Jr sollit wissen: Eynes mannes gemyter knecht bricht czwierley wise. Mit der herren wille; vnde do mus der herre vor antwerten, alz ab er is selber getan hette, <ut> ff. de noxalibus accionibus l. ii³, et l. in delictis⁴. Brechen sy abir ane des herren wille ader wissen, is werden ire herren vnschuldig mit irem eyde.

Nota. Were ouch eynes mannes dyner geslagen ader missegehandilt, do hette der man keine vorderunge an, man hette is den(ne) em zcu smaheit getan, <ut> ss li. ii ar. xxxii wer eynes andern⁵, <et> Institu. de iniurijs § servus autem⁶. Welde man abir den herren darumme beschuldigen, er darff darumme nicht antwerten, <ut> Institu. de iniurijs § sed et si⁷. Beschuldiget man den herren ratis vnde tatis, do muste er douor antwerten, ut ff. si familia furtum fecisse dicatur l. <i^g>⁸.

Jr sollet wissen: Hette sich eyn dinstbote sinem herren vormit, vnde eigintlich uff eyne gnante czit, /B 175^r vnde der herre en vortrebe, der herre sal em gancz lon geben, alz ab er is vordinet hette, darumme das er den dinstboten vorsumet, er bewiste denne^h die sache, als recht ist, mit czwen vingern vff den heiligen, <ut> ss li. ii ar. xxxviii kein man⁹ ver. vortribit¹⁰. Entghinge ouch der knecht sinem herren von sinen mutwillen ane redeliche sache, der knecht sal dem herren alzo uil gebin, alz em der herre gelabit hatte, <ut> Institu. de locato et conducto § conductor¹¹. Is were denne, das der knecht yn der czit eyn elich wip neme, ader ab em eyne vormundeschaft anirsturbe, <ut> ss li. ii ar. xxxix welch knecht¹², <et> Institu. de excusacione tutorum et curatorum § sicud¹³. Disse zcwo sachen losin alle vorbindunge, <ut> C. de legibus et constitucionibus l. non dubium¹⁴.

Jr sollet wissin: Sturbe eyn dinstbote, sien erbe nympt sien vordintis lon. Stirbit er vor dem tage, sien erbe muste vuldinen, ab er gancz lon von em haben wolde; jm wurde abir anders nicht mehr, wenne das er vordinet hette bis uff den tag, do er starb. Sturbe ouch eynem dinstboten sien herre, des herrenⁱ erbe sal den dinstboten halden bisz zcu dem driszigisten, dorumme das sich der dinstbote andirswo bestetigen moge, vnde sal em lones geben, waz sy vordinet haben, alz ir herre starb. Hetten sy abir zcu uil lones uffgehaben, sy dorffin is nicht widirgeben. Weg(er)t man em abir lones von eyme iare ader von eynem halben, das mus der dinstbote uff den heiligen behalden baz, denne man em lones geloucken moge, <ut> ss li. i ar. xxii der erbe¹⁵ ver. von dem <erben^j>¹⁶. Vnde dis behelt er zo kegen dem erben. Sundir disz kegenwertige recht spricht von dem hern selber: Wil abir der herre vorguldene schult bewisen, das mus er thun selbdritte^k.