[50 § 1] Ob czwier manne clage uffgehaben w(er)t yn gehegetem dinge vor gerichte mit des richters wille, vnde mit der sachwaldigen wilkor, daz man is voreben solle ane gerichte; vnde an den rat gelassen w(er)t ader ane yre frunt, sy zcu uoreben mit guten^a nach der frunde rate, vnde der clagen nymmir czu uornuwen, wil dornach vnder en ir eyner die sache vornuwen vor gerichte, der andere hot em nicht zcu antwerten, ab er is geczeug hot an dem richtere vnde an den schepphen, daz man is voreben^b sulde ane gerichte, vnde eyne vorsunete^c sache beider syt solde sien.

[50 § 2] Ab is sache were, daz sich eyne sache vorwillete, daz sunelute obir die sache gekoren wurden, die zcu entscheiden, js gescheige vor gerichte <add(er)^d ane gerichte^d>, zo ist der man, den man anspricht, mit synen suneluten nehr zcu irweren den schaden, wenne en syn wedersache schadehaftig machen moge^e.

[50 § 3] Were is sache, ab fursten, hern vnde andere lute mit eynander zcu schaffende^f hetten, js were /B 154^r v<m>me gut ader vmme andere sachen, vnde wurde an eyner stat rat gelassen, so sal der stat rat, ehr <er^g> sich der sachen vnderwint, burge ader briue nemen: Was sy yn truwe vnde yn ere dorynne sprechin, das sy is an beider syt ane schaden vnde ane wandil halden wollen, vnde ane vordechtenis^h.