[121 (120) § 1] <Synt^d> ir vornomen habit von vogiln, welche wilder natur sien adir nicht, nu wil er hie sagen von tyren, dy ouch wildir natur sien. Jr sollet wissin: Dy tyr sien wilder natur, dy man nicht vor eynen hirten getribin mag, vnde gehuten, ut Institu. de rerum divisione § fere igitur⁴. Vnde darumme nennit er virley tyr, vnde spricht: Wer so helt eynen glumenden hunt et cetera. By deme hunde sien zcu uornemen^e allerley tyr, dy by den leuten phlegen zcu wonen, vnde doch von naturen schedelich phlegin zcu sien. Tete der hunt schaden, er muste is geweren, das er is nicht habe gewust, das sien hunt glumende^f sy; so blibit er ane wandil, ab er thar.

[121 (120) § 2] Were abir der hunt gevessirt an eyner kethen yn eynes mannes gewere, vnde tete der hunt do schaden, do ist der selbir schuldig, der den selben entphet. Hetczit ouch eyn man sinen hunt^g vff siner nackebuer vihe yn synen geweren, <da^h is jm schaden wil^h,> vnde wurde das gewunt, er <salⁱ synⁱ> schadeloz bliben. Lieffe abir der hunt dem /B 202^r vihe nach uff dy gasse, vzwendig des mannes hafe, des hundis w(ir)t sal den schaden legern vnde gelden uff recht. Welde abir eynes mannes hunt eyn vihe biessen vff der gassen, ader eynen man, vnde kan man deme hunde anders nicht gesturen, vnde vorlutbart er dy not, so das er is geczeugen mag, slet er den hunt zcu tode, ader wunt er en, er blibit is ane wandil, mag er dy not bewisen mit geczeuge, alz recht ist. Vnde hat der hunt wunden vorne zcu, adir czu den syten, vnde thar der man das geweren uff den heiligen mit zcwen ving(er)n dy notwere, er blibit ane wandil. Jst ab(ir) der hunt hindene gewunt, zo mag er nicht vnschuldig werden, ab er yn hanthafter tat beschuldiget w(er)t. Er mus den hunt bess(er)n mit sinem gesatcztem wergelde, <ut> ss li. iii ar. lv⁵, <et> e. li. ar. ult.⁶ Dis ist ouch zcu uornemen von anderem vihe, das do czham ist, vnde doch von geschichte schaden tut; des mag sich eyn man wol uss(er)n, ab er daz vihe nach der geschicht nicht widir yn sine gewere nymmet, <ut> ss li. ii ar. xl wes hunt⁷, <et> Institu. si quadrupes pauperiem fecisse dicatur § animalium⁸, <et> ff. e. t. l. in principio⁹.

[121 (120) § 3] Jr sollet wissen: Hilde eyner wilde tyr, der man mag nicht vnschuldig werden; was schaden die thun, den mus er gelden. Wenne worumme sy sien vorboten zcu haldene, er habe sy yoch, wy er sy habe, ut C. de edificiis edictis l. habencium¹⁰. Vnde darumme das solliche thyr, alzo fuchsze, luchsze, panthir, leoparden, lawen vnde wolffe, wer solliche schedeliche thyr heldet, der sal den schaden gelden vff recht nach sinem gesatcztem wergelde, ut Institu. si quadrupes pauperiem fecisse dicatur § et enim¹¹. Daz mus der man selbdritte bewisen, der den schaden entphangen hat, ut extra de testibus c. licet universis¹², <et> ff. de iniuriis l. hac lege¹³.