[65] Dissen ersten artikil habe<n> wir vor geglosiret, do wir gesprochen haben: Ab eyn leye den and(er)n et cetera, ss li. iii ar. <lxxxvii^d> welch leye¹. Wenne worumme is ist nymant phlichtig, deme and(er)n zcu antwerten yn eynem and(er)n gerichte, do sy beyde vz eynem gerichte <syn^e, ut^e> C. de rectoribus provinciarum l. iustissimus², <et> C. de ordine congnicionis et de foro competenti l. iuris ordinem³. Vnde dis ist sunderlichen zcu uornemen vmme schult, do er em besessin genug were. Wenne worumme er hette em ouch lichte anders keins zcugesprochen. Vnde darumme spricht er hie: Jst, das eyn man betefart et cetera. Ap eyn man dem andern schuldig were, vnde der schuldiger were geczogen solliche wege, vnde sine schulthern quemen en an von syme heymete sechz milen ader mehir, vnde weren nicht ynheimisch gewest zcu der czit, alzo der schuldiger vzcoug, vnde dennoch douor, vnde hilden en uff vmme ire schult; jhenner spreiche zcu der antwert: "Wir sien beide vz eynem gerichte, vnde ich habe uch vor vnserem richtere rechtis ny geweig(er)t." Spricht denne ghenner: "Jch byn nicht ynlendisch gewest zcu der czit, alz er vzczoug vnde vzczihen wolde; darumme bitte ich gerichtis vnde begere antwert." Nota. Uff solliche sache spricht er dis recht, do er spricht: Jst, das eyn man et cetera.

[66] Nota. Beclaget eyn man den and(er)n vmme schult. Nu seczit vns das wichbilderecht eyne wise der vorderunge vmme schult nach toder hant, vnde spricht zcum ersten mole vmme vorderunge, dornach vmme antwert; vnde spricht: Beclaget eyn man den andern vmme schult, die er em gelabit vor sine(n) vater, des sal er en ynnern mit geczuge.

[67] Nota. Spricht eyn gast den and(er)n an vmme gelt et cetera. Jr sollet wissin: Wo eyner eynen mit geczeuge anspricht vmme gelt, zo ist der antwerter mit sinen geczugen nehir zcu entgene, denne man en mit geczeuge obirghen moge. Spreiche abir der antwerter, er were em nicht schuldig, vnde welde sine vnschult bewisen, wy is em eyn recht irteilet, vnde bitte yn eynem rechten orteile zcu irfarn, ab er icht mit sines selbist hant sien gut vnde sien ere zcu weren vnde zcu uortretene nehir sy, "wenne er mich ane richter vnde gehegete bang obirczugen moge von rechtis wegen, ader was darumme recht sy"? Spricht denne der cleger erweder: "Als ich en mit geczuge angesprochen habe, vnde er sine vnschult geboten hat, bitte ich yn eynem rechten orteile zcu irfaren, ab er nu icht sine vnschult billicher mit geczuge bewisen sal, wenne das er mit sines eynigis hant dauor sweren moge?" Zehit zcu, so sal em der antwerter sine vnschult bewisen, vnde das musz er thun mit geczeuge^k.