Das Sächsische Weichbildrecht mit Glosse
‹‹Artikel 40››
Articulus XLa
<Summarium> Von vngerichte, das man obir eynen claget, do er nicht gheinwertig ist.
<Textus>
[40 § 1] Wirt1 eyn man vmmeb vngerichte beclaget, do er nicht keinwertig ist, vnde w(ir)t em vortedinget, komet er en an, er mag en wol bestetigen zcu rechte vmme beschuldigunge alzo lange, bis er burgen secze vorczukomen. Wenne der richter wircket gheme vrede, der do claget, vnde nicht ghenem, den man vorleth yn syner keinwertigkeit1.
[40 § 2] Wer2 abir vmme vngerichte beclaget wirt, der bitte aller erst der gewere. Wen(ne) die wile die gewere nicht getan ist, /B 134v so mag der clegir sine clage bess(er)n, vnde dornach nichtc 2.
Glosa
Disse czwene artikile, die hie steen, die begriffin sich abir mit eyner glosen. Wenne der erste artikel mit beyden § ist gerurt in der vorigen glosen. Doch was der erste § sunderlichz hat, das steit doran, daz man vmme keinerley vngerichte eynes mannes gebewde brechin sal, wenne vmme notczog; [39 § 1] vnde dis heist eyne notumfftige clage. [39 § 2] Vnde der sien drie; vnded durch drierley sache wille mag man uffhouwen burge vnde husere. Die erste ist notczage, die andere roub, die dritte dube.
<Vmbee> notczage houwet man darumme gebewde nedir, das sy behaldene vnde beslissene weren die gewalt vnde not, die der notczager wider got vnde weder des rechten gebot getan hatte, <ut> ss li. iii ar. i vmme keinerhande3, <et> C. de raptoribus virginum vel viduarum l. i4.
Czum andern male so bricht man ouch borge vnde husere, die mit rechtem orteil vorteilt werden vmme deube ader vmme roub, <ut> ss li. iii ar. lxi der richter5. Jr sollet ouch wissin, daz ist darumme: Wer solliche missetetere husit ader hofet, der ist des selbien rechtis schuldig, des der dip ader der rouber schuldig ist, <ut> ss li. iii articulo xiii nu vornemet6 ver. wer deube ader roub7, <et> ff. de furtis l. hiis qui8, <et> C. de hiis qui latrones vel aliis criminibus reos occulta<n>t l. si qui9. Wenne wy schire eyne deube ader eyn roub yn eynes mannes gewere komet mit siner wissintschaft, czu hant ist er eyn dip adir eyn roubir, <ut> Institu. de obligacionibus que ex delicto nascuntur § conceptum furtum10; er lisse denne suchen.
Jr sollet wissin ouch: Alle, die yn deme huse sien vnde uff der borg, die sien gliche schuldig, darumme das /B 135r sie die missetat helffin helen, <ut> ff. de vi et vi armata l. iii § deicietur11. Wurde ouch eyn hus ader eyne borg mit orteiln gebrochen, der tar man ane des lantrichters loube nicht wider buwen, <ut> ss li. iii ar. <lxvif> man mag12.
Jrg sollet wissin: Eyner w(ir)t vierley wys eyner missetat schuldig. Czum ersten, ab er selbir die missetat tut. Czum andern mole, ab er rat dorane hette. Czum dritten male, ab er hulffe dorczu tete. Zcu dem virden male, ab er mete helete, ut Institu. de obligacionibus que ex delicto nascuntur § manifestum13, et § interdum14, <et> ff. de vi et vi armata l. iii § deicietur15.
[39 § 3] Nota. Allerhande vngerichte et cetera. Nu seczit er hie in dem and(er)n § des ersten artikils eyne beslissunge, doruff so ghein alle orteil der pynlichen clagen, vnde ist die bewisunge an sollichin, alz ab der dip mit der deube in hanthaftiger tat bewist wurde, vnde also vor gerichte brocht, das ist, mit der bewisunge.
Jr sollet wissin: Wer eynen dip begriffit in sinen vir phelen, der sal en in hanthaftiger tath beuesten mit synem geschrey, vnde die nackebuer dorczu laden, vnde sal em die hende bynden, vnde die burde uff den rucken alz eynem dibe, vnde so en laszin yn sinen geweren, vnde sal is deme richtere kundigen. Do sal der richter czwene schepphen senden ader dry, vnde wy dy schepphen den dip vynden, das sullen sy dem richtere kundigen; vnde noch deme bekentenisze so sal der cleger syne clage stellen.
Dis ist ouch zcu uornemen, wie man eynen antwerten sal yn die vronegewalt. So sal man en abir mit der deube antwerten, vnde bewisen mit richtere vnde mit schepphen; vnde dis ist dorczu gut, ab die dube von em qweme, das er doch domit zcu sinem rechte komen mochte; wenne wy er in das gefenckenisze komit, in der wise /B 135v sal man en ouch antwerten vor gerichte, <ut> ss li. i ar. lxvi wen man yn der hanthaftigen tat16. Das ist eyne bewisunge, die eynen rort, <ut> ss li. i ar. lix wer ouch eynen toten man et cetera17. Vnde darumme zo mag er doruor nicht sweren, <ut> C. de probacionibus l. i18.
[40 § 1] Wirt19 eyn man vmme vngerichte et cetera. Hir rurt sich der andere articulus. Wenne worumme des rechtis meynunge ist, wie das man boser torstigkeit widersten moge, <ut> C. de legibus et constitucionibus l. leges sacratissime20. Sollichei torstigkeit ist drierley.
Die21 erste torstigkeit, die ist boze, das eyn erbar man, ader eyner, der recht stercken sal vnde vnrecht krencken, das der vnrecht that weder das gesatcz<t>e recht. Vndej hir heft me iegenj: Was wedir recht geschit, das hat man in deme rechte, alz abk is ny geschen were zcu synesl fromenm, der das getan hatte, vnde w(er)t vnrecht, vnde mus dennoch die pyn liden, die das recht durch solliche broche gesaczt hat.
Recht22 zcu uornemen: Stilt eyner eyn phert, vnde w(er)t er domete gefangen, das phert w(er)t dem weder, des is vormals was, <ut ss> li. ii ar. xxv wirt abir eyn man gefangen23, <et> e. li. ar. xxxi wer von gerichtis halben24 ver. deube vnde roub25. Vnde so hat man is douor, das is dem nicht wart, der is stal. Vnde zo behelt er des nuczes nicht, vnde dorczu henget man en an den galgen, vnde nymit des rechtis gesaczte pyn, <ut> ff. de legibus constitucionibus et edictis l. non dubium26, <et> in autt. ut omnes obediant iudicibus provinciarum § i colla. ix27.
Die28 andere torstigkeit ist ire pyne, ab ymant dem and(er)n icht tete, so welde sich der, der den schaden entphangen hat, em selbir richten, vnde wolde vngerne das dem richtere clagen, vnde richt sich selbir. Die dis thun, der pyn ist, das sy recht zcu vnrechten machen, <ut> Institu. vi bonorum raptorum § sed ne dum29, <et> C. unde vi l. si quis in tantam30.
Das31 ist, er macht sine rechte vorderunge mit der vngerechten gewalt /B 136r zcu vnrechte. Wenne wer eyne rechte vorderunge hot, der hot recht; die vorlusto der, der sich selbir richt, <ut> Institu. de iusticia et iure § prima32. Vnde dorumme spricht er hie: Hot eyn man vor gerichte beclaget eynen, vnde komet er en dornach an, er sal en mit rechte bestetigen, das ist mit rechte uffhalden, vnde sal nicht selber richter sien, <ut> C. ne quis in sua causa ius sibi dicat l. generaliter33.
Die34 dritte torstigkeit, die ouch bose ist, die ist, ab ouch eyner weder recht getan hat, vnde das dennoch nicht myden wolde, vnde ghet dennoch alzo stargk, alz ab er gar wol arloffp hette, obil zcu thune. Sulchir pyne ist, das man sie wol mit rechte uffhalden mag, vnde burgen an en muten, die sy seczin muszin, rechtis zcu phlegen. Vnde darumme spricht er hie: Der richter w(ir)cket frede; recht ab er sprechen solde: Er sy, wer er sy, so hat er doch keine volbort, obil zcu thune. Wenne waz man nicht vor gut hat, das ist ymmir boze, ut in autt. ut omnes obediant iudicibus provinciarum § i colla. v35.
[40 § 2] Nota36. Wer vmme vngerichte et cetera. Jr sollet wissin, das eyn man sine clage bess(er)n moge vor der gewere. Jr sollet wissin: Wo man eynen mit gerufte beclaget, do sal der antwerter eyner gewere bitten. Vnde ist darczu guth, das em der cleger geweren mus der clagen, ab er sy em vorantwert, vnde em got vnde das recht von em gehulffe, das en dornach nymant an gesprechin moge, <ut> ss li. ii ar. xv wer solliche sachen vordirt37, et ss li. ii ar. xvi die gewere38. Ouch ist is dorczu guth, das er syne clage nicht gebess(er)n mag. Also hette eyner den and(er)n beclaget vmme gewalt, er mag en dorumme dornach nicht vmme mort beclagen. Hette ouch eyner den and(er)n kemphlichen gegruszit, vnde hette zcwo clagen zcu em geclaget, vnde gelabete er dy were vor der dritten /B 136v clagen, so w(er)t er fellig, sint er dy drie vngerichte zcu eynem male uff en clagen solde, <ut> ss li. i ar. lxiii wer so kemphlichen et cetera39.
a rubriziertes et cetera folgt B.b doppelt B.c et cetera folgt B.d rubriziertes vmme drie sachen mag man uffhouwen burge vnde husere et cetera am Rand B.e so L fol. 76va; vnde B.f so L fol. 76vb; x B.g rubriziertes wy man eyner missetat schuldig w(ir)t vierley wysz am Rand B.h mit Einfügungszeichen rubriziert am Rand B.i rubriziertes Torstigkeit ist drierleye am Rand B.j–j mit Einfügungszeichen am Rand B.k über der Zeile B.l aus eynes korrigiert B.m darüber schaden wart B.n zcu vnrechte folgt B.o folgendes er unterpunktet B.p über (nicht getilgtem) getan B.
1–1Vgl. Ssp.-Landrecht III 13.
2–2Vgl. Ssp.-Landrecht III 14 § 2.
3Ssp.-Landrecht III 1 § 1.
4Cod. 9, 13, 1 l. un.
5Richtig: Ssp.-Landrecht III 68 § 1.
6Richtig: Ssp.-Landrecht II 13 § 1.
7Richtig: Ssp.-Landrecht II 13 § 6.
8Dig. 47, 2, 34 (richtig: l. is qui).
9Cod. 9, 39, 2.
10Inst. 4, 1, 4.
11Dig. 43, 16, 1, 9 (richtig: l. i § deicitur).
12Ssp.-Landrecht III 66 § 4.
13Inst. 4, 1, 3 dritter Satz (richtig: manifestus).
14Inst. 4, 1, 11.
15Dig. 43, 16, 1, 9 (richtig: l. i § deicitur).
16Ssp.-Landrecht I 66 § 1.
17Richtig: Ssp.-Landrecht I 69.
18Cod. 4, 19, 1.
19Zum Absatz vgl. Glosse zu Ssp.-Landrecht III 13 (III 13) (BG S. 1009 Z. 12–16).
20Cod. 1, 14, 9.
21Zum Absatz vgl. Glosse zu Ssp.-Landrecht III 13 (III 13) (BG S. 1009 Z. 17 – S. 1010 Z. 2).
22Zum Absatz vgl. Glosse zu Ssp.-Landrecht III 13 (III 13) (BG S. 1010 Z. 3–10).
23Ssp.-Landrecht II 25 § 1.
24Ssp.-Landrecht II 31 § 1.
25Ssp.-Landrecht II 31 § 2.
26Richtig: Cod. 1, 14, 5.
27Nov. 69, 1.
28Zum Absatz vgl. Glosse zu Ssp.-Landrecht III 13 (III 13) (BG S. 1010 Z. 11–15).
29Inst. 4, 2, 1 dritter Satz.
30Cod. 8, 4, 7.
31Zum Absatz vgl. Glosse zu Ssp.-Landrecht III 13 (III 13) (BG S. 1011 Z. 1–4 und S. 1011 Z. 14 – S. 1012 Z. 2).
32Inst. 1, 1 pr.
33Cod. 3, 5, 1 l. un. (richtig: l. generali).
34Zum Absatz vgl. Glosse zu Ssp.-Landrecht III 13 (III 13) (BG S. 1012 Z. 3–12).
35Richtig: Nov. 69 pr.
36Zum Absatz vgl. Glosse zu Ssp.-Landrecht III 14 (III 14 § 2) (BG S. 1016 Z. 3–16).
37Ssp.-Landrecht II 15 § 1.
38Ssp.-Landrecht II 16 § 1.
39Ssp.-Landrecht I 63 § 1.