[101 (100) § 1] <J>r sollet wissin eynes iczlichen antwerters gemeine vrage, den man vmme gelt beclaget. Jst is nach todir hant ader sust, vraget er mit dem rechte dornach, wovon er em das gelt schuldig ist, das mus er em sagen, <ut> ss li. iii ar.^a xl jczliches¹ ver. welch man². Das ist darumme, das der antwerter irkennen moge, ab er schuldig sy ader nicht, ut C. de edendo l. iustum³, <et> C. de iureiurando l. generaliter⁴.

[101 (100) § 2] Nota. Ist is vmme toppilspil, <ut> ss li. i ar. vi wer das erbe⁵ ver. deube noch roup⁶. Jr sollet wissen, das kein richter sal richten obir geltspil, noch vmme boszgelt, noch wettegelt, noch vmme allerhande vorphlichtunge, ut C. de alee lusoribus l. i⁷.

[102 (101)] Jr sollet ouch wissin: Were eyn knecht yn sines herren geschefte, vnde vorspelt er sien phert, der herre ist is em nicht phlichtig zcu geldene, <ut> ss li. iii ar. vi vorspelt eyn knecht⁸. Vorspelte der knecht des hern phert, das vord(er)t der herre von deme zcu rechte wider, der is gewunnen hat, ut ff. de regulis iuris l. plus caucionis⁹. Wenne worumme kein knecht hat sines herren phert zcu keinerhande wise macht zcu uorspilen, ut C. de alee lusoribus l. alearum¹⁰.