[79 (78) § 1] Welch man vorwunt wirt jn wichbilde, vnde beschriet er daz gerufte, vnde komet er vor gerichte, wenn er geclaget obir den, der do kegenwertig waz, vnde hat er syne^b schreymannen, alz mannich wunde er hat, alzo manichen man mag er beclagen. Komen aber dy lute vor, er mag en kamph an gewynnen, ab dy wunden kamphbar sien.

[79 (78) § 2] Hat er aber mehir lute beclaget, denne er wunden hat, vmme volleist, die andern entghen em mit irem rechte menlich selbsobinde.