[45 § 1] Des burcgreuen gewette sien drie phunt; des schultheisen gewette sien acht schillinge.

[45 § 2] Des burcgreuen gewette vnde wergelt, daz gewonnen wirt yn gehegetem dinge, das sal man gelden yn sechz wochen.

[45 § 3] Nach burcgrauen, nach dem schultheisen ist kein schepphe orteil phlichtig zcu vinden vz dem dinge, js sy denne yn hanthafter tad.

[45 § 4] Der burcgraue vnde der schultis mogin wol richten alle tage vmme gelt, ane /B 146^r geczug, is sy denne, do eyn burger eyn<en> gast beclaget, ader eyn gast eynen burger vmme schult mit geczeuge; der gast mus abir sweren, daz er eyn wilder gast sy, vnde zo verre gesessin, daz er daz ding yn eyme tage nicht gesuchen mag. Welchem denne sien gelt geteilt w(er)t, daz sal man leisten obir nacht^c.