Also gesprochen ist von manichirhande vorderunge. Nu wil er hie setczin, von weme dy vorderunge von rechte geschee, vnde vor weme sy behore. Vnde spricht zcum ersten male von dem hochsten richtere zcu Meideborg, vnde wil vns hie mete bewisen von dem vnderscheit der richter. Wenne der ordinarius, das ist der burcgraue, ist vnde heist der hochste; das and(ir) ist der belehente richter, vnde ist der schultis genant; der dritte, der wirt von der geschicht. Vnde von ir iczlichem spricht hie das recht, vnde von sinem gewette, vnde von iczlichz richters dingtagen. Vnde darumme so sien disse drie articuli beslossin mit eyner glosen.

Nota. Komen disse dingtage et cetera, <ut> ss li. ii ar. x in gebunden tagen³ ver. nicht mus⁴.

Jr sollet wissin: Die gebunden tagen, die das recht gibit, dy sien eyn teil erbe. Dis sien heilige tage, yn den zo mag man nicht dingen, ut xv q. iiii <c.> placita secularia⁵, <et> C. de feriis l. dies⁶. Domit zo vorlust er sinen dingtag.

Queme abir der schultheisze nicht zcu dinge, er muste /B 147^r dem burcgrauen wetten. Wenne worumme js mag kein burcgraue ader eyn recht richter voitding haben ane synen schultheissen, <ut> ss li. i ar. lix^f allerhande clage⁷ ver. is mag⁸, et ss li. iii ar. xlvi die Deuczschen sollen⁹ ver. durch das daz¹⁰, <et> C. de officio proconsulis l. i¹¹. So mus der schultis dem bur<c>grauen wetten, is beneme em denne echte not, <ut> ss li. ii ar. vii¹².

Vnde¹³ disse sachen sien, die eyme echte nod benemen. Primo: Gefenckenisz, <ut> <ff.^g> de captivis et post limin<i>um reversis l. bona¹⁴. <Secundo^h.> Die andere sache ist suche, <ut> C. quando maiores in integrum restituuntur per totum¹⁵, vnde sunderlicheⁱ suche, do er ane nicht gewand(er)n mag, <ut> ff. si quis caucionibus l. ii¹⁶. <Tercio^j.> Die dritte sache ist gotis dinst vsz dem lande. Wil er, das em das hulfflich sy, so sal er mit der ladunge nicht begriffen werden, ut ff. ex quibus causis manum<i>ttere^k licet l. i in fi.¹⁷ <Quarto^l.> Die virde sache ist herren dinst, <ut> C. de re militari l. si <quid^m>¹⁸, et l. ignorare¹⁹.

Jr²⁰ sollet wissin, das alle redeliche sachen eynen so entschuldigen mogen. Wenne worumme alle redeliche sachen sint in dissin viren begriffen. Alzo were eyner ghensit der Elben, vnde solde zcu dinge gestehn, vnde were keyne vhere gewest noch kein <kahnⁿ>, ader der wynt were so gros gewest, das er nicht geturft hette sich lassen obirfuren, ader andir vngewittere; ader ab mir myn phert genomen wurde, alz ich zcu dinge riten solde, vnde ich von krangheit mynes libis dar nicht komen mochte; vnde wenne ich wol thu, adir vmme myne getruwe narrunge ussen blebe, so byn ich in gotis dinste. Die sachen mag man alle rechen zcu echter not, <ut> C. de veteri <iure^o> enucliando l. deo auctore²¹, et l. in bello²², et l. omne § contumacia²³, <et> in autt. ut neque miles neque federatus § i colla. viii²⁴.

Disse²⁵ not aber sal er bewisen, alz <er^p> erst komt, ader sal in dissir czit des dinges sinen boten senden zcu gerichte, der disse not kundiget, das sien herre, ader sien brudir, ader sien vater, adir von wes wegen er is tut, /B 147^v vnde dy not kundigen, vnde weren das uff den heiligen, ab is der wedirsache begert von em. Wil abir der wedirsache des nicht thun, so mag der sachwalde, der sinen boten dar sante, die not selbir bewisen. Das muste er ouch thun. Weig(er)t er is, er wurde vellig, <ut> ff. de re iudicata l. contumacia²⁶.

Hette²⁷ ouch eyner burgen gesaczt zcu gestene, vnde em das echte not beneme, das er nicht gestunde, dy not sal sien burge bewisen uff den heiligen, vnde dy sache benennen, <ut> ss li. iii ar. ix wer zo eynes²⁸, <et> jn autt. de fideiussoribus mandatoribus et solucionibus § i colla. i²⁹.

Jr sollet wissin: W(er)t die busze vor dem gewette gewonnen, zo vord(er)t man die busze ehr. Vorswiget abir der man die busze, vnde der richter sien gewette vord(er)t, man teilet is em zcu nach rechte.

Nota. Vnde wergelt et cetera. Jr sollet wissin^u, das man dem richtere kein werghelt^v noch busze zcuspricht, sundir drie hochste gewette, die sien geslagen uff eyn halb wergelt, <ut> ss li. ii ar. xli wo der richter⁴⁰ ver. keiner hocher schult⁴¹, <et> C. de modo mulctarum que a iudicibus infliguntur l. eos qui semel⁴².

Jr sollet wissin: Wer den and(er)n in vnserm statrechte zcu dinge laden wolle, der mus zcu dem richtere ghen, vnde mus en bitten, das er ghen wolle von rechtis wegen, vnde wolle N. zcu dem dinge laden, ader lyen em den vroneboten. Zo spricht der /B 149^r richter: "Worumme wiltu en laden?" So spricht ghenner: "Vmme schult." Spricht der richter: "Wiltu is vord(er)n?" So spricht ghenner: "Gibt er mir das myne nicht, vnde wil sich mit mir nicht vorrichten, so mus ichz vord(er)n mit dem rechten." So schribit der richter den cleger vnde den antwerter; so ist er der vorderunge phlichtig. Berichten sy sich indes, so sal er komen vor gerichte, vnde sal dem richtere dancken vmme sien gerichte, vnde sal sprechen, das sich ghenner mit em vorricht hat, das em genuge. So spricht der richter: "Genuget dir, zo genuget ouch mir." Kommet abir eyner, is sy cleger ader antwerter, er macht sinen wedersachen busfellig, <ut> ss li. i ar. liii wer nicht volget⁴⁶. Gestehn sy abir beyde nicht, vnde vordert sy der richter mit^c' orteiln vnde mit gerichte, man teilet sy wettehaftig, alle dy dingphlichtig sien, vnd do nicht sien, <ut> ss li. <iii^d' ar.^e'> liiii obir achtczen wochen⁴⁷ ver. gerichtis sollen warten alle die, dy dingphlichtig sien⁴⁸. Wenne worumme do er ghenen zcu dinge lud, do wurden sy beide dingphlichtig. Were er abir in des richters register nicht komen, ader hette er keine vorderunge nicht gelabit, wider dem schultheiszen noch dem vroneboten, vnde qwemen sy nicht vor, der richter hat kein wandil von cleger noch von antwerter, ab dy sache burglichen ist. Jst abir dy sache pynlich, vnde vorlutbart mit gerufte, zo mus er dem richtere die clage volfuren, <ut> ss li. i ar. lxi vmme blosz gerufte⁴⁹, <et> ss li. i ar. lxi wo der man⁵⁰ ver. schriet er das gerufte⁵¹.

Jr sollet wissen: Wo eyner den and(er)n zcu dinge lude, ane vmme beleite sachen, alzo vmme blutrunst, swulst, ader wunden, vnde geczogene swert uff andere lute, vnde darczu solliche sachen, die man yn deme dinge rugen mus, do wettit man dem richtere vmme, <ut> ss li. i ar. ii eyn iczlich /B 149^v cristen man⁵² ver. do vnde yn iczlichem eynem voitdinge⁵³. Weren abir dy sachen nicht beleyt, noch ouch vor gerichte begunst, do mag der richter keinen zcu twingen, <ut> ss li. i ar. lxii man sal nymande twingen zcu siner clage⁵⁴. Hette nu eyner den and(er)n zcu dinge geladen vmme burgliche sache, alz vmme schult ader vmme gelobde, vnde liesse eyner den and(er)n los, ader berichten sy sich, adir liszin sy ire sache zcu luten, der richter hette kein gewette doran. Wenne worumme vorderte er gewette an deme clegere, dorumme daz er en zcu dinge hette geladen, so twunge der richter eynen, das er clagen muste. So richte der richter nicht durch got, sunder durch gewettis willen; so mochte er den namen nicht gehaben sines ammechtis; wenne er were eyn gyrier, vnde gyczikeit ist eyne muter der houptsunden, <ut> jn autt. ut iudices sine <quoquo^f'> suffragio fiant § cogitacio colla. ii⁵⁵. Vnde dis ist darumme, das deme richtere nicht geborit das, dar keine clage gescheen ist. Wenne wo kein cleger ist, do sal ouch kein richter sin, <ut> C. ut nemo invitus agere aut accusare cogetur l. invitus⁵⁶. Hette nw disser willen zcu clagen, vnde hette ghenem zcu dinge geladen, geschit em eyne genuge, worumme wolde er nu clagen?; ut C. de muneribus et oneribus l. rescripto⁵⁷.

Jr sollet wissin, zcu welchir clage man sy twingen mag, vnde do der cleger nicht von lassin mag ane des richters wille. Primo. Eczliche clage ist dem clegere alleine schedelich, der nicht begunst ist vor gerichte; do sal man nicht zcu twingen, ut C. de muneribus et oneribus l. rescripto⁵⁸. Secundo. Eczliche brenget pyn, vnde doch ist dy sache nymande schedelich, wenne <jm^g'> alleine; als ab eyner geslagen were, vnde hette er der clagen begunst, er mag douon /B 150^r nicht lassin ane des richters loube, ut C. de accionibus et inscripcionibus l. ea quidem⁵⁹. Tercio. Eczliche sache ist so gewant, ab man nicht richte, das sy der gemeinen schedelich were^h'. So darff der richter nicht alleine zcu der clage twingen, sunder er sal vnbeclaget richten, ab dy sache offinbar sy, vnde volkomen moge, also vnnaturliche vnkeuscheit, ut in autt. de mandatis principum § neque colla. iii⁶⁰.

Jr sollet wissin: Welchirley clage begunste eyn man ghein dem richtere ad(er) kegen dem vroneboten, vnde hat er sich zcu der vorderunge vorphlicht, vnde bericht er sich ane des richters loube, er ist dem richtere sien gewette phlichtig, <ut> ss li. <i^i'> ar. liii wer nicht volget⁶¹ ver. ydoch so wettit⁶². Vnde dis ist zcu uornemen, ab er von dem schultheisen der ladunge gemutit hette von gerichtis halben, vnde dis der schultis ader der vronebote^j' von des schultis wegen getan hette, ut in autt. ut litigantes iurent § omnem colla. viii⁶³. Vff dys so halden sich die von Lubig. Wenne eyner eyme zcu dinge leth, so mus er dem richtere ader dem vroneboten gelabin^k' by der buszin zcu uord(er)n.

Nota. Ist die clage mit dem geschrey berurt, vnde der denne swert do geczogen hat, die swert sien des richters, ab er sy vordirt, <ut> ss li. i ar. lxii man sal nymande⁶⁴ ver. wer sien swert⁶⁵, <et> ff. ad legem Corneliam de siccariis l. divus Adrianus⁶⁶.

Jr sollet wissin: Hetten burgere yn eyner stat eyne willekor mit des richters wille vnde allen iren burg(er)n, vnde ioch gemeniglichen zcu der stat nucze vnde gemache, vnde gebiete nach des richz vswisunge, das kein man swert tragen solde ader messire, nurt nach der stat masze; nympt der richter adir der /B 150^v bote ymande die vorbotene were, man sal dy were der stat antwerten mit dem phande, das man deme nymt vmme das, das er der stat kore gebrochen hat. Do hat der richter den dritten phening an. Wurde aber eyn slan in der stat, vnde qweme der richter nicht darczu, vnde welde ouch nicht dorczu komen, noch stewern, qwemen der stat dyner vnde stewerten das, das wapen, das sy do irkrigen, das sollen sy dem rate antwerten; vnde dy swert behoren deme richtere, ader dy messere. Vnde wer widir dy stat kore gebrochen hat, w(ir)t er zcu dem burgirdinge geloden, er mus darumme antwerten. Bekennet er is, er mus der stat kore bess(er)n; hat der nicht abeczulegen, dy stat mag en darumme halden, adir dy stat eczliche zcit vorbieten. An anders keinen dingen mag der richter keins gehaben, is were denne, das er mete phenden ghinge; zo hette er phantrecht, vnde anders nicht.