So habin wir gesaczt, das kemphen sunderlich der Sachzin sy, das sie sich czihen an ire privilegium. Vort mehr habin wir von kamphe gesprochen li. i ar. ubi supra, ab eyner eynen zcu tode sluge, vnde welde den zcu eynem fredebrechere /B 124^v mit kamphe bereden¹⁴, das man doch mit kamphe thun mochte, ab er vnbesprochen were, e. li. ar. l all sy er eyn spelman¹⁵. So habin wir ouch von kamphe gesaczt, ab eyn man sinen genosz anspreiche, ubi supra ar.^q li js ist manichir¹⁶ ver. welch schepphinbare vrie man¹⁷.

Also <wir^r> denne^s gar vil von kamphe gesprochen haben, dem wolle<n> wir nu eyne wise geben, wy man eynen zcu kamphfe anreden sal, vnde spricht: Wer eynen kemphlichen. Das sollit ir mercken von allen den artickiln, die wir uch genant haben, do habin wir uff bewisit das merer teil der behendickeit, die uff kampff gehoren, vnde ouch, alz wir gesprochen habin, is were eyn sunderlich recht der Sachzin, ut ar. xlix spricht eyn gewunt man¹⁸, vnde ouch in der glosen, worumme is der Sachzin sunderlich mehir ist den(ne) and(er)n leuten.

Wenne¹⁹ disz buch genant ist der Sachzin privilegium, so mochte is mit nichte ir gesyn, weren sie mit sunderlichen sachen nicht begnat. Vnde darumme das sie eczwas sunderlichz hirynne halden, so ist das privilegium ir privilegium, ut ff. de legatis l. iii § uxorem²⁰.

Nach dem male das gesprochen ist von kamphe gruszin, nu bitten wir in eynem rechten orteil zcu irfaren, waz wir doby vornemen sollen in dem rechten. Dis vorantwerte<n> wir vnde sprechen: Kemphfen grussen ist, das man eyne(m) an sinen lip spricht, vnde meint, schaden <czu^t> irholen. Sintdemmole das kemphes gruszin eyne ansprache ist, die eynem an sien lip get, nu^u fragin wir, ab kamph gesien moge mit gotlichem rechte ader nicht? Hir uff spreche<n> wir eyn recht: Er sal mit rechte nicht sien. Vnde wollen arguiren ad partem negativam, vnde sprechen also: Alles, das vorbotten ist yn der heiligin schrift, das ist sunde, wer das /B 125^r tut. Kamph ist das selbie, vnde darumme ist kamph sunde vnde vnrecht. Maior patet de se, minor declaratur. Kamph ist sunde. Enczwer kamph geschiet durch czornes wille, so das sich eyner nicht anders gerechen mag noch wolle, wenne mit kamphe; vnde czorn totit schire den vnschuldigen alzo den schuldigen, ut xi q. iii <c.> jra prima²¹. Vorbasz mehr: Der kamph ist mit sunden, wenne eyn mensche wil mit kamphe vnde mit obirmute sinen ebencristen schaden, der sien bruder ist der cristenheit; vnde wo er so in sinem obirmute mit em kemphet, <so^v thut er sunde^v>; wenne obirmuth ist eyne orsache aller sunde.

Maior patet. Wenne worumme obirmut hat an em rum vnde hochfart, vnde mit sollichem gemute wil er sich irheben vnde obirwinden; vnde wer denne in sollichin sachen sinen widersachen obirwunde, <der^w> tete wed(er) gotis gebot. Wenne was eyn man em selber nicht wil, das sal er ouch eynen and(er)n irlassen, ut i di. <c.> ius naturale²².

Minor probatur. Das kamph sunde ist, das ist war. Wenne kamph kompt von eigem willen; alz wen(ne) man eynem schult gibit, das er io getan hat, so wil er sich domit entschuldigen, vnde but sich darumme zcu kampffe, adir mit gleffen zcu riten; vnde wil mit sollichir hochfart sinem ebencristen schaden wed(er) recht. Vnde wer in sollichem vorsacze stirbit, ab er wol ioch ruwe gewonne, den sal man uff keinem kirchhoue begrabin, noch uff keine gewiete stat, ut extra de torneamentis c. felicis²³.

Vort mehr: Kamph sal ouch nicht syn, wenne kempffere sien rechteloz; wen(ne) sie sien zcu halden alzo dy mordere, vnde dorumme sien sy rechtelosz. Maior patet. Wenne sie toten lute mit bosem vorsacze, ut extra de homicidio voluntario vel casuali c. sicud dignum²⁴. Minor racionis est mani/B 125^vfesta. Wenne sy vorsuchen vnsern hern got, vnde thun domete widir sien gebot, vnde sien von dem rechte vorworffen, ut iii q. vi <c.> infames²⁵.

Das sy ouch rechtelosz sien, das hastu ss li. i ar. xxxviii kemphen vnde ire kindere²⁶. Vorbasz mehr: Kamph ist vorbotten. Dorumme ist er mit sunden; vnde wer widir die gebot thut, der thut sunde. Maior patet ex racione communi. Wenne nach dem nuwen testamento der heiligen cristinheit so ist kamph vorboten, ut ii q. iiii <c.> monomachia²⁷. Nota vort mehr: Mit allen sachen, do sich eyn man wider recht entschuldi<g>en wil, die sien vnrecht; wil sich denne eyner mit kamphfe vnschuldig machen, so tut er vnrecht. Maior patet ex sufficienti probacione, minor declaratur ii q. iiii <c.> hec autem²⁸.

Jn <oppositum^x> arguitur. Alles, das das recht irloubt, wer das tut, der tut nicht vnrecht. Vort mehr: Alles, <das^y> das recht vnuorboten hat, vnde wer deme gebote volget, vnde lest das <vorbotene^z>, der tut recht. Wenne das recht wil, das man eynem iczlichen dinge sien recht thu. Vnde thu ich denne das, das in dem rechten nicht vorboten ist, so thu ich recht. Nach deme so were kemphen nicht vnrecht, wenne disse czitliche stritte sien eyne figure der geistlichen strite, ut xxiii^a' q. i <c.> nisi bella²⁹. Jst is denne nicht vorboten, so ist is ouch nicht vnrecht.

Pro forma conclusionis. Czu eyner beslissunge der argument so spreche<n> wir also: Alles, das das recht irloubt, das tut man wol mit rechte. Kemphen hat das recht irloubt, wenne is komit von Romisschem rechte, vnde habens in dem rechte, ut Instituta de heredi<tati>bus que ab intestato deferuntur § per contrarium³⁰.

Nota supposiciones ex quibus correlaria colliguntur. Jr sollit wissin: Kampff ist eyne sache, die do geschiet czwisschen czwen, die ir recht beide vor sich nemen materialiter; vnde beide die materie des rechten /B 126^r vor sich nemen eigintlichen, vnde so beide wollen gerecht sien, vnde eyn iczlichir wil sine gerechtigkeit beschermen; wenne beschermit er sine gerechtigkeit nicht, so wurde er vnrecht, ut lxxxiii di. <c.> error³¹.

Secunda supposicio. Kamph ader kamphis gruszin ist eyne willekor widir eyn gemeine recht, eynem ydermanne zcu bewisunge siner gerechtigkeit; wo en beidersyt geczug gebreiche, do losen sy ire gerechtigkeit uff iren lip, vnde getruwen gote, das er sich obir sy irbarme.

Ad raciones. Ad primum correlarium. Czu der ersten racio. Alles, das man yn der heiligen schrift vorbuͤt, wer wedir daz thut, das ist sunde. Do volborte<n> wir das groste. Zcum mynsten: ,Der czorn totit alzo mehr den vnschuldigen‘ et cetera, ut supra³². Dorczu spreche<n> wir: Wo kamph in czorne geschege von en beiden, so were der kamph mit sunden; wenne kamph geschit von czweien personen, die ire recht beide vor sich nemen materialiter; den volget billich wicze.

Ex supposicione prima sequitur <correlarium^b' secundum^b'>: Sullen sie denne beyde wicze vnde vornu(n)ft haben, so sollen sy ire vornu(n)ft beidersyt wegen uff recht vnde nicht vff vnrecht; so ist das not, das sy uff beider sit ir recht bewisen; vnde der cleger swere, das ghenner schuldig sy; so setczen sy ire gerechtigkeit zcu gote. So ist dem rechten der kampff zcugegebin. Vnde totit denne den vngerechten der gerechte, das schat em zcu der selen nicht.

Conclusio. Wir sprechen, das der kamph wol mag sien, wo der man sich siner sachen nicht anders irholen mag, vnde nicht mehr geczeuge hot, wenne sinen namen. Das sollich kamph sien mag, das hastu ss li. i ar. xviii drierley recht³³, et infra in conclusione principali.

Czu dem and(er)n argumento, do er spricht: ,Kamph ist mit sunde, wenne eyn kamph hat obirmut‘ et cetera³⁴, vnde: ,Was eyn man nicht wil, das sal er ouch eynen and(er)n /B 126^v vorlasen‘³⁵. Czum grosten spreche<n> wir mit vnderscheide: Waz eyn man nicht en wil, das sal er eynen andirn irlasen. Das ist gesprochen von naturlichem rechte. Wenne eyn man beroubit wirt vnde geslagen, so ist das wider naturlich recht. Vnde lisse man so eynen, den man mit rechte nyndirt angesprechen moge, em wurde lichte gebroch an sinen geczeugen. Vnde spricht er denne eynen sollichen nicht an, so wurden die bosen do mete irfrouwet vnde gesterckit; das were vnrecht vnde bose, vnde vndir czwen bosen sal man das mynste bose kisen, ut xiii di. <c.> duo mala³⁶. Vnde hot der ghennen angesprochen, vnde hat sich dirre syn zcu kamphe vnd(er)wunden; nu hat der antwerter czwey bose vor em. Das eyne boze ist: Bekente er, zo vorlore er den lip. Das andere bose ist der kamph: Ab er is leuckent, so trit em der cleger zcu mit kamphe.

Pro forma supposicionis correlarie sequitur: Vnde wil en der <obirwinden^c'>, wie is em von dem lantuolke georteilt w(er)t, so ist daz mynste bose, das er kemphe; wenne das mag and(er)s nicht gesien: Enczwer er mus bekennen, <add(er)^d'> das loucken. Obirwint er en, wie is em die schepphen ader lantlute irkennen, so teilt man em den kamph zcu. Dem gloubit er, also in der supposicio steit. Nu ist der kampff das mynste bose; wenne obirwint er den cleger, [35 § 11] so mus er en mit busse vnde <mit^e'> gewette lassen. Das ist besser, denne das er bekant hette. Vorlust er, er vorlust nicht mehr denne sine vordynte pyne, ut ff. ad legem Acquiliam l. qui accusare § si quis in colluctando³⁷.

Pro conclusione. Darumme spreche<n> wir: Synt sie sich vorbunden habin, so kemphen sie billich; das kempffen mag en beiden nicht sunde gesien, <an^f'> dem sundirlich, der do schuldig ist.

Contra. Dis ist vnrecht. /B 127^r Wenne das recht spricht: Eyn man sy nehr mit siner vnschult zcu entghen, wenne en ghenner obirwinden moge. Vnde das were hie wider, ut ss li. i ar. vii³⁸, et <xv^g'>³⁹. Das vorantwerten wir vnde sprechin: Js ist hie wider recht nicht, vnde ist ouch nicht vnrecht. Wen(ne) dort spricht er, was man uff eynen man spreiche mit getichte, hie abir mit der warheit. Vnde ir sollit wiszen: Hie beschuldiget man eynen man drierhande, vnde eyn iczlichz stucke muste eyn man schuldig werden mit soben mannen eiden; mochte er dy achtzen geczeuge haben, so <duͤrffte^h'> er nicht kemphen. Wo er abir der geczeuge nicht en hat, mit den er sine vnschult bewisen mag, darumme muste er kemphen.

Czum dritten argumento, do er spricht zcum grosten ,kemphen, die sien rechteloz‘⁴⁰, das ist war. Das sien abir kemphen, die vmme gelt vor die lute kemphen; die abir kemphen vor ire ere, solch kamp mag sien mit rechte.

Czum virden argumento, do er spricht ,kamph ist vorboten‘⁴¹. Dorczu antwerte<n> wir alzo vnde sprechen: Kampff ist vorboten, das ist war. Wo aber^i' kamph eynem an sine ere ghet, ader an sinen lip, vnde sich an dem keines andern rechten irholen mag, vnde er en zcu kampffe gefangen hette, vnde die gewere getan hat, so ist der kamph mit rechte.

Czum funfften argumento ,mit allen den sachen, do sich eyn man wedir recht entschuldiget‘ et cetera⁴². Das vorantwerte<n> wir vnde sprechen: Das ist war. Disse weren sich abir nicht wed(ir) recht, die sich mit kamphe mussen weren; sint ir iczlicher sien recht nicht andirs bewisen mag, so muszin sy deme rechten vol thun, vnde mit sollichen sachen tut eyn man nicht weder das recht. Darumme mag sollich kampff wol sien.

Ad⁴³ raciones in oppositum et pro summa principalis conclusionis. Also wir gearguiret habin ,was das recht irloubit, vnde wer das thut, der thut recht‘ et cetera⁴⁴. /B 127^v Wir sprechen: Das ist war. Jrleubit denne das recht kemphen, so ist kemphen nicht sunde noch vnrecht. Dis vorantwerte<n> wir also: Kampff ist nicht vnrecht, wo man uff recht kempffit. Wen vorlore wol eyn man eynen <kampff^j'>, vnde were gerecht, so wurde er domete nicht vnrecht. Wen got hies die kyndere von Ysrahel striten ader kemphen, <ut> Institu. de heredi<tati>bus que ab intestato deferuntur § per contrarium^k' 45, <et> ff. de infamia attlete l. i⁴⁶, <et> C. que res pingnori obligari possunt l. speciem⁴⁷, <et> ff. de donacionibus l. donacionem⁴⁸.

Jn⁴⁹ dissin rechten spricht man von sollichem strite. Vnde spricht, welch gedechtenisz also^l' nach sinem tode vorthuͤmet ist, das der keine erben lassen mochte zcu synem gute.

Hie⁵⁰ vor ist gesprochen, das dis recht sunderlich der Sachsen ist; vnde vindit man is ouch in keiserrechte, so ist is der Sachsen nicht alleine. Nota. Also uffte gesprochen ist, das dis recht sunderlich der Sachsen ist, das ist zcu uornemen, das sy vmme solliche sache kemphen mogen, alz vmme roub, also hie steit. Jn keiserrechte kempfet man abir vmme keine andere sache mehir, wenne ab man eynen czege, das er des riches vorreter were; sust nicht mehr.

Ad conclusionem. Czu der andere<n> conclusio vnde beslissunge sprechen wir eyn recht, das sollich kamph wol sien moge, der do geschit von dem, der do gerecht ist, vnde sich nicht anders an em gerechen mag. Darumme sal der cleger die drie vngerichte clagen zcu eynem male.

Jr sollet wissen: Ab is not were, das eyn man also beschuldiget ader zcu kamphe gegruszit wurde, hette er nu wol geczuge, vnde were vnbesprochen, so muste em sien geczeug nicht helffen, <ut> ss li. i ar. xxxix die ir recht mit deube⁵¹, <et> extra de purgacione canonica c. cum dilectus⁵².

Nota. Wo abir kamph gescheige von freuils wille, ader in czorne, adir in welcherley wise, sunder /B 128^r alz gesprochen ist, is gescheige, das were nicht eyn recht kamph. Ouch were is vnerlichen; wenne wer do gesigget, der w(er)t eyn morder, er sy eyn ritter ader eyn knecht; wen em ist nicht das swert beuolen, ymande zcu toten wider recht.

Ap eyn phaffe besprochen wurde, das er eyn roubir, ader eyn dip, ader eyn vorreter, ader eyn velschir, ader eyn kirchenbrechir, ader eyn mo<r>dir were, vnde der phaffe werte sich mit kempfflichen worten, js queme alzo verre, das do eyn kampff gelobit wurde <vnd^m'> vorborget, muste der phaffe den kampff <volbrengen^n'>? Wir sprechen: Kein phaffe darff sich kampffes vndirwinden. Wenne man sal keinen phaffen zcu kampffe vhan mit keinem rechte; wenne vormutwillet sich eyn phaffe, vnde gelabit vnde vorborgit er den kamph, so mus er den kampff volbrengen selber, ab er keinen gebrechin hat, domit er den kamph von em gewisen mag. Ab der phaffe eynen totit ader lemete, hette er sine pristerschaft do mete vorloren, sint das er sich des kamphes vndirwant, des er sich zcu rechte nicht vndirwinden sal, noch em beuolen ist? Vnde sal man en nicht abseczen, wenne er zcu kamphe komit, vnde die platte abescheren? Hiruff spreche<n> wir ouch eyn recht: Jst is, das eyn phaffe williglichin eyme eynen kampff gelabit, ader ab er zcu kamphe gegruszit w(er)t, vnde er den kamph entphet, wirt der phaffe siggehaftig ane lemde vnde ane mort, man sal en von siner phaffheit nicht seczczen, sunder sien bisschoff sal gnediglichin mit em dispensiren; w(er)t er abir manslechtig, adir lemet er sinen widersachen, er hot sine pristerschaft vorlorn von rechtis wegen, ut extra de clericis pungnantibus in duello c. porro⁵³.

Ap eyn phaffe eynen anspreiche vmme dube, ader vmme roub, vnde er mochte en nicht obirwinden mit geczeuge, alz recht ist, vnde der antwerter /B 128^v bote sich zcu kampffe nach des landes gewonheit; der phaffe gewonne eynen voruechter ader kempffen; vnde der kemphe gewunne den kamphff vnde totte ghennen; were disser phaffe irregularis, sint er eyn irheber waz des kamphes? Hir uff spreche<n> wir eyn recht: Spricht eyn phaffe eynen an vmme dube, ader vmme roub, ader mag er ghenen nicht obirwinden mit geczeuge, alz recht ist, vnde gewint er eynen kemphen mit synem gelde, vnde gewynt der kemphe, vnde totit ghenen, der kemphe ist eyn morder, vnde nicht der phaffe, von rechtis wegen, <ut> extra de clericis pungnantibus in duello c. Heinricus⁵⁴.

Jr⁵⁷ sollet wissin vnde mercken: Wer eynen zcu kamphe gruszin wil, der sal drierley sunderlichekeit an em haben. Czum ersten sal er an em haben: Wer eynen zcu kamphe grussin wil, der sal geczogen sien vnde vornu(n)ftig. Czum and(er)n male: Wer eynen zcu kamphe gruszin wil, der sal is thun vor mittage. Ader ghenner mag em kamphes weg(er)n mit rechte. Czum dritten male: Wer eynen zcu kamphe gruszin wil, der sal disse drie stucke, die in deme texte steen, mit eynander clagen.

Jr⁵⁸ sollet wissen: Das der text spricht ,ist abegetan vnde ist komen uff sobin manne eyde‘, do mit gewynnet der cleger dem antwerter an. /B 129^r Darumme spreche<n> wir nicht uil von sollichem kamphe.

Jr⁵⁹ sollet wissen: W(er)t eyn man angesprochen kempfflichen, daz ist der antwerter selbsobinde nehir zcu entgheen, wenne <en^p'> der cleger obirghoen moge. Das ist zcu uornemen, wo eyn man eynem nach dem nuwen rechte dube ader roubes anspreiche, ut in libro feudorum de pace tenenda l. ii § si rusticus⁶⁰. Er werte sich anders mit sinem eyde, ut ss li. i ar. vii wer icht borgit⁶¹, et ar. xviii drierhande recht⁶² ver. das andere⁶³. Wenne das recht ist uil gunstiger dem antwertere wenne deme clegere, <ut> ff. de regulis iuris l. favorabiliores⁶⁴, <et> ff. de petenda hereditate l. ii § nullam⁶⁵, <et> C. de donacionibus inter virum et uxorem l. maritus⁶⁶.