Hie by ist ouch zcu uornemen allerley kouffmanschatcz, do wandilkouff ane ist, do mus der vorkouffer <den^f kouffer^f> billich an geweren nach kouffmans rechte. Vnde ist zcu uornemen vmme vorborgene wandil, die vnbesehnlich weren, daz man sollichen wandil an funde. Vnde ist die kouffware gefelschit, der kouffer mag den vorkouffir anreden vmme eynen valsch. Lowckent em der vorkouffer, er ist is em nehir zcu entghen, denne en disser obirczugen moge. Bekent er em abir kouffes, vnde spreiche, er habe em vor kein wandil gelabit, jst dis wandil eyn offinbar valsch, er mus em antwerten vmme das valsch. Vnde mag der kouffer das geczugen selbdritte, alzo recht ist, er gewynt em dy werebusze an, das ist dy hant adir eyn halb wergelt, <ut> ss li. ii ar. xvi welch man vor gerichte¹ ver. werbusze². Jst daz an golde ader an silber, er mus liden so verre, ab er selber mit der hant entghen kan. Were is em abir vor guth gegeben, vnde mag er sinen geweren gehaben, bekennet em der, <er^g> wirt losz; louckent er em abir, disser mus den schaden tragen. Jst er vorbesprochen, er kommit vmme dy hant, ab dy sache so bewant ist. Jst abir dy sache andirs gewant, is ghet em an das leben, <ut> ss li. ii ar. xxvi pheninge³. /