Artikel 59
Articulus LIX
<Textus>
B 164r[59] Gibit eyn man synen kindern eyn gut in wichbilde yn geheigetem dinge vor dem richtere
vnde vor den schepphen vnder banne, ader synem wibeb, ... (fehlt Text)
[60 § 1] ... daz uff czinsgut steet, vor synem houehern, ader vor sinem nackeborn, vnde wil
ymant nach synem tode uff daz gebewde sprechen, dy frauwe behelt daz gebewde mit rechte
vnde yre kindere, ab sy des geczewge hat, alz vor gesprochen ist.
[60 § 2] Jst aber dy houestat des mannes eigen mit dem gebewde, zo mag sien ebenbortiger
swertmage wol daruff sprechen mit rechte; wenne is mag nymant sien eigen vorgeben
in wichbilde, denne yn gehegetem dinge vor dem richtere mit erben orlob.
Glosa
[59] Noch dem male das hie vor gesprochin ist von erbgute, das an varnder habe ist, an
wen das mit rechte sterben moge. Darumme wil er nu sagen hir, wie eyn man sien gut
vorgeben solle, das dy gabe crefftig vnde bestendig sy mit deme rechten. Vnde rurt
hie czwierley sachen.
Primo. Zcum ersten male, ab er is sinem wibe gebin wolde zcu lipgedinge, das sal er
thun mit erben orloub, <ut> ss li. i ar. xxi morgingabe1 ver. man mag wol2. Vnde w(er)t darobir eyn frede geworcht, das ist, ab dy gabe bestetiget w(er)t mit
rechten orteiln; vnde welde er an deme ymande icht geben, der dy erste gabe geczugen
/B 164v mag, <derc> vorwist alle gaben, die uff dem gute geschen mogen, ab er sy bewart, als recht ist.
[60 § 1] Czum andern male spricht er: Gebe eyn man sinem wibe ader anders ymande sien gebewde,
vor sinem czinshern, das do stunde uff czinsgute, ad(er)d vor sine<m> nackebarn, sollichir gabe ist die frauwe adir ire kindere nehir mit sollichin geczugen zcu
behalden, wen is en ymand gehind(er)n mag.