[87 (86) § 1] Wirt eyn man mit knuttiln geslagen vff sinen rucken, ader uff sinen buch, vnde die^b slege bruwen, blaw ader dirhaben sien, mag er des den richter zcu geczeuge haben vnde die dinglute, das sy is gesehen haben, er ist nehir, uff en eynen kamph zcu brengen^c, denne er is mit sinem rechte entghen moge.

[87 (86) § 2] Wurde er aber vf daz houpt ad(ir) uff dy arme geslagen, vnde er des anders nicht bewisen mochte, sie mogen is baz entghen mit irem rechte, den(ne) er is uff sy gebrengen mochte. Bekenn(en) sy is abir, jr iczlichir vorlust sine busse, vnde der richter gewint sin gewette.

[87 (86) § 3] Syn die slege totlich, zo antwerten sy mit kamphe, dy darumme beclaget sin; syn sie abir nicht totlich, zo antwert eyner mit kamphe, dy andern entghen mit irer vnschult^d.