Also hieuor gesprochen ist, wy wichbilde recht sinen orsprung habe, vnde wovon is sinen namen habe, den is noch hutigis tagis vnuorwandilt helt, ut supra ar. proximo³.

Nota. In⁴ der czit, do Nabuchodonasor, der der Asyriorum koning waz, vnde den Arfaxat obirwant, vnde czepter furte nahent /B 42^r obir die gancze werlit, doch wederstunden em dy von Syrien vnde von Mesopotamia, vnde die von Syriesabel. Alle die benante lant, die houpten an der Sicilier heer. Alzo die betwungen wurden, vnde Holofernes der herczoge enthoupt wart von Judith⁵, do karten sy sich^g zcu der Sicilier <herre^h>, der waz Petraculus genant. Der selbie Petraculus wart dornach gewaldig der koninge von Babilon. Do daz riche von Babilon vorstorit wart, do waz dennoch der Petraculus vnde sien heer vnbetwungen. Vnde quamen mit ganczir manheit czu Allexandro, koning zcu Macedonia, vnde hulffen dem striten widir Darium. Do obirwant koning Allexandir mit der Petraculi hulffe die gancze werlit. Noch Allexanders tode vorphlichten sich alle dy vorgnanten land wider dy Petraculi, vnde wolden sy vortribin vnde toten; do irstegen dy Petraculi eyne stat, die waz Meraris genant, vnde vorbranten die stat, alzo man sy berynnen wolde; do schiften sy in drie hundert galeiden, vnde slugin los; do kunden sy nicht mitⁱ dem schiffwercke, vnde vorturben gar, ane vier vnde funffczig galeiden, mit orem volke. Die wurden geslagen von dem wynde, vnde quamen achtczen galeiden uff der wilden sehe kein Prussin, vnde xii ghein Rugian, vnde xxiiii qwamen <her^j> zcu lande, vnde haben Sachzin land besaczt.

Dornach nach langer czit, do keiser Otte der grosze zcu keisere gecronet wart, jn der czit waz eyne feste gelegen obir der Elben, vnde die selbie veste waz besaczt mit jungfrouwen vnde mit meyden; dy waren der burg gewaldig, vnde des landes; vnde dy borg nante man Meideburg, wen(ne) dy selbien meyde vnde jungfrauwen hatten sy selber lassen buwen. Do der selbie keiser Otte dy land besaczte mit dem volke, do begaben dy iungfrouwen die borgk. /B 42^v Vnde darumme furen noch dy von Meideborg an irem bannir eyne iungfrauwe, dy vzgerackt stet czwisschin czwen tormen, vnde hat yn iczlicher hant eynen rosincrancz. By deme, daz <die^k> jungfrouwe steit, ist zcu uornemen, daz sy vnbetwungen waren. Do machte der selbie keiser^l eyn herczogthum do selbist an der Elben, vnde nante daz Garthaw. Vz dem stifte der keiser Meideborg die stat mit wilkor des landis, vnde bestetigete do den steten, dy vz Meideborg gestifft wurden, wichbilde recht, ut^m <supraⁿ>.

Dorumme spricht daz recht hie: Nu vornemet, wy dy stat et cetera. Recht ab er sprechen wolde: Merckit gar eben: Nach deme daz disz tyffir mit dem rechte^o begriffen ist, darumme^p ist ouch grossir vornu(n)fft not. Dornach dissim keisere Otten wart zcu koninge gekorn der rote koning Otte; der bestetigete do zcu Meideborg daz wichbilde recht mit der wiczigisten rate nach yres selbist wilkor. Vnde lies vz dem Sachzenspigile nemen vnde vzczihn, vnde saczte dorczu, daz in dem Sachzinspigele zo luterlich^q gesaczt waz; vnde beful vnde gebot sinem sequestratore sines heiligen pallacij, daz er daz tete; der waz genant Burghardus Mangelfelt, vnde der waz professor theologie vnde doctor decretorum vnde legum; vnde der muste von des keisers geheisse wegen den Sachzinspigil conmentisiren, vnde bewisen mit legibus vnde mit canonibus; vnde daz muste er thun in eynem gefenckenisz; vnde so wart disz keinwortige privilegium ouch von em gesaczt mit dem conmento; vnde ouch saczte er den richtstig; Gercke aber von Gertaw, der volbrachte den richtstig; Eycke aber von Repchaw machte den Sachzinspigil zcu Latin, vnde brochte en dornach czu Deuczsche von bete wegin des greuen Hoyers von Falkensteine. Also ist daz corpus zcusampne komen, daz do bestetiget /B 43^r ist von dem gnanten keisere Otten, vnde von sinen nachkomelingen, die an dem keiserlichin riche gewest sien, vnde hiuor in vnsere<r> cronica benant vnde gesaczt sien, vnde disz buch vnde dy vorgnanten buchere bestetiget vnde beuest haben mit yren keiserlichin maiestaten, vnde yo eyn ydirman yo eczwaz sunderlichz dorczu gesaczt hat, daz sy daz landt vnde dy stat domete begenadeten; vnde daz selbie vnde sine vzwisunge sollen alle ynwanere des landis vnde die stat zcu Meideborg gebruchen, <ut> ss li. i ar. xxx eyn iczlich ynkomen man⁶.

Jdoch durch eyner bess(er)n vnde grosser sicherheit so sollit ir wissin von der wise disz privilegij, daz der selbie keiser Otto der rote den burg(er)n zcu Meideborg, vnde sunderlichin der stat vnde dem lande, vnde and(er)n steten, die dorusz gestifft sien, alzo Halle, vnde vorbaz andere stete vnde lant, die sich alle an Sechssischz recht czihn nach rechten orkunde.

Dis ist der tenor:

Wir, Otto, von gotis gnaden Romischir koning, zcu allen cziten merer des riches, bekennen vnde thun kunt offinberlichen mit dissem briue, wy daz dy erwirn vnde getruwen jnwanere vnser stat Meideborg vor vns komen sint demutiglichin, vnde habin vns vorgeleget, wy daz vnser vater, keiser Otto der grosze, deme got gnade, die stat Meideborg, vnde dem lande zcu Sachsen zcu nucze vnde zcu fromen, vzgewisit hat zcu wichbilde rechte, vnde sy daz recht von gotis wegen vnde von des richis wegen sollen daz selbie recht vnde alle recht stercken, vnde vnrecht krencken, ghein allen steten vnde allen landen, die vz der stat vnde vz dem lande gestifft sien, vnde ouch allen, die rechtis von en^r gheren, entscheidunge thun. Des habin sy vns gebeten, daz zcu bestetigen. <Des^s> habin wir an gesehen vnde irkant ire truwe vnde ire vornu(n)ft, vnde bestetige<n> den selbien von Meideburg, vnde sunderlichin dem lande zcu Sachzin, alle friheit vnde genade, vnde /B 43^v benamen mit alle den sachen, do sy vnser vater mit vsz gesaczt hat; vnde geben en sunderlichin, daz sy dy, die der stat nucz bewisen sollen, vnser stat ammecht by dem eyde zcu lihen. Den eyt die eldisten vnde dy wiczigisten der vorgnanten stat entphan sollen, in sotanen kreften, alz wir do selbist gheinwertig weren. Ouch geben wir den selbien, die der stat schepphen sien, ire lehen zcu entphan von dem bischoue, ab er sien regal von dem Romischen koninge entphangen habe. Dy schepphen sal man zcu keinerhande wise abe seczin, er vorwarlose denne is an sinem rechte, vnde den schepphenstul sollen sy erben nach lehens rechte. Ouch so gebin wir en sotane genade, ab man der schepphen orteil straffet, daz man sich domete anders nyndirt hen czihn mag, wen vor vnsere korfursten vff vnsere phalcz. Do sal man dy korfursten zcu laden; gestunden sy nicht, sy weren dem riche voruallen. Ouch gebin wir en sotane craft, daz sy durch des orteils wille keinen schaden liden durffen, vnde waz sy vinden vor eyn recht, daz wir vnde alle vnsere nachkomelingin volge dorczu geben sollen. So gebyte<n> wir allen des richz vndirtanen, sy sien geistlich ader werltlich, daz sy wider mit willen, noch mit worten, noch mit wercken, noch mit vorhenckenisz, der vorgnanten stat an irer friheit noch an irem rechte nicht schaden. Wer abir der were, vnde do wedir tete, der sal voruallen sien libis vnde gutis, ab er des obirwunden wurde. Czu eynem ewigen bekentnisse habe<n> wir disz keinwertige privilegium befestent mit vnserer angehangen(er) maiestat. Gegebin mit der wiczigisten rate des heiligen richz vorstendere vnde des landes uolbort. Nach Cristi gebort n<u>wenhund(er)t iar vnde achtvndesobinczig iar, in dem ersten iare vnsers riches, am mantage vor phingisten, vff dem phalcze /B 44^r zcu Meideborg.

Jr sollet wissin: Daz ist eyne gemeine bestetigunge aller irer friheiten, die disser keiser Otte der rote gethan hot, vnde darumme czihn sich alle Meideborgische recht nach wichbilde recht an den selbien keiser; vnde zcu eyner orkunde so haben sie sien lipczeichen stene vff dem marckte mit den fursten, daz sy phlichtig sien czu halden yn irer czirheit. Vnde alzo ist Meideborg bestetiget an irem rechte mit des landes^t wilkor an dissim rechte; wen(ne) is noch wichbilde recht hot, vnde daz eldiste ist <von^u> dem lande, vnde Halle darusz gestifft ist. Vnde darumme sollen alle dy von Polen vnde von Behemen, vnde die vz der marcke von Miszin, vnde vz der marcke von Lusicz, von den steten allen, dy dorynne begriffen sien, ir recht zcu Halle holen. Vnde daz ist darumme, daz Halle gestifft ist vsz Meideborg, vnde mit siner stiftunge elder ist when andere stete, vnde darumme daz den von Halle der richtstul gegeben ist, vnde ist gnant dy hoeste dingstat, <ut> ss li. ii ar. xii wenne man abir⁷ ver. schilt man eyn orteil⁸.

Vorbaz mehr sollit ir wissin czwischen wichbilde rechte vnde lantrechte daz vndirscheit, vnde <cz>wischen geistlichem rechte vnde keiserrechte.

Nach wichbilde rechte beruft man sich von eyner stat zcu dy andere, nach dem daz dy stete vzgesaczt sin, vnde komet zcu leczten bis kein Meideborg vff den phalcz, ader vor den koning; daz selbie ist ouch zcu uornemen, beruft man sich in eynes hern stat; der mag sich nicht hochir beruffen, wen an dy stat, do sy ir recht holen; also dy von Lipczk holen ire recht zcu Halle, dy^w von /B 44^v Halle zcu Meideborg, dy von Meideborg zcu dem phalcze, daz ist zcu Schartaw.

Jn keiserrechte berufft man sich von richtere zcu richtere uffwert. Beruft sich aber eyner an eynen hoern richter, wen er sich beruffen sal zcu rechte, der sendet en wedir zcurucke an den richter, an den er sich beruffin solde, ut ff. de appellacionibus l. imperiales⁹.

Jn geistlichem rechte mag man alle mittilste richtere lassin, vnde sich an den hogisten beruffin; alzo hat eyn man tedinge vor dem official, er mag sich beruffin an den Romisschen stul, daz ist an den babist, ut ii q. vi <c.> Romana¹⁰.

Daz mag aber yn lantrechte nicht gesyn, <ut> ss li. ii ar. xii wen man abir¹¹ ver. keines geschuldens orteils¹². <Als^x vnsers orteils^x> beruffunge sich czuhit zcu hoern steten, vnde doch wol die marcke hoer sy an dem richtstule, denne dy graueschaft, doch mag man sich mit eyner beruffunge czihn vz eyner marcke. Nu mochte eynen wol wund(er)n, wie daz bestehn mochte, daz man sich vz eyner marcke czihe in eyne graueschaft, nach deme daz der greue daz lehn von dem marcgreuen hat; wen wer eyn befeler eynes gerichtis ist, der selbie ist ouch <billich^y> der beruffunge eyn richter, ut ff. de appellacionibus l. ii¹³. Jr sollet wissin: Alleine das wol der greue daz lehn sines gerichtis habe von dem marcgreuen, ydoch so mag der greue den ban von dem koninge entphan, <ut> ss li. i ar. lix allerhande clage vnde vngerichte¹⁴ ver. by koningis banne mag kein man¹⁵. Ydoch zo mus der greue dem marcgreuen sweren zcu rechte; vnde do by ist wol zcu uornemen, daz eynes gerichtes beuelunge uil mehr an deme koninge behore, wen an eynem and(er)n fursten.

Nota. Daz ir daz genczlichin vornemen moget, so sehit eyn glichenisz: Eyn houegerichte siczit eyn houerichter; /B 45^r wirt do orteil geschabin, daz geschobene orteil volget nicht in daz statgerichte, sunder man czuhit sich an eynen and(er)n herren. Alzo ist is eigintl<i>chen zcu uornemen: Mag daz orteil nicht vorgang gehabin, der herre lest daz schiben an den koning.

Jr sollit eigintlichen mercken: Der marcgraue dinget by sines selbist hulden, <ut> ss li. iii ar. lviii der marcgraue¹⁶. Daz tut der greue nicht; wen der dinget vnder^z des koningis banne, <ut> ss li. iii ar. lvii gebuet der koning¹⁷ ver. phalczgreuen dingin ouch vnder koningis banne, alzo der greue¹⁸.

Jr sollet wissin: By koningis banne, daz ist, by koningis getwange, daz ist, by synen hulden. Wen is tar by koningis banne nymant dingen, er habe denne den ban von dem k<o>ninge entphangen, <ut> ss li. i <ar.^a' lxiiii allirhande¹⁹ ver. by koninges banne mag keyn et cetera²⁰.

Jr sollit wissin: Eyn schepphe sal an sinem rechte vnbesprochin sien; vnde sien darumme schepphinbare vry genant, das sie sollen aller bosheit offinberlich fry sien, so daz man sy an yren rechten, noch an iren eren, noch ouch an yren ammechten <nicht^f'> beschelden moge, <ut> ss li. iii ar. xxvii wen man vnelich²⁶, et e. li. ar. xxviii kein schepphinbare vrie man²⁷.

Ouch sollit ir wissin, daz dis von des ammechtis wegin ist, vnde anders nicht. Vnde daz ist von des keisers saczunge alzo vffkomen, alzo vor gesprochen ist, daz der schepphen sollen eilffe sien, vnde der schultheise der czwelfte; wenn der schultheisze sal dem burcgreuen daz erste orteil vinden; wen is mag kein richter vndir koningis banne dingin, adir ioch echte ding haben, ane sinen schultheissen, <ut> ss li. i ar. lix allerhande clage²⁸ ver. is mag kein richter²⁹, et li. iii ar. xlvi die Dewczschin sollen³⁰ ver. dorumme daz kein³¹. Vnde glichir wise alzo eyn burcgreue kein echte ding gehabin mag an<e> sinen schultheissen, also mag der schultheisze an<e> dy eilff schepphen kein echte^g' ding gehaben. Vnde wen(ne) do eyn ding geheget w(er)t, so ist daz eyn corpus zcu echtir dingestat.

Jr sollit wissin, daz drie sundirliche stat sien, do der werltliche richter nicht gerichten mag. Czum erstin male in geistlichin steten, vnde in husern der vnkuͤscheit^h', vnde yn leythus(er)n^i', vnde yn allen vnerlichin steten, ut C. de sentencijs et interlocucionibus omnium iudicum l. cum sentenciam³², et ff. de regulis iuris l. omnia quecumque³³, et extra de appellacionibus <c.> qua fronte³⁴.

Jr sollit ouch wissin: Were is sache, daz eyn richter sinen richtstul vorlegin welde durch redelichir sache wille, dy do en erret, daz er do nicht /B 46^r gerichte gesiczin moge; alz er nu in gerichte siczit, vnde gerichte uffgebin wil, so sal er sine dingstat nennen, wo er ding siczin^j' wil, <vnd^k' sal^k'> daz mit rechten orteil bewaren, vnde dy sache do benennen, worumme er daz gerichte von der stat legin mus, <ut> ss li. iii ar. liiii obir achtczen wochin³⁵. Gescheige daz nicht, vnde queme dy not darumme, daz er daz gerichte dannen legin muste, alz der daz ding uffgegeben hatte, der richter mag daz ding hegin, wo er wil, ane an sollichin steten, alzo vor gesprochen ist; vnde daz sal er bewaren mit rechten orteiln; vnde der fronebate sal is vff dem marckte kundigin, wen(ne) er mit orteiln dorczu gebrocht wirt, also recht ist.