Artikel 52
Articulus LII
<Summarium> Wer sune breche, was er darume liden sal.
<Textus>
[52 § 1] Wo aber sune ader eyne rechte gewere geschit, bricht sy der sachwalde, vnde w(er)t
er des obirwunden, alzo recht ist, mit deme richtere vnde mit den schepphen: Vmme
eyne wunde, man vorteilt em dy hant; vmme eynen toden, den halz.
Glosa
[50 § 2] Jr sollet wissin: Disse artickil sprechen alle von sollichen sachen, die zo zcu
den luten gelasen werden, das sy entscheiden werden; vnde yn sollichen sachen gibt
das recht deme antwerter dy bewisunge, so das er mit sinen suneluten nehir zcu bewisen sy, denne en ghener nach der sune mit clage vmme die selbie sache ansprechin mochte,
<ut> C. de accionibus et <inscripcionibusb> l. nemo1. Wenne2 worumme das recht ist uil bereiter, eynen zcu losen, wenne zcu uordampnen, <ut> ff.
de accionibus et obligacionibus l. Arrianus3, <et> ff. de regulis iuris l. inter pares4, <et> extra de probacionibus c. ex litteris5.
Jr6 sollet wissin: Wo man so eyne sune <thutc>, ad(er) gelabit, ader vorborget, ader geweldiglichen eyne sache vz der hant lest
zcu luten, der tut sunderlichd drie stucke. Er vorstorit zcum ersten die naturliche clage, <ut> ff. de solucionibus
l. Stichum7. Vnde vorleget das gerichte, ut Institu. de excepcionibus § preterea8. Vnde vorbuet sich selb(er), das er keine clage mehr vmme dy sache thun mag, <ut>
ff. de in litem moventibus l. i9.
Vnde darumme so behorit dem antwerter die bewisunge, <ut> Institu. de excepcionibus
§ conparate10. Vnde darumme spricht er: [51 § 1] Ist die sune vor gerichte geschen, das ist, ab dy kore der sunelute vor gerichte geschen ist.
[50 § 1] Als ab czweier manne sache an der stat rat gelassin wurde ader an ire frunde, mit irer beyder willekor, das sy beyder syt liden wollen, was man daryn spreiche,
vnde welden sich darane genugen lassen. Eyner vndir en, welchir is were, wederspreiche
die sune, vnde spreiche, is were em nicht wissintlich, ader, er welde der nicht halden,
ader spreiche lichte, dy sunelute welden daryn nicht sprechen, vnde clagete uff sinen
widirsachen. Ghener /B 155r spreiche: Sachen sien geschen, darumme er en beclaget hette, die <sy> uff alle bescheidenheit
vnde uff alle fruntschaft zcu der stat rate ader zcu and(er)n frunden mechtiglichen
gelassin hetten, das vmme solliche sache vorbasz mehir keinerhande rede vnde teding
geschen solden, "dorczu er mit mir gewilkort hat"; ab er do weder reden wolle, zo
wolle er das bewisen mit richter vnde mit schepphen, alzuil, alzo er ir bedarff zcu
sinem rechte; vnde bittit in eynem rechten orteile zcu irfaren, ab er em nu vmme die
sache vorbasz mehir keinerhande antwert thun durffe von rechtis wegen, ader was darumme
recht sy. Noch sollichir antwert hat ghener keine clage mehir, ut ff. de solucionibus
l. Stichum11. Vnde darumme darff der antwerter ghenem nicht antwerten, darumme das er dy naturliche
clage vorwilkort hot; vnde darumme obirczuget dissin dy gewillekorte sune mit richtere
vnde mit schepphen, <ut> ss li. i ar. viii wo man abir12 ver. sune abir vnde orueyde13.
Jr sollit wissin vmme disse sache der sunelute: Die hot eczwas hefftigis jn ir, das
dy lute sere bindit, die zcu der sune griffen, vnde ire sache zcu suneluten seczen.
Wurde so eyne sache williglichen gelassen vz der hant, vnde wirt dy sune volbrocht
ader nicht, der antwerter ist dy sune nehir selbsobinde zcu <bewyszene>, wenne em yhen(er) der sune geloucken moge, <ut> ss li. i ar. viii wo man abir14 ver. geschit15, <et> C. de transaccionibus l. causas16, et l. non minorem17, et C. de probacionibus l. i18, et ii19.
Jr sollet wissin, wy sich eyn man bewaren sal, do man so sunelute keusit, wenne do
keusit uffte vnde uil valsch mete. Wenne worumme wen eyn ding geweldiglichin zcu luten
gelassinf w(er)t, so mag er des nicht vorslan, was sy daryn sprechen, darumme das ir orteil
nymant gestraffen mag. Jr entscheidunge bynt <dieg>, dy dorczu gewillekort habin, /B 155v <ut> ff. de arbitris l. i20, et l. ad rem § stari21. Wenn worumme wilkore bricht alle recht, so verre ab man sy geczeugen mag. Vnde darumme
spricht er hie: [51 § 3] Wo abir eyne sune geschit vzwendig et cetera.
Wo solliche sune geschen sal, dy sal man mit busze bestetigen. Alzo wer dy sune wedirspricht,
der sal voruallen sien czhen marg, ader wer dy sune bricht mit worten adir mit wercken,
<ut> C. de arbitris l. i22. Sy mogin abir kein anders daryn getragen noch berichten, wenne die sache, die zcu
en gelassin ist, <ut> ff. de arbitris l. si cum dies23. Were ouch die sache alzo gewant, das man die sune uff gelt schaczen solde, vnde
weren der sunelute dry, vnde trugen czwene mit eynandir obir eyn, der dritte sal volgen,
<ut> extra de officio iudicis ordinarii c. si ex tribus li. vi24.
[52 § 1] Nota. Wo eyne sune et cetera, <ut> ss li. iii ar. ix <werh da burge w(er)th 25> ver. bricht abir26. Jr sollet wissin: Man mag sune ader oruede hoch(er) schatczeni, wen(ne) darumme mag man ouch eynen hochir schuldigen. Vnde <disj istj> darumme: Wo27 man sunelute kuset, waz sy sprechen, vnde sy dy sune vorbynden, so muszin sy dy halden,
die dy sune gelaben, ut in autt. de iudicibus § quia vero multe colla. v28.
Ouch29 mag man sune ader orueyde mit clage brechen; ab er obir dy sune <yennenk> mit clage <anuertigetl>, so hat er dy sune gebrochen, recht ab er sy mit gewalt gebrochen hette, <ut> C.
de transaccionibus30 ... (fehlt Text) ... § preterea debitor si pactus fuerit31.
Sunderlichen mehr: Breiche eyn andir dy sune, vnde nicht der sachwalde, er muste is
bessern nach der sachen mit eynem gesatcztem wergelde. Bricht er sy abir selbir mit
gewalt, man richtit obir en, als obir eynen vredebrech(er), <ut> C. ad senatus consultum
Turpilianum l. si femina32. Breiche er dy sune mit clage, dy er vor gelabit hette, er muste das recht darumme
lyden.
a et cetera folgt B.b inprescripcionibus B.c -u- mit drei Hasten B.d folgendes s durchgestrichen B.e so L fol. 88rb; weysen B.f davor gesaczt B.g so L fol. 88rb; fehlt B.h–h so L fol. 88va; fehlt B.i davor satcze unterpunktet B.j–j so L fol. 88va; ist is B.k so L fol. 88va; gheme B.l so L fol. 88va; anvert (ursprünglich stand antwert, -t- und erste w-Haste über- und unterpunktet) B.
2Zu diesem Satz vgl. Glosse zu Ssp.-Landrecht I 7 (I 8 § 3) (BG S. 186 Z. 15–18) sowie Glosse zu Ssp.-Landrecht III 25 (III 26 § 1) (BG S. 1083 Z. 10–14).
3Dig. 44, 7, 47.
5X 2, 19 c. 3.
7Dig. 46, 3, 95.
8Inst. 4, 13, 3.
9Dig. 12, 3, 1.
10Inst. 4, 13 pr. zweiter Satz.
11Dig. 46, 3, 95.
12Ssp.-Landrecht I 8 § 1.
13Ssp.-Landrecht I 8 § 3.
14Ssp.-Landrecht I 8 § 1.
15Ssp.-Landrecht I 8 § 3 zweiter Satz.
16Cod. 2, 4, 16.
17Cod. 2, 4, 20.
18Cod. 4, 19, 1.
19Cod. 4, 19, 2.
20Dig. 4, 8, 1.
22Cod. 2, 55, 1.
23Dig. 4, 8, 21, 5 gegen Anfang.
25Ssp.-Landrecht III 9 § 1.
26Ssp.-Landrecht III 9 § 2 zweiter Satz.
28Nov. 82, 11.
30Cod. 2, 4.
32Cod. 9, 45, 5.