Artikel 15
Articulus XVa
<Summarium> Wie man sy zcu dem phalcze ladin sal.
<Textus>
[15 § 1] Nw horet, wy <manb> sy laden sulle. Die herren sollen alle zcu dem phalcze ghen, vnde der schultheisze
sal den burcgrauen laden, zcu eynem mole zcu rechten orteilen, czu dem and(er)n <vndc czum drittenc> mole, yo obir sechz wochin. Komet er czu der dritten ladunge nicht vor, zo besenden
en die drie fursten; so wettet er dem koninge zcu iczlicher ladunge drie margk goldis;
der sal iczliche marcg czwelff marcg silbers wert sien. Dornach obir sechz wochen
komet er nicht, sich zcu uorantwerten vor dem koninge, wo er sy, zo teilt man zcum
ersten dem gotishuze ledig zcu Meideborg alles, daz er von em hatte, vnde dem koninge
der ban.
[15 § 2] Zcu der selbien wise, alzo der schultheisze den burcgrauen /B 57v let, alzo sal der burcgreue die leynfursten laden; vnde qwemen sie zcu der dritten
ladunge nicht vor, alzo hieuor gesprochen ist, zo wettit ir iczlicher dem koninge
achtczen gulden marcg; komen sy abir nicht vor zcu dem selbien mole, alzo is mit orteiln
geteilt w(er)t, so sal man doch geben daz orteil vor dem phalcze.
Gloza
[15 § 1] Jr sollit wissin: Wenne nu disse czwene, die sich mit dem orteil geczogin haben,
wederkomen mit den briuen von den leienfursten, dornach nach dem tage obir sechz wochen
sollen sy zcu sampne komen, die vier vnde czwenczig manne, daz ist, mit den vir eldisten
mannen von Schartaw, vnde die vier ammechtlute des gotishuzes, vnde mit den virn angebornen
dinstmannen des gotishuzes, vnde der schultheise mit den eilff schepphen uff den phalcz
komen. So sal der schultheisze eyn ding hegen mit den viervndeczwenczig mannen, alz
recht ist. Wen(ne) nu daz geschit, so frage der schultheisze eynen schepphen: "Nach
demmale daz orteils broch ist wurden, adir orteil gestraft ist, vnde man sich domete
geczogin hat vor den phalcz, eynes bessers vnde eynes rechters orteils zcu irfarn,
nu frage ich uch N., wer zcu rechte zcu disser beruffunge sien solle?" So vint man:
Der burcgreue. So spreche der schultheisse: "Nach deme daz er hie nicht ist keigenwertig,
wy ich en zcu rechte laden solle?" So vint man, <mand> sulle en ladin mit briuen vnde mit boten. Also tut man zcu dem andern male, vnde
zcum dritten mole. So vrage der schultheisze vort, in welchir czit er komen sulle.
So vint man: Von dem tage der ladunge obir sechz wochen.
Nota. /B 58r Qweme er nicht, noch nymante von sinent wegen, so ghen obir die virvndeczwenczig genanten manne uff den phalcz,
vnde der schultheisze heget eyn ding, vnde vraget eynen schepphen: "Nach demmole daz
der burcgraue von rechte do sien solle, vnde er hen geladen ist, alz eyn orteil vnde
eyn recht geteilt hot, vnde zcu dem tage nicht komen ist, ab er daz billich vorsume?"
So spricht der schepphe: "Er vorsumit is vnbillich." So spreche der schultheise: "Nach
demmole das er is vnbillich vorsumet, waz er denne zcu rechte uoruallen sy?" So spreche
der schepphe: "Er ist wettehaftig wurden von rechtis wegen." So spreche der schultheisse:
"N., ich vrage uch, waz daz gewette sy?" So teilt der schepphe: "Drie marg goldis."
So fraget der schultheisze vorbaz, wie gut die marg goldis sien solle. So teilt der
schepphe: "Iczliche marg goldis sal czwelff marg silbers wert sien." So vraget der schultheisze vort, weme er daz wettet. So vint man: Dem koninge,
sint daz is des koningis ding ist, <ut> ss li. iii ar. lvii gebut der koning1. Also tut man zcum and(er)n male, vnde zcum dritten mole. Vnde gesteet er nicht zcum
dritten mole, so vorlust er alles daz, das er von dem gotishuze hatte, vnde dem koninge wirt der ban ledig. So tut man den leienfursten.
Nota. Komen sie abir nicht, dennoch sprechen dy virundeczwenczig eyn orteil. Czwiuiln
sy abir, sy muszin is schribin an den koning, daz ist, ab sy sichz nicht voreynen
kunnen mit leges vnde mit canones. Wenne is mag nymand recht vinden in werltlichin
sachin, denne der koning, <ut> C. de veteri iure enucliando l. deo auctore nostro2, <et> C. de legibus et constitucionibus l. equitatem3. Jn geistlichin sachen abir vint is der bobistf.
a rubriziertes et cetera folgt B.b so L fol. 34ra; fehlt B.c–c so L fol. 34rb; fehlt B.d so L fol. 34va; fehlt B.e folgendes von nymand unterpunktet B.f et cetera folgt B.