Als wir hir vor in dem nehisten articulo gesprochen habin von den drierleyen namen des richters.

Das erste ist daz masz. Vnde bie dem masze gibet er zcu uornemen, daz man kein andere masz habin sal zcu keinerhande getrencke, daz man schencket zcu veylem kouffe, is sy denne geczeichent mit der stat czeichen; vnde daz hat der stat rat mit dem burgirmeistere zcu seczen, nach dem daz sy kysen der gemeinen zcu nucze zcu komen, is sie an byre, an wyne, an mete, adir an and(er)m getrencke, das man mit masze gibit vnde schencket.

Mit der wage ruret <erⁱ> hy dy cramere vnde alle dy, die mit gewichte vmmegehen, vnde allerhande kouffenschacz, die zcu der wage gehoret. Vnde sunderlichen mogen sy kysen, waz der stat gewichte sy, an swerem gewichte zcu den ysenkramen, an geringem gewichte, daz czu cramgewichte horet. Das sal der stat rat also bestellen, das der gemeinen recht geschee. Vnde ir cromermeister sal daz gewichte vffheben mit czwen ratmannen, yn vir wochen eyns zcum mynsten.

By dem scheffile sal man vornemen allerhande maesz, die zcu korne^j vnde zcu salcze vnde zcu and(er)n messen gehoren, die ouch zcu der gemeinen nucze gehoren; vnde sunderlichen die <ellen^k der gewantsnyder^k> ader lynwantsnyder, ader welchirhande die ware ist, die man mit elen mist. Wenne <in^l allen^l> dissin stucken ist der stat rat gewaldig mit der wiczigisten rate, ut C. de legibus et constitucionibus l. leges¹, <et> C. de fide instrumentorum l. mensura².

Jr sollit wissen, /B 73^r daz mit dissin sachen ist anders nicht mehr zcu uornemen von virley hantwerg, das sy nicht sollen fry sien. Alleine daz wol die stat fry were, ydoch so sollen dy hantwercke dorumme nicht fry sien; so mochten sy geseczen, do mit daz sy dy gemeine twingen; vnde darumme so sollen sie vnder der stat rate sien, vnde der sal sie regiren. Alleine daz eyne stat sal geregiret werden von dem fursten, vnder dem die stat gelegen ist, doch so mag der furste der stat nucz vnde fromen so sere nicht bedencken, sunder er mus <sie^m> io mit ammechtluten bedencken vnde beseczen, die der stat vnde der gemeynen nucz zcuuor sien. Wenne eyne stat mag nicht von eyme teile sien, sunder sy mus manichirhande lute habin. Alz ackerlute, die rurit er, do er spricht: Scheffil. Daz andere, daz sint hantwergklute, die sich mit irer hant irneren muszin, also smede. Goltsmede vnde cromere, die rurt er, do er spricht: Wage. Gastgeben vnde kreczschemere, vnde alle, die sich hackins irneren, die rurit er, do er spricht: Allerhande spisekouff. Czu den rechint man fleischere vnde beckere, vnde alle, die sich marcktis irneren. So muszin ouch eyn teil tagarbeidereⁿ vnde dinstboten syn in eyner stat; vnde ouch die zcu wopen togen. Vnde die vorgnanten alle sullen in der stat sien, dorumme daz sy der gemeinen nucz mit yrem hantwercke dynen. Die sollen alle mit gehorsam vnder der statrate gebote sien, vnde sien sunderlich genant in deme texte. Wenne dis ist des burgermeisters ammecht, das er die stat mit synen eitgenoszin beware by dem eyde, den er dem herren vnde der stat getaen hat. Wenne sie mogen willekorn eyne stat gebot, wy /B 73^v hoch sie wollen, vnder sechz vnde^o driszig schillinge, mit zcu buszin hut vnde har; vnde wer das losit, der w(er)t rechtelosz, <ut> ss li. i ar. lxi when man in der hanthaftigen tat³ ver. wer lip ader <huwt^p>⁴, <et> C. ex quibus causis infamia alicui irrogatur l. dampnatos⁵, <et> ss li. ii ar. xiii nu vornemet⁶ ver. daz selbie gerichte⁷, <et> jn autt. de colla. et alijs capi. § nullus colla. ix⁸.