[32 § 1] Dis habe<n> wir eyn teil vor gerurt; vnde wil hirmit nichte mehr bewisen, wen <was^b> der mit sinen geczugen <anspricht^c>, das er mit geczeugen volkomen moge. Volkomit er nicht, er w(er)t busfellig vnde wettehaft, <ut> ss li. i ar. liii wer nicht volget⁵. Jst er abir vor vnuorsprochen, so ist er nehr, selbsobinde zcu entghen, denne man en obirczugen moge, ut ff. de regulis iuris l. non debet⁶. Wenne⁷ worumme die recht sien vil bereitter, eynen zcu entlosen, denne zcu uordampnen, ut ff. e. ti. l. favorabiliores⁸.

[32 § 2] Wirt er abir rechteloz geteilt vor gehegeter bang vmbe deube ader vmme roub, ader welchirley das ist, er hat allen enden sien recht vorloren, ab man is geczeug mag haben an dem richtere, vor dem er sien recht vorloren hat, <ut> ss li. iii ar. lxxiiii der dinstman erbit⁹ ver. wer sien recht vorlust¹⁰. Wenne worumme das mag der richter selbsobinde geczeugen, <ut> ss li. iii ar. xxii wer vnechte¹¹ ver. spricht man abir¹². Dis ist darumme durch der alden gewonheit wille, die dy <Sachssen^d> hilden. Wenne wer sien recht vorloren hette mit deube adir mit roube, der mochte dornach nymme zcu sinem rechten komen. Wenne man en abir andirweit ansprach, so hatten sy drie willekore; die waren, das er yn eynen sidenen kessil griffen muste, ader das gluende ysen tragen, adir sich mit kamphe weren, <ut> ss li. i ar. xxxix die ir recht vor/B 119^rloren haben¹³. Wenne worumme is mag lichte, das man die beschuldigen mag. Dorumme darff man sy des nicht obirczewgen, das man en der schult gibt, sunder man obirczuget en das, das er vor rechteloz ist. Dorumme gloubit man das wol, das er ouch das andere getan habe, <ut> C. de sentenciam passis et restitutis l. generalis¹⁴. Dorumme wart die gewonheit abegesatczt, vnde dis recht wart do bestetiget.

[32 § 3] Sulde man aber eynen vmme solliche sache ader vmme welchirhande sache <man^e> geczug furen sal eynes gehegeten dinges, daz ist mit richtere vnde mit schepphen, were denne der richter gestorben, so meinten eczliche, das daz geczeugkenisz ouch tot were. Das ist nicht. Wenne sine nachkomelinge an dem gerichte sal der sachen vnde aller sachen geczeug sien, der en die schepphen ynnern, <ut> ss li. iii ar. xxiiii stirbit¹⁵.

[32 § 4] Der richter mag keinen von siner clagen wisen, <ut> ss li. iii ar. xvi der richter noch kein man et cetera²⁰.