Darumme wolle<n> wir en wenig setczin von der selbien gabe, die zo geschit von den^c luten, die mit suche beuallen sien, vnde iris libis noch irer craft nicht geweldig sien; vnde lassin erben vnde iungen, den das gut von des rechtis anwisunge anirstirbet, deme sy is denne entphromden wollen wedir das naturliche recht. Wenne das ist eyn naturlich recht, vnde ouch eyn gesaczt recht^d. Vnde dis ist vnnaturlichen, das eyn man ader eyn wip, die mit des todis craft ryngende weren, vnde das ire vorgeben welden, vnde is iren erben domit entphromden. Wenne wer sien gut vorgibt zcu der czit, alzo er is selbir <nicht^e genuͤtczen^e> mag, so vorgibt er nicht, das sien ist, sunder er vorgibt das, das der ist, die is von em wartende syn, <ut> jn autt. de mandatis principum § oportet autem colla. ii¹.

Contra. Were das alzo, das weder man vnde wip iris gutis nicht vorgebin mochte, wenne is sich were, so muchten sy ouch kein testament machen. Vnde das ist vnrecht; des ich mich czihe an das recht, das das testament <nyrne^f> vorboten ist, ut extra de testamentis et ultimis voluntatibus /B 167^r c. si heredes².

Do sprechen die decretales: Welde eyn erbe nicht volbrengen das gelobde ader das testament des testatoris, so solde en der bischoff des landes mit rechtem twange twingen, vnde sine gutere mit allen fruchten vorkomern als lange, bis das er volbrenge, das der tode gelabit hatte. Muste denne der erbe das thun, so mag der tode das syne wol vorgeben vnde bescheiden.

Secundo. <Vort^g> mehir, <were^h> das also, so bunde eynes mannes wille nicht. Vnde das ist vnrecht. Wenne worumme man sal halden vnde volbrengen dy letczte begerunge vnde willen des toden, ut xvi q. ii <c.> ultima voluntas³. Vnde hette denne eyn todir das sine bescheiden durch got in sinem letczten willen, vnde blebe der wille vnuorwandilt, vnde bestorbe mit dem willen, so volbrenget man sine begerunge billich, ut extra de testamentis et ultimis voluntatibus c. non quidem⁴.

Tercio. Ouch mag eyn yderman das sine geben, weme er wil, is sy durch des todis vorchte wille, ader nicht, ut Institu. de donacionibus § mortis donacio⁵. Do spricht das recht: Er mag das sine bescheiden; vnde blibit er lebende, er mag das sine selber behalden, alz ab er is mit vnderscheide alzo bescheiden hat. Wenne worumme der letczte wille sal der allercreftigiste sien, ut Institu. de legatis § nostra autem⁶.

Jnⁱ oppositum. Weder dis zcu reden ist eyn teil zcu heftig. Darumme wolle<n> wir is korczlichen obirlouffen, vnde sprechen, das kein man noch wip in sichbette iris gutis icht vorgeben obir das bettebret obir drie schillinge, ader alzo uil, alz er begriffen mag mit der hant in sinem bereitem gelde.

Vff dis sollit ir wissen: Gabe, die w(er)t drierley vnnuczlichen von sundirlichen personen, die do gabe geben. Czum ersten male so ist die gabe vorbotten von dem rechten, die do geschiet czwisschen mannen vnde wibern; das ist zcu uornemen, ab eyn wip eigen ader erbe hette, ader lipgedinge, ader gerade, das sal sy^j irem manne mit rechte /B 167^v nicht geben, weder jm sichbette noch by gesundem libe, do sy is iren erben mete entphromden moge. Das ist ouch von dem manne zcu uornemen, ut ff. de donacionibus inter virum et uxorem per totum⁷. Vnde dis ist darumme, das man vnde wip kein geczweiet gut haben zcu irem libe, ut ss li. ii ar. xxxi man vnde wip⁸. Vnde⁹ von gemeinem gute mag nymant icht vorgeben^k weder des wille, der das gut mit em gemeine hat, ut ff. pro socio l. ii § hiis vero¹⁰. Vnde mag denne ir eyns deme andern nicht geben, ab is wol ir beyder wille were, so mag der man noch das wib wider synes gegaten wille keins vorgeben. Der¹¹ man ist eyn houpt des wibis, vnde darumme so mag das wip weder^l des mannes wille keins gethun, noch gelaben, noch geben, <ut> xxxii q. v <c.> mulierem constat¹². Vnde¹³ vnmundige kindere mogen keins ane yres vormunden wille thun, noch gelaben, noch geben, ut Instituta de auctoritate tutorum vel curatorum § unde in hiis causis¹⁴.

Vnde darumme irloubt das recht, ab ire vormunden iren willen darczu nicht welden geben, das sie iris gutis nicht vorgeben ader bescheiden toren, das sy doch drier schillinge wol gewaldig sien zcu geben, ader alzo uil, alz er mit der hant begriffen mag, ut Institu. de inofficioso testamento § quia plerique¹⁵.

Tercio. Kein eigin man mag sines gutis ouch nicht vorgeben ane sines herren wille, wenne worumme sy sien iris selbist nicht. Wenne sy sien eynem andern vndertaen mit rechte. Vnde wer denne eynem andern gebunden ist zcu rechte, der ist sines selbist nicht, ut Institu. quibus non est permissum facere testamentum § statim enim¹⁶. Gescheige <is^m> abir mit der wille, die des angeuellis wartende sien, so mag er is geben ader bescheiden, wemeⁿ er wolle, ab den erben ire dritten teil blibe, <ut> Institu. ad legem Falcidiam § quantitas autem¹⁷.

Ad primam racionem. Ir /B 168^r sollit vornemen uff dy erste jnstancia, das ane erbin orloub sines gutis in sinem sichbette nymant vorgeben mag. Vnde dis ist darumme, ab do schulde weren, die bliben vnuorgolden, vnde gebe denne eyn erbe sinen willen dorczu, so muste der erbe das testament geben, vnde dennoch die schulde gelden, ut Institu. de fideicommissariis heredi. § in primis igitur¹⁸. So verre, ab man des geczugen mag haben, das der erbe gelabete, so muste er is leisten. Douon sprechen die decretales.

Ad secundam racionem. Daz man des mannes letczte begerunge volbrengen sal, das ist zcu uornemen von den, die vry sien, vnde nymande gebunden sien. Weren sy abir gebunden, vnde vorgeben sy icht, ader bescheiden sy icht ymande, sy musten is leisten. Douon spricht der canon.

Ad terciam racionem. Eyn man mag wol das syne vorgeben, ader eyne bescheidunge thun, die man volbrengen mus nach sinem tode; das ist, by gesundem libe vnde voller crafft vnde guter vornunft sien ding geczuges hette, vnde geschickit^o, das man das geczugen mag mit soben erbarn mann(en), die by der bescheidunge waren. Vnde ist, das der erbe <gewust^p> hette^q, so muste is der erbe leisten, <ut> Institu. de legatis § nostra autem¹⁹.

Jr sollet wissen: Wo man so eyn gut weg scheiden wil, do sal er nemen by sinem gesundem libe keigenwertig siben mannen, den er syne meynunge beuelen sal, vnde sinen rechten erben das ouch beuelen; so hat is craft.

Nota. Die soben sollen ire bekentinisze thun mit des testatoris wille, vnde gemeiniglich, vnder eynem ingesigele, ab is not ist, alz vor gerichte ader gewaldigen mannen. Disse geczug sollen erhafftig vnde warhaftig sien; is sal weder wip, noch vnmundig, noch eigen, noch stum, noch towp, noch vnsynnig geczeug sien, noch ouch eyn echter, noch ouch eyn vorbanter, noch kein man, der rechtelos ist, ut Institu. de testamentis ordinandis /B 168^v § testes autem²⁰. Wurden sy begriffen mit des rechten craft, alzo zcu uornemen, ab der testator zcu dem testamentario spreiche: "Ich gebe dir myne gutere, vnde beuele sie dir, vnde heisse dich, das du das dor vnde das dorhen geben salt, alzo verre, alz myn gut went vnde gewendin mag nach mynem tode." Vnde gelabit das ghenner zcu thune, er ist phlichtig zcu halden.

Das abir hie yn deme texte steit, das ist zcu uornemen, ab er keins bescheiden hette. Wenne was eyn man yn sinem sichbette gibt, das vnuorgabit ist, geschit is nicht mit der <erben^r> orloub vnde wille vnde sunderlichen worten, is ist vnnucze, ut Instituta quibus <modis^s> testamenta firmantur § rumpitur^t 21.