Jr^e sollit wissen, alzo wir vnsere rede gewant haben an den koning. Wen man den konig kusit, so sal er deme riche hulde thun, vnde sweren, daz er recht wolle thun, recht stercken vnde vnrecht krencken, vnde des eydes meyn/B 32^runge sal alzo sien:

Jch⁵ swere <by> dem almechtigen gote <vnde> by sinem eyngebornen sone, vnsern hern Ihesu Christo, vnde by der ersamen gotisgeber<er>ynne Marian, der ewigen mayt, vnde <by> dissin vier ewangelien, dy ich habe yn der hant, vnde by den heiligen engiln Michael vnde Gabriel, daz ich wil halden eyne reyne gewissin vnde redelich dinst mynes herren <N.^f> in dem ammechte, daz mir von siner gute beuolen ist; vnde wil alle swere erbeit entphan sunder trogen, vnde boze kunst in dem ammechte <meiden>, daz mir von dem riche beuolen ist. Jch swere ouch, daz ich rechtis gloubins byn, vnde daz ich em nymmer zcu schaden werden wil, vnde daz ich entpha daz ammecht sunder alle mitunge, vnde daz ich mich redelich bewisen wil an den vndirsessin vnsers hern, vnde wil genugigk sien^g an mynem lehn, vnde wil vorsteen des riches recht, vnde daz nicht lassen weder durch libe noch durch hasz noch durch nucz, noch daz eynem andern irlouben. Jch swere ouch, daz ich die gutere veterlichin wil halden, vnde wil yre^h vndersessin vnuorseret laszin vnde halden, vnde wil in dem gerichte glich sien, vnde wil vzford(er)n alle bruche, vnde wil halden, waz do recht ist. Vnde swere, das ich die gerechten by irer gerechtigkeit wil behalden, vnde wil den vngerechten zcufugen ire beschrebin pyne. Ab ich daz breiche, zo ghe obir mich daz ewige gerichte vnsers hern Ihesu Christi, vnde musze sien von Judas teilhaftig, vnde musze entphan Josias suche, vnde mich bestee Cayns beben, vnde obir mich musze ghen daz werltliche gerichte, daz obir falsche richtere gesaczt ist.

Ut in autt. juramentum quod <prestaturⁱ> ab hijs qui administracionem accipiunt per totum colla. ii^j 6. /B 32^v Vnde disser eit ist eyn eyt des ammechtis, js sy keiser ader werltlichir richter, er sie werltlich ader geistlich, ut xxii q. ii <c.> in dolo iurat⁷, e. q. v <c.> <cavete^k>⁸, e. t. <c.> iuramenti⁹.

Nota. Darumme spricht er hie: Vnde saczten dem koninge sotan recht. Vnde daz ist genomen vsz Karolus saczunge, do er den Deuczschen daz recht gab vnde ouch dy kore, ut ss li. iii ar. xlvi dy Deuczschin sollin durch recht¹⁰.

Disz¹¹ recht gab der grosze konig Karl den Deuczschen. Wen vor korn dy senatores zcu Rome den koning. Vnde die fursten vnde dy hern mit den Romern zcu rate wurden, wie daz rich bestehn wolde. Vnde dornach quam die kore an die heͤrlute^l, daz die eynen koning koren, wenne eyn koning in dem here irslagin wart, wen sy in heerfarten waren. Vnde daz waz deme here gar schedelich, daz denne daz volk in fromden landen ane houpt solden sien. Vnde darumme so gabin dy Romere den herluten die gewalt, daz sy eynen koning kysen mochten. Sint aber daz koning Karl gesach, vnde sunderlichin vornam, daz die Duczschen zo gar getruwelichin dem riche bystunden vnde hulffen, vnde des richis heil mit ganczim vliesze suchten, vnde yo des richis heil an^m den Duczschen lag, do gab er den Deuczschen gewalt, das sy den koning kysen solden.

Vnde disz vint man in der constitucio, dy keiser Karl gesaczt hat, vnde saczte sy, daz er den stul zcu Rome vorsteen sulde, darumme daz er der obirste richter ist vnde der erste in dem herschilde, ut ss li. i ar. iii Orighenes¹² ver. zcu der selbien¹³.

Jr sollit wissin: Ritterlicheⁿ erbarkeit ist enczwer geboren ader gemacht. Gemachte ritterschaft haben bisschoue vnde epte vnde alle gekorne fursten; vnde darumme zo sal der koning fry vnde edil vnde elich geboren sien, ut ss li. iii ar. xlviii lehn an gerichte¹⁴ ver. der koning¹⁵. Vnde daz ist darumme, daz an em beghinnet dy geborne achtbarkeit in der /B 33^r ritterschaft. Vnde der koning sal ouch gewyet^o sien, ut ss li. iii ar. xlvi die Dewczschen¹⁶; darumme daz die kore an em beghinnet, ut in autt. de heredibus et Falcidia in principio colla. i¹⁷. Vnde der geborne ist edeler wen der gekorne, dy kore kome ioch, von <weme^p> sy kome; wen(ne) dy kore ist vffkomen von gesacztem rechte^q, aber geboren adil ist von naturen; wenne eyne saczunge mag kein naturlich recht vordringen, ut i di. <c.> omnes leges divine sunt aut humane¹⁸, <et> Instituta de legittima agnatorum tutela § quia civilis racio¹⁹. Vnde darumme spreche<n> wir: Der koning ist der erste in der achtbarkeit der geboren ritterschaft.

Nota. Der ander herschilt nedirwert an der ritterlichin wirdigkeit habin die bisschoue vnde geistliche fursten, vnde dy korfursten, vnde dy von Brunswig, darumme daz sy keines bischoffis man sien; vnde disse heiszin in legibus superillustres, das heissen ,obirfursten‘. Den dritten herschilt nedirwert der ritterlichen wirdigkeit haben der vorgnanten fursten man, vnde heiszin illustres, ,slechte fursten‘, ut ss li. iii ar. xlvi lehn an gerichte²⁰. Den virden herschilt habin die vrien herren, vnde heiszin nobiles. Den funfften herschilt nedirwert haben der vryen herren mannen, vnde die heisszin barones. Den sechsten herschilt nedirwert haben der frien herren manne man, vnde heiszin eynschildige lute, dorumme daz sy eynschildig sien an dem schilde, daz ist an dem ritterlichen adil. Nu sagin eczliche, daz man an dem sobinden schilde czwiuil habe, ab er lehnrecht haben moge. Jr sollit eigintlichen wissin: Do ist kein czwiuil an. Wenne die leyenfursten haben den sobinden schilt abegeleit, synt sy der bisschoue man wurdin sien, das ehr nicht en was, ut in autt. ut ab illustribus et qui super eam sunt dignitatem l. sanccimus colla. v²¹.

Nota. Alle dy^r, die in der herschilde eyn begriffen sien, dy habin ritters namen, daz ist, daz sy rittere werden mogin; vnde darumme nennet er hy dy fursten, frie^s herren, vnde /B 33^v alle^t, die ritters namen hatten.

Nota. Vnde saczten dem koninge so getan recht, daz er dem stule zcu Rome vorsteen solde mit dem werltlichem swerte. Vnde disz sollit ir vornemen: Disz geschach, dy wile do die Romere daz rich ynne hatten, vnde selber mit iren senatores den koning koren, vnde dy land betwungen hatten, vnde daz rich in irer gewalt was; vnde daz geschach mit des keisers wille, anders were dis wedir dy leges, <ut> Institu. quibus modis testamenta confirmantur § licet enim inquiunt leges²².

Jr sollit wissin: Des keisers redeliche wille ist eyn recht, ut Institu. de iure naturali gencium et civili § sed et quod principi²³. Wen worumbe der keiser ist obir alle recht, ut C. de legibus et constitucionibus l. dingna vox²⁴. Vnde sint sich denne der keiser en gegebin hat, so ist daz nu keiserrecht, ut ff. de officioso testamento l. supra § si imperator²⁵. Wenne worumme er mag sich wol williglichen zcu eynem dinge geben, sint sin wille eyn recht ist, ut ff. de legibus et constitucionibus l. princeps²⁶. Disz mus aber sien wille sien, <ut> C. e. t. l. digna vox²⁷. Vnde darume entphet er syne leczte wyunge vnde cronunge zcu Rome; vnde so mus^u er dem Romischen stule hulde thun, ut xliii di. <c.> tibi domino Johanni²⁸. Vnde darumme heist er^v Romischer voit, ut ff. de senatoribus consultu l. princeps²⁹.

Nota. Darumme ist em ledig wurden in allen steten daz gerichte, so daz er wol richten mag alle clagen, die in gerichte nicht begunst noch geant sien, ut ss li. iii ar. liii ver. in welchir stat des richz³⁰. Daz ist zcu uornemen: Nach der czit, alzo er gecronet w(er)t vnde gewyet; vnde so ist er eyn richter obir alle, ut C. de veteri iure enucliando l. tanta³¹, et ss li. iii ar. xlvi die Duczschen³² ver. den koning kewst man zcu richtere³³. Darumme, daz er der hogiste werltlichir richter ist, vnde darumme, daz er denne allen enden nicht gesyn /B 34^r mag, darumme sien von em alle richtere gesaczt, ut in autt. ut iudices sine <quoquo^w> suffragio fiant § jtaque deo³⁴. Wenne worumme aller adel vnde alle ritterschaft entspruszit von dem koninge. Jn gotis stat siczin alle richtere, vnde darumme sal man alle richtere ,herre‘ heissin, die zcijt, alzo er in gerichte siczit, ut in autt. iuramentum^x quod prestatur ab hijs qui administracionem accipiunt § i colla. ii³⁵. Sint denne daz der keiser allen enden der obirste ist, vnde nicht richten mag alzo vffte, alzo is not ist, dorumme hat er richtere gesaczt, dy vorbasz richtere seczen; alzo der koning seczit die fursten, die fursten vorbasz dy greuen, die greuen vorbas die gogreuen zcu richtere, do sy nicht selber gesien mogen, ut C. de pedaneis iudicijs l. placet³⁶. Vnde mogin sy denne do selber gesien, alzo der koning in der fursten gheinwertigkeit ist vnde in ire gerichte, so ist die sache weg, do er andere richtere vmbe gesaczt hatte, vnde so richtet er denne billich selber, ut ff. de regulis iuris l. cum principalis³⁷. Vnde daz ist darumme:

Nota. Siet eyn richter eynen erb(er)n man vor gerichte, dem sal er irlouben zcu siczen, ab er nicht eyn cleg(er) ad(er) eyn antwerter ist, <ut> C. de officio diversorum <iudicum^y> l. singuli³⁸, et l. si autem³⁹, et in autt. ut ab illustribus et qui super eam sunt dignitatem § quicumque procedunt colla. v⁴⁰. Habin sy aber do zcu schaffen, so muszin sy stehn, alzo andere lute, ut in autt. e. t.⁴¹, <et> C.^z de postulando l. quicumque⁴².

Nota. Monczin vnde czolle et cetera. Wissit: Do sich des richz merunge begunde, vnde Enoch, <Cayns^a'> son, die erste stat buwete⁴³, do hilt man vor eyn recht, waz eyner beerbeite, daz torste em nymant nemen; ouch torste er is nymande geben. Do irdachte man eyn czeichen, doran waz des hern bilde, daz muste er em geben; das bewisete er denne deme hern, daz er is mit ghenes wille hatte, vnde waz eyn czeichen des gehorsams. Dornach, do dy Romere begunden zcu hirschen, vnde /B 34^v Numa^b' Pompeyus an das riche^c' quam, der irdochte pheninge nach der selbien wiese, vnde gab deme pheninge den namen, vnde hies en nummus; vnde machte domete eyne gewere; wen vor der czit hatten die lute ir gut nicht gereit an pheningen, sunder sy hattens ane vye, vnde hies pecora; wen waz sy mit einandir hatten zcu schaffen mit kouffen ader vorkouffen, do was anders nicht wen eyn wechszil, wenne man rechente is alles vor guth, ut i q. iii <c.> totum quicquid homines⁴⁴. Vnde do sich do die lute besaczten, vnde do dy fursten deme lande hulde getaten, vnde daz volg zo wyt gestrouwit was, so daz die moncze vnde nummisma nicht komen mochte allen enden, <vnd^d' das volk nicht allen enden^d'> mit en gefuren mochte alles, daz is hette, also vnechte^e' knechte, die do eigen waren, vnde ackir, do man en vmme kouffen mochte, do gab daz riche syne gunst dorczu, daz eyn furste yn sinem lande wol eyn moncze machen mochte; vnde⁴⁵ wo man daz begerte, do sante der koning sinen hantschuch, das man is irkante, daz is des keisers wille^f' vnde gunst was, ut C. de nundinis l. qui⁴⁶, <et> ss li. ii ar. xxvii pheninge et cetera⁴⁷ ver. ouch sal der koning⁴⁸.

Wenne denne dis von des riches gunst zcu der gemeinen nucz gesaczt wart, darumme ist ouch die gunst ouch do gesaczt, daz, wo er selber nicht gesien mag, daz er en do eyne moncze gebe; dorumme ist em billich dy moncze ledig, also er jn daz land komet, ut ff. de regulis iuris <l.> cum principalis⁴⁹. Vnde daz vint man ouch in der nuwen saczunge, dy sich beghinnet: Albrecht, von gotis gnaden, ar. x⁵⁰.

Czolle^g' sien uffkomen vnde sien zcu dem gemeinen nucze gesaczt. Wen vormals, do dy lute mit enandir orlowgeten, daz sich daz volg nicht zcu thun torste zcu der gemeinen nucze, saczten /B 35^r dy Romere, daz man boleten solde nemen; vnde von weme dy boleten wurden gegeben, solde der nemer schadelosz den yn sinem geleite halden; vnde daz wart aber von des richis gunst gegeben den fursten, das sie douon strassen ritere hilden, vnde daz volg beschermen sulden, daz gastwise in ire gebiete queme, vnde so verre von dem riche weren, daz sy daz rich zcu der selbien stunt nicht beschirmen muchte. Vnde wen denne der keiser in dy lant komet, do czol ynne ist, do ist em der czol ledig, zcu uorhoren, ab zcu rechte eyn czol von dem riche do hen gelegit sy, ader nicht, <ut> C. ut nova vectigalia institu. non pos. l. non quidem⁵¹, <et> ss li. ii ar. xxvii wer bruckenczol⁵².

Jr sollit wissin: Welch man kein eynem herren koufte ader mitte czolle, moncze ader gerichte, daz denne der keiser dornach nedirleite, alzo er do kegenwertig qweme, der herre hat deme kouffere ader dem mitere keins zcu irgetczen, synt keiner dem andern an deme dinghe besser recht geweren mag, wen alzo er selber dorane hatte, ut ff. de regulis iuris l. nemo⁵³.

Dy⁵⁶ erste, ab er den stul zcu Rome vorstoren welde. Do by ist zcu uornemen, ab er gotis huzere storen welde. Jr sollit wissin: Wer eyn keiser ist, deme ist gesaczt von sines ammechtis wegin, daz er den stul zcu Rome beschermen sal; vnde sal gotis huzere bessern, ut in autt. quomodo oportet episcopos et reliquos clericos /B 35^v ad ordinacionem produci § i⁵⁷. Wenne er sal dy kirchen mit nichte ergern, sunder er sal sie bessern, ut in autt. de non alienandis ecclesiasticis rebus § sancimus colla. ii⁵⁸, et xcvi di. <c.> boni principis⁵⁹. Nota. Vmme sotan sache wart keiser Theodosius der grosze zcu banne gethan von sente Ambrosio, ut xcvi di. <c.> duo qwippe⁶⁰.

Archadius⁶¹ der keiser wart gebannen von Jnnocencio, darumme daz er Crissostimum vortreib, der is doch nicht tat; sunder er gab stat vnde uolbort darczu. Vnde wer denne eyn ding uolbort, der ist alzo schuldig, ab er is selber tete, ut xxiii q. v <c.> qui vicijs nutriendis⁶².

Secundo⁶³, ab er den vnglouben stercken welde. Das ist: Wer an dem glouben czwiuelt, der stercket den vnglouben. Darumme sal man en alleine nicht bannen, sunder man sal en och abeseczen, vnde nicht alleine den keiser, sunder ouch den babist. Vmme zotane sache wart keiser Friderich abegesaczt, ut extra de re iudicata c. ad apostolice⁶⁴ ver. nos itaque⁶⁵. Den babist mag man ouch abeseczen vmme sotane sache, ut xl di. <c.> si papa⁶⁶.

Die⁶⁷ dritte sache ist, ab er sien elich wyb lest. Vmme sollichz wart Lotarius gebannen, der lies dy koningynne Thebergam vnde nam Gwaldradam, ut ii q. ii <c.> scelus Lotarij⁶⁸.

Nota. So sal man ober en richten; vnde <man> sal em daz houpt^k' abeslaen mit eyner gulden barten obir schildis rande; vnde dis sal thun der phalczgraue von dem Ryne, der dem lande zcu eynem richtere obir den koning gesaczt ist. Vnde darumme slet man dem vorteilten koninge sien houpt abe mit eyner barten, dorumme daz er daz swert beuolen hat allen richtern, domete zcu richtene, vnde er denne deme gerichte nicht vorgestanden hat, alz er zcu rechte solde. Also er denne der koniglichen wirdigkeit nicht wirdig ist, also /B 36^r ist er ouch nicht wirdig der erlichen pyn des swertis; wen man mag vntruwe wol mit der pyn der betrubunge pynigen, ut xxiii q. v <c.> ad fidem nullus est cogendus⁶⁹.