Also vor gesprochin ist, wie der richter sien ding zcu wichbi<l>de rechte hegen sal, vnde wie er sinem dinge frede wircken sal, vnde vorbieten sal dingslete vnde vnlust, vnde wy nymant den and(er)n erren sal, wedir mit worten noch mit wercken.

B 67^rJr sollet wissin: Hindert der schultis ader <eyn^l andir^l> richter <eynen^m> an siner clage, do sien obirrichter keginwertig ist, vnde spricht man en darumme an mit geczewge, sy sien schepphen ader dingwarten, mit den selbien geczugen mus der richter vnschuldig werden.

Jr sollit wissin: Alz wir vor gesprochen habin, daz richtere drierley sien, also belehente richtere, beuolene richtere vnde lehenrichtere, also ist ouch daz recht drierley, also geistlich, werltlich vnde lehnrecht.

Denⁿ belehenten richter obirczuget man in dren sachin. Die erste sache ist, daz man gerichte von em gerte, vnde er daz weigerte. Were die sache burglich, vnde beclaget man den richter darumme, vnde berurit man geczewg yn der clage, so muste der cleg(er) billichir vnde ehr <en^o> selbdritte obirczeugen. Bote abir der richter sine vnschult, der richter muste selbdritte entghen, vnde sunderlichen mit den geczeugen, die der clegir vff en geboten hat; vnde daz muste mit den worten geschen, wenne der cleg(er) syne clage gestelte, vnde spreiche, daz er bewisen wolde, ab er do wedir reden welde mit schepphen adir mit and(er)n dingwarten, mit alzo manichem, alzo er bedarff zcu sinem rechte; vnde bittit gerichtis, vnde gert eyner antwert. Wenne denne der richter sin antwert thut mit syner vnschult, vnde wil is vnschuldig werden, wy is em dy schepphen vynden vor eyn recht; so vint man em zcu rechte, er solle sine vnschult bewisen mit den selbien geczeugin, die der cleg(er) uff den benant hat. Jst abir die sache pynlich, so mus en der cleg(er) selbsobinde obirwinden, <ut> ss li. ii ar. xiii nu vornemet² ver. welch richter³. Vnde obirwint er den denne selbsobinde, alz recht ist, er ist der selbien vngerichtis bestanden, vnde der pyn, dy ghen(er) solde habin geleden. Wenne worvmme lest er eynen dyp ledig, man henget en selbir, alzo den dip; daz ist zcu uornemen, ab er nicht richten /B 67^v welde, ut C. de pedaneis iudicibus qui male iudicant l. i⁴.

Nota. Kegen dem andern richtere, den obirczeuget man sollichir sachen billichir, die yn dem gerichte geschen ist, wen er is vnschuldig werden moge, ut in autt. ut nulli iudicum liceat habere loci conservatorem § et hoc colla. ix¹³, <et> ff. ad Trebelleanum^r l. iii¹⁴, <et> C. sentenciam rescindi non posse l. neque¹⁵.

Wenne worumme er mus do selbist keginwertig sien in gerichte, alzo hie, vnde in deme ss li. i ar. lix allerhande¹⁶ ver. is mag kein richter¹⁷, et ss li. iii ar. xlvi die Duczschen sollen¹⁸ ver. durch daz¹⁹. /

B 68^rNota tercio. Den beuolen richter mag man solichir sache obirczeugen, ab er eynem teile genediger were denne dem and(er)n, alzo der vndersesse sinen herren, ader eyn herre sinem vndersessin, ut xxii q. v <c.> de forma fidelitatis²⁰. Ad(er) ab er des eyn herre were, <ut> iii q. v <c.> accusatores²¹. Ader ab er des eyn vint were, e. causa et q. <c.> accusatores <et^s> testes²².

Nota. Den lehnrichter obirczugit man in sinem gerichte mit sinen mannen, ut de usu feudorum ar. ix²³.

Daz wisse ouch: Dewbe vnde roub vnde alle sulliche sachen, weigerte der richter rechtis dorobir, er were selbir des vngerichtis voruallen, alzo vor gesprochen ist. Vnde do mag er widir wergelt noch busze vor geben, wen man vordirt dy pyne obir en, ut C. de pedaneis iudicibus qui male iudicant l. i²⁷.

Nota. W(er)t eyn man geantw(er)t in die fronegewalt et cetera. Jr sollet wissin: Das ist abir czweierley zcu uornemen. Wurde eyn man vmme burgliche sache geantw(er)t also, daz doch selden geschit, vnde qweme der weg ane des richtirs vorderunge, vnde beschuldigete man den richter darumme; er bewisete dis mit sines selbist hant alleine, daz er ane sine wissintschaft weg komen sy. Jst abir die sache pynlich, vnde komet er weg, en hilfft dy vnschult darczu nicht, die er alleine tut, sunder er mus abelegin deme, der en in dy vronegewalt geantwert hot, mit dem wergelde. Jst is vmme das houpt^t, so ist <is^u> eyn gancz wergelt, daz sien achtzen phunt; ist is vmme dy hant, so ist is eyn halb wergelt, /B 68^v ut ss li. ii ar. xvi die gewere²⁸.

Nota^v eyne frage: Were is nu nicht bessir, daz man eynen misseteter ledig lisse, wen daz man en totte? Dis vorantwerten die theologi, vnde sprechen: Js were wol besser, daz man dem missete<te>re vorgebe, vff daz daz em got ouch vorgebe; wenne worumme vnsers tegeliches gebet steit uff disser antwert, do wir sprechen: "Vorgib vns vnser schult, also wir vorgeben vnsern schuldigern²⁹."

Solucio. Disz vorantwerte<n> wir, vnde sprechen: Schult zcu uorgeben hot czwierley syn. Dy schult, die eyn man weder mich tut, do sal ich mich selber nicht an richten, die sal ich vorgeben; uff das spricht daz ewangelium: "Vorgebit, so w(er)t uch ouch vorgebin³⁰." Dy andere schult ist weder des rechtis geboth, vnde do mit bricht man wider got, vnde daz moge<n> wir nicht vorgeben; vnde hetten wir darobir barmherczigkeit, so tete<n> wir ouch wider gotis gebot; wen got gebewt, den raten vz dem weiszin zcu geten³¹; vnde uff das das wir die bosen <an^w yrer boszheyt nicht sterken^w> vnde irer bosheit nicht teilhaftig werden, darumme sal man dem misseteter^x anlegin eyne korcze pyn, daz man die ewige pyn domete vortribe. Wenne wo daz werltliche orteil obir geet, do sal gotis <czorn^y> mete gese<n>fftit werden, ut xxiii q. iiii <c.> si ea de quibus³². Wenne in sollichen sachen, do man mit rechten orteil den missete<te>r obirwint, vnde obir en richtit, in sollichen sachen ist kein man schuldig, er sy richter <add(ir)^z> schepphe, also verre, also der misseteter der sachen schuldig ist, ut xxiii q. iiii <c.> illud eciam³³.