wil, so sal <er^h> eynen vormunden haben. Wenne worumme kein richter <magⁱ> eynen man hochir ansprechen, wen zcu syner vnschult, <ut> ss li. iii articulo lxxxv der richter⁵. Das ist zcu uornemen, ab eyn man zcu dinge geladen hette mit des richters boten, all hette der man eyne vorderunge gelabt, vnde w(er)t die sache /B 151^v bericht, vnde wolde der richter denne von dem sachwalden die gewette vord(er)n, vnde spricht er ,neyn‘ doruor, er were is mit siner vnschult nehr zcu entghen, wen em der mit sinem registro busze abe geczeugen moge.

Jr sollit wissin: Ist eyn richter besessin yn eyner stat, der sal mit den burg(er)n burgerrecht habin, alzo eyn ander burg(er), vnde alle kore der stat halden. Bricht er die kore, er mus sy bess(er)n ghein der stat rate, alz eyn ander mitburg(er). Vnde er hat alle friheit der stat vnde dy zcu der gemeine gehorit, an schencken, vnde an melczin, vnde an bruwen, alz eyn ander miteburgir. Wenne worumme eyn iczlich mitburg(er) mag melczin, bruwen, schencken, vnde kouffinschacz triben zcu sinem hantwercke; vnde darumme mus eyn ydirman vorwesen vnde vorschossin alle sien guth, wor ane er is hat, by sinem eyde. Vnde waz er do benennet vnde vorschost, das ist sien; hot er dorobir icht anders, das bewiselich ist vnde bevintlich, is ist der stat voruallen mit rechte.

Schatczit er ouch sine varnde habe an eyn gelt, <die^j stat sal syne farnde haben wegin kegin dem gelde, ab sie en wollen lassen sweren addir nicht^j;> die stat sal em eyn grosser geschosz ufflegen; weig(er)t er des, die stat vndirwindit sich des gutis, vnde <er^k> vorlust is mit rechte; vnde woruff er sweren wolde, das ist sien, das andere ist vorlouckent guth. Hat abir eyn man gerade, hergewete ader musteil, der darff man sunderlichen nicht vorschossen, als ander varnde gut, er habe is an^l schulde adir an ware, er sal is vorschossen. Hot abir eyn man czins^m uff eynes mannes erbe, ader vff eynem huze, adir wo er en hat uff der stat gebiete, er sal den czinsz vorschossen, alzo lip alz er em ist. Ist er abir vz deme wichbilde gelegen, zo mus er en halb vorschossen zcu der stat.

Disse wise des schosses holt man nach der kore. Vnde dy sal man kundigen vor deme dinge /B 152^r vnde yn der kirchen, als man das geschosz rufft; vnde wy man is do gebewt, zo sal man is halden. Hette ouch ymant vromde gelt by em, do er czins von gebe, das gelt sal er vorschossen, der das gelt vmme czinsz vzgelegen hat; js were der stat bewisliche kore, das der czinshaftige selbir bewisen sal. Das ist alles nach wilkor eyner stat, zcu kisen mit der wiczigisten rathe.