Artikel 21
Articulus XXIa
<Summarium> Wy lange eyn man eynen geweren sal, vnde was eyne rechte gewere ist.
<Textus>
[21 § 1] Gener1, der daz eigen gab, sal sien gewere sien an dem gute iar vnde tag1, alz recht ist, daz ist sechz wochen vnde eyn iar. So gibt man zcu kuntschaft iczlichem
schepphen eynen phening, dem schultheisen keinen. Geschit aber die gabe vnder banne,
alzo daz dy schepphen zcu sampne ghen, vnde geloben den ban vmme dy gabe, so sal man
ghenen ynwisen, alzo vor gesprochen ist, vnde dy bewisunge sal man bestetigen zcu
dem aͤchten dinge mit dem richtere vnde mit den schepphen. So ist dy gabe recht vnde redelich.
So sal en ouch ghener geweren, alzo uor gesprochen ist.
Glosa
[21 § 1] Wenne eynem eyn ding gegebin w(er)t ader vorkoufft, vnde em das gegeben w(er)t vor
gehegeter bang, vnde wenne die gabe bestetiget wirt, /B 78r also recht ist, so bitte er daz mit orteilen: Nach dem male daz er em daz vorkoufft
habe, ab er en daz icht geweren solle czu rechte, also recht ist? So vint man em czu
rechte: Er gewerit en billich, ab er sien gelt habin wil.
Jr sollit wissin: Ist dis eyn eigen, daz der geweren sal, so sal er wissin, kein weme
er vorweren sal. Sal er geweren kegen deme gheinwertigen, so ist er em phlichtig,
iar vnde tag czu weren. Jst is aber kegen eynem vnkegenwertigen, so mus er sine gewere
sien, die wile er lebet. Sunderlich doch yn drissig iaren, iar vnde tag. Vnde daz
komit vz dem Romisschen rechte, wie daz man mit besiczunge vnde nuczunge eynes gutis
herschaft irkriget, daz vor eyns andern was, ut Instituta de usucapionibus et longi
temporis prescripcionibus § iure civili2.
Jr sollit wissin, daz eigen czwierley ist: Steende vnde legende eigen, <ut> ss li.
i ar. xxix an eigen vnde an huffen3. Do rurit er Eycke die czwierley eigen. Mit dem das er spricht ,eygen‘, do meint <erd> acker vnde husz; das heissin wir legende eigin. Do mete daz er spricht ,huffen‘, doe meinet er steende eigen, alzo husere. Sal man dis ouch vorweren kegen eynem vnmundigen,
daz mus geschen zcu virczin iarn vnde iare vnde tage, daz ist, wen daz kint mundig
w(er)t, vnde dornach iare vnde tage.
Jr sollit hie wissin: Das, waz er hie spricht, daz meint er uff eigen.
Jr sollit wissin: Koufte ouch eyn man kegen eynem clostere ader conuent, der mag is
nicht wenne by virczig iaren vorweren. Koufte eyn man kein eyner stat, daz der gemeine
zcugehorte, er mag is nymmer vorweren. Koufte eyner weder daz rich, das vorweret man
in funff iaren. Wer abir des keisers ader der keiserinne eigen kouft, der vorweret
is alczu hant.
a rubriziertes et cetera folgt B.b so L fol. 45rb; daz B.c et cetera folgt B.d so L fol. 45va; fehlt B.e davor vnde B.