B 206^r[133 (132) § 1] Spricht eyn man eyn gut an, js sy gewant ader was is andirs sy, ist <is^a> em abe geroub<e>t^b ader gestolen, do sal er sich czu czihn mit synes selbist hant, vnde sal sweren uff den heiligen, daz <is^c> sien waz vnde noch sien sy, do is em abegestolen wart.

[133 (132) § 2] Jst is abir eyn phert, daz eyn man anspricht, do sal sich eyner czu czihn, alzo recht ist, daz ist, er sal mit synem rechten fusze dem pherde uff synen lincken fusz treten, vnde sal mit der lincken hant deme pherde griffen an sien rechte ore, vnde sal begeren der heiligen, dem pherde obir dem houpte, vnde sal sweren, daz daz phert sien waz, vnde noch sien sy, do es em abegestollen ader abegerobet wart. Zo czuhit er sich an synen geweren, vnder deme daz is angesprochen^d w(er)t, vnde mus sweren uff den heiligen, das er daz czie zcu rechter gewere. Do mus em ghenner zcu rechte volgen, ane obir dy wilde zehe. Spricht er abir, er habe is gekouft /B 206^v uff dem vrien marckte, vnde hat er keinen geweren, er vorlust daz phert; darvmme lyd^e he^e kein gewette^f.