Wenne³ worumme dy vorsprechen sien genant des rechtis stritliche rittere. Wenne so der krigliche ritter mit dem swerte der gemeinen nucz beschirmit vnde stritit, alzo tut der vorspreche mit siner vornu(n)ft vor das recht, das vnrecht zcu uordrucken, als vns des heiligen rechtis vswisunge zcu uornemen gibt, <ut> Institu. in prohemio /B 138^r <§> jmperialem maiestatem non solum armis decoratam⁴.

Do by <istⁱ> zcu uornemen, das gar eyn vornemisch ammecht ist eyn vorspreche, vnde darumme mag eyn iczlich vnbesprochen man wol eyn vorspreche sien, <ut> ss li. i ar. li^j ane vorsprechen⁵ ver. eyn iczlich man⁶. Wenne wer rechtelosz were, ader eigen, ader toup, ader vnsynnig, ader vnmundig were, der mag nicht des and(er)n sache furen vor gerichte, darumme das sy nicht macht haben, vor gerichte zcu stehn, ut ff. de postulando per totum⁷, et iii q. vi <c.> infames⁸. Wenne worumme wer selber ane vorsprechen nicht vorstehn mag, der mag andere lute sachen nicht furen; vnde dis ist manicherley zcu uornemen, <ut> ii q. i <c.> prohibentur alii accusare propter sexum⁹. Sunderlichin frouwesnamen sollen sich des nicht annemen. Phaffen vnde moniche sollen ouch nymandis wort furen, <ut> ss li. i ar. lx ane vorsprechen¹⁰ ver. iczlich man¹¹. Ydoch yn sunderlichin sachen mogen sy procuratores sien in geistlichem rechte, vnde darumme, das sy der gemeinen nucz zcugehoren. Darumme mag sich eyn man schadens irweren, der eynen vorsprechen hat, die wile er an synes vorsprechen wort nicht gheit, <ut> ss li. iii ar. xiiii ab der man an sines¹². Vnde darumme spricht er hir: Wo eyn man des and(er)n wort reden sal, do er mit orteiln zcu getwungen w(ir)t.

Jr^k sollit wissin, wy man eynen dorczu twingen sal, das er eynes mannes wort furen mus zcu wichbilde rechte. Wissit: Wenne eyner spricht: "Herre, er richter, ghunnet ir mir eynes mannes, der myn wort spreiche?" So spricht er: "Ich gan dirs wol." Spricht abir der, der des vorsprechen darff: "Herre, er richter, ich byn so arm vnde enelende, das ich nymandis zcu rate vnde zcu hulffe gehaben mag, der is durch got tete, vnde zcu myme rate /B 138^v ghinge, vnde myn wort spreiche, ghunnet ir mir des?" So spricht der richter: "Ich ghan dirs wol." So spricht disser: "Ich dancke gote vnde uch, er richter." So sehe dissir gar eben, wen er bitten wil. Bit er eynen, vnde weis sines namen nicht, so spreche er alzo zcu deme, den er gerne hette: "Herre, ich bitte uch durch got vnde durch des rechten wille, das ir min wort sprecht." Weigert er em des, so spreche der vorderer: "Worumme wollet ir is nicht thun?" Bittit abir der vorderer den richter, vnde spricht alzo: "Jch bitte vmme den man", vnde benennet en, vnde bewisit en, das en der richter irkennen moge, so spricht der richter: "Ich ghan is em wol." Spricht abir der vorderer: "Nach deme daz er yn euwerem gerichte besessin ist, bitte ich yn eynem rechten orteile zcu irfarn, ab er sich weren mag zcu rechte, ader nicht?" Hir uff spreche<n> wir eyn recht: Jst er besessin, er mag sichs nicht weig(er)n, <ut> ss li. i ar. lx ane vorsprechen¹³ ver. vorsprechens mag sich keiner geweig(er)n¹⁴. Jr sollit abir wissen: Spricht der richter: "Ich gebiete dirs von gerichtis halben, das du sien wort furest", weig(er)t er das ane rechte sache, so mus er dem richtere wetten; hat er abir rechte sache, do mete er sichz weig(er)n mag, als ab die sache uff sinen herren ghinge, ader uff sinen mag, das lip ader gesund antreiffe, so weig(er)t er is billich; das mus er bewisen mit sinem eide, ab er is thun thar, vnde ab is en der richter nicht irlassin welde. Spricht er abir, er konne is nicht, das mus er abir bewisen, ab is <der^l> richter nicht gloubin wil. Wenne worumme alle disse sachen treffen den richter an. Wenne worumme der sachwalde bath den richter vmme eynen vorsprechen; das irloubete em der richter; wenne kein vorspreche mag ane des richters loube nicht sien, <ut> ss li. i ar. lx ane vorsprechen¹⁵ ver. der richter¹⁶, <et> iii q. vii /B 139^r <c.> tria¹⁷. Vnde darumme darff der vorderer keines zcu vragen, wenne er tut nicht weder den vorderer, sunder wedir den richter. Vnde darumme zo nymt der richter das gewette, vnde der vorderer keine busze, <ut> ss li. i ar. liii wer nicht <volget^m>¹⁸ ver. ydoch zo wettet man dem richtere¹⁹. Also mag eyner eynen zcu eynem vorsprechen irkrigen.

Nota. Hette ouch eyner zcu teidingen, vnde sege eynen vorsprechin, den er gerne hette, vnde hette sien wedirsache mit dem selbien betedinget, vnde disser welde en ghenem entphromden. Alz: N. vnde P. tedingen mit eynander; des hette N. mit Heinrich getedinget, das er syn wort sprechen solde; nu were Peter antwerter, vnde hette ouch gerne den H.; P. spreiche zcu dem richtere: "Ghunnet ir mir zcu reden, herre, er richter?" Der richter spricht: "Ich ghan dirs wol." "Jch bitte eynes mannes, der myn wort rede, vnde bitte vmme den Heinrich." Spricht denne N.: "Ich bitte ouch vmme den Heinrich, das ir mir en gebit." Spricht denne P.: "Herre, er richter, ghunnet ir mir zcu reden mit loube. Nach dem male das ich zcum ersten male vmme den Heinrich gebeten habe, des ich mich czihe an richtere vnde an schepphen, vnde bitte yn eynem rechten orteil zcu irfaren, ab er icht myn wort billichir vnde ehr reden solle, wenne mir en ymant entphromden moge von rechtis wegen, ader was darumme recht sy?" N.: "Ich habe vor mit em gereth, vnde habe en uff myne frie gelt herbrocht, des ich mich czihe an en selber, vnde er mir is ouch gelobit hat, so bitte ich yn eynem rechten orteil zcu irfaren, ab er mir en entphromden moge vonⁿ rechtis wegen, adir was darumme recht sy?"

Nota. Mag P. mit richter vnde mit schepphen bekentinisze bewisen, das er zcum ersten vmme den Heinrich gebeten habe, er spricht sien wort billich; haben /B 139^v sie glich vmme en gebeten, is lyt an deme richtere, weme er en geben wil, <ut> ss li. i ar. lx ane vorsprechen²⁰ ver. bitten czwene man²¹.

Nota. Weig(er)t H. N. ane redeliche sache, syne teding zcu furen, so darff der richter siner tedinge nicht zcu horen. Spricht ouch denn so eyn man des andern wort, vnde er wurde mit rechte gewonnen, so mag der vorspreche wol in eynem orteil vragen, ab er des in schaden qweme, wer en des zcu rechte benemen solle. Der sachwalde helt en billich losz, das ist schadelosz. Zo vrage der vorspreche den richter, ab em an em genuge; so blibit er ane schaden; vnde <so^o> kome er an sien wort, alzo recht ist, vnde alz ir vindet in deme richtstige, vnde hie yn pynlichir clage, vnde begere sien recht mit allem rechte, vnde tu nach rate. Daz ist myn rat.