Disse⁸ czweytracht komit douon, das die leges manichirhande sprechen. Wenne worumme eczliche sprechen, man moge bewegelich gut, das wir varnde habe heissin, in dren iaren vorweren. Vnde das vnbewegeliche mochte man vndir den gheinwertigen in czwenczig iaren vorweren, ut Institu. de usucapionibus et longi temporis prescripcionibus § iure civili⁹. Eczliche sprechen, do gehoren driszig iar czu^c, <ut> C. de usucapionibus l. i¹⁰. Sollichir opinien was der keiser eyn mitteler, vnde saczte die saczunge: Wer eigen adir varnde habe vorkoufte ader vfflysze, der solde des eigen gewere sien, die wile er lebete. Dis ist darumme, das der eigen lest, also er nicht gelassin mag ane erbin orloub, <ut> ss li. i ar. lii ane erben¹¹. Vnde das schat dissem nicht, daz man sollichz geweren sal driszig iar. Wen(ne) do spricht das recht von vorstorben eigen, vnde dis von vorkouften.

Ab¹² eyn vater in dem iare, alz er sturbe, ader yn dem iare douor, sien eigen gelaszin ader vorreicht hette, mochte is ghenner mit sollichir besiczunge yn gewere irkrigen, mit der er mir myne gewere entphromden moge, ader was darumme recht sy? Nota. Eczlichir antwert ist: Eyn vater hette is gewerit. Vnde czogin sich an das recht, das hie steit. Wenne das gut hette noch nymant von mynentwegen angesprochen bis an sines libis ende. Dorumme hette der kouffir eyne gerechte gewere doran.

Mochte¹³ das gut vorweret werden, do ich ny zcu gewillekort hette zcu uorkouffen, so were das vnrecht, das man an erben orloub vnde an gehegit ding erbe noch eigen nicht gelaszin mag, <ut> ss li. i ar.^d lii ane erbin¹⁴. Solucio. Wir sprechen: Abir er mag das guth ansprechin uff /B 116^v alle^e das recht, das recht ist, so verre, ab er is nicht gewust habe, das is sien vater vorkoufte, ader ab er des vaters kouff nicht hette mocht wedirsprechin; er gewint gheme mit rechten orteilen an das gut. Aber er mus em wederkeren das gelt, das der kouffer deme vmme das gut gab, als er koufte. Wenne gewonne er deme kouffere das eigen an mit deme, das er is keine gewere hat, noch so dissir sich nicht vorswegen hat, vnde wurde gheme sien gelt nicht wedir, das were nicht recht; wenne sich sal nymant rechen mit eynes andern schaden, <ut> ss li. i ar. ix wer dem and(er)n¹⁵ ver. wer ouch den¹⁶, <et> ff. de condicione indebiti l. naturaliter¹⁷, § per emptorie et § eos qui¹⁸, <et> ff. de peticione hereditatis l. plane¹⁹.

Nota²⁰. Man sal aber yheme das gut lassin. Das ist, man sal is em geweldiglichen laszin, wenne er mus is uff sien gewyn vnde vorlust vorsteen, ut Instituta <de^f contrahen. emp. et ven. § precium autem constitui^f> oportet²¹. Wenne man denne so eyme eyn gut yn sinen geweren lest, so mag man das gut wol mit sinem eyde vortreten, recht ab is sien eigen were. Wenne worumme mag er is nicht geweren, so hot er ouch nicht vorkouft. Gewert er is denne, so ist is sin, <ut> C. de periculo et comodato rei vendite l. i²², <et> Institu. de donacionibus § rursum²³. Wenne worumme deme behorit eynes gutis vortretunge mit clage vnde mit antwert, in des ebintuer das gut ist mit gewyn ader mit vorlust, <ut> Institu. de obligacionibus que ex delicto nascuntur § furti autem²⁴, <et> Institu. vi bonorum raptorum § istis²⁵.

Nach²⁶ dem male das denne dis vorgebin was, so hat er keine grosse vorderunge mehr dorczu, wenne eyne gabe, <ut> ss li. i ar. lii ane erbin orloub²⁷ ver. was er²⁸, et Institu. de donacionibus § et alie²⁹, <et> ff. e. ti. l. Aristo³⁰, <et> C. de iure dominii l. i³¹. Vnde seczit darumme das hie, das man moge domete irkennen, was vndirscheit ist vnder eyner gabe vnde eynem kouffe. /B 117^r Wenne wer icht vorkouft, der mus des kouffirs eyn gewere sien. Daz darff der nicht thun, der eyn ding vorgibt, ut ff. de donacionibus l. Aristo³², <et> C. de iure dominii l. evicta³³.