Also wir vor gesprochen habin von manichirhande gerichte beyde burglich vnde pynlich. Nu wollen wir sagen hir von sunderlichen sachin, die dy frauwen antreffende sien.

Nota. Nympt eyn man eyne wittewe, die kindere hat, er hat kein gut, vnde hat der man eynen son by sinem ersten^c wibe, vnde /B 185^r direrbeiten sy gut, vnde legen das gut <an^d> eigen adir an erbe, ader an varnde habe, ader an kouffenschatcz, vnde stirbet der man dornach, vnde hat er ir nicht gegeben by sinem lebendem libe, des mannes son ist nehir zcu dem erbe zcu nemen, wenne der frouwen kindere sien, ader <i>re^e tochterkindere, ader ire swesterkindere, ab der son dem vatere ebenbortig ist.

Nota. Nympt eyn man eyn wip, vnde w(er)t em mit ir gut gegebin, er beheldit alles, das em mit dem erssten vnde mit dem andern gegebin was, vnde mag mit dem gute thun vnde lassen, was er wil.

Nota. Hat ouch eyn man sone vnde tochtere, die vngerat sien vnde em ebenbortig sien, lest er gut vnde lehn nach sinem tode, das eigen vnde das gereite gut teilen sy vndir eynandir, das lehen nemen dy knechte zcuuor, <ut> ss li. ii ar. xxxi <vol^f> wergelt³ ver. hat eyn man⁴, al sy der son abegesund(er)t.

Nota. Hat eyn man czwierley kindere, vnde hat die ersten vor zcu rate vzgesatczt, vnde gibit er dornach den and(er)n kindern icht an sinem gute, vnde stirbit der man, das habin dy kindere zcuuor; das <obrige^g> teilen dy kindere vndir en glich, ab sy glich ebinbortig sien.

Vnde⁸ des vngebornen /B 185^v weisen rechter vormunde sal deme kinde vnde der muter vorstehn zcu rechter vormundeschaft an dem gute, vnde der frouwen ire notdorft geben, <ut> ss li. ii ar. xxii⁹.

Disser ist nicht der frauwen vormunde, sunder er ist or schaffer von rechtis wegen, ut C. de officio diversorum iudicum l. i¹⁰.

Jr sollet wissin: Sturbe eyner frouwen ir man, vnde sy irkente, das sy swanger were, die sal sich barhaftichⁱ bewisen zcu dem driszigisten, <ut> ss li. i ar. xxxiii¹¹. Nu merckit: Vnde bewisit sy das vor dem richtere, die gutere sollen vnuorruckit blibin, bis das das kint genest^j ader geboren w(er)t. Wirt das kint lebendig geboren, vnde hette die frauwe des geczeug an den, die ir hulffen zcu der not, adir vorlutbart is sine stymme yn den virwenden, alle, die is horten, sullen geczeug sien siner gebort; vnde wurde is zcu der kirchen getragen, zo mogen alle die geczeug sien, dy is sagen, ut <de^k conse.^k> di. iiii <c.> parvuli¹². Vnde stirbet das kint, des kindes gut stirbet uff dy muter, ut in autt. de restituentibus et ea que parit in tempore l. i¹³.

Jr¹⁴ sollet wissin: Alz daz kint geboren wirt, zo mogin dy erben wol rechen, ab das kint zcu spate geboren ist; das ist zcu uornemen von dem tage, alz der man gestorben ist. Dy rechenunge trit obir dy rechte czit, das ist ab ix monden vnde czwene ader dry tage, zo mag^l man is dem gute zcu eynem rechten erbe teilen. Jst is ab(ir) darvndir, zo ist is zcu spete geboren, ut in autt. de restitucionibus et ea que parit in tempore § v colla. iiii¹⁵. So mag doch wol eyne frouwe eyn kint tragen czhen monden vnde czwene tage vff das lengiste. Darumme sal man deme kinde <das^m> lengiste zcugeben, vnde sal rechen <achtⁿ> tage vor des mannes tode, ordelichin zcu rechin vff das lengiste x mo<n>den vnde czwene tage. Dorobir /B 186^r sal man is dem erbe nicht teilen, vnde blibit is lebinde, <man^o> mag is an sinem rechten beschelden, <ut> ss li. i ar. xxxvii wer so eynes mannes¹⁶ ver. gewynt¹⁷. Disz ist ouch zcu uornemen, ab is <czu^p> fruhe geboren wurde, das ist, ab eyn wip eynen man neme, vnde ouch jn sollichir frist sturbe, vnde liesze sien wip swanger, alzo vor gesprochin ist, <ut> ff. de filijs legitimis l. non testatus¹⁸.

Nota. Man sal ouch obir sy nicht richten, alz vor gesprochin ist, ab eyn wip in hanthaftiger tat begriffin wurde an totslage, wy man obir sy richten solle, ab sy obirwunden wirt mit rechte. Nu wil er darusz nemen eyn gemeyne recht, vnde spricht: Man sal ouch et cetera, recht ab er sprechen solde: Wurde eyn frauwisname in vngerichtis^q hanthaftiger tad begriffen, vnde vor gerichte <bracht^r>, alz recht ist, vnde das vngerichte were, welchirley is were, vmme mort ader vmme brant ader vmme dube ad(er) vmme troge, truge die frauwe eyn lebindincg kint, das were der tat vnschuldig, vnde darumme totit man is vnbillich, <ut> ss li. iii ar. iii man sal¹⁹. Vnde sint das man kein vngerichte vorczihn sal, sunder man sal richten, vnde sal denne obir solliche wip richten, so sal man nicht hocher obir sy richten, wenne zcu hut vnde zcu hare. Wenne richte man hochir obir sy, so mochte dy frucht getot werden, das were vnrecht.

Wenne²⁰ der muter missetat schat nicht dem vnschuldigen kinde, ut Institu. de ingenuis § i²¹. Wenne worumme man sal keine vnschuldige kindere durch eynes missetetigen vaters ader muter wille pynigen ader toten, ut ff. de penis l. sancimus²², et l. pregnantis²³. Vnde darumme sal man zcu haut vnde zcu hare obir sy richten, das ist zcu uornemen nach der schicht.

Jst dy sache zo gewant, das lip vmbe lip zcu gebin ist, so sal man das orteil vorczihn, bisz das sy genyst; so or/B 186^vteilt man obir sy nach irer vordynten pyn, ut ff. de penis l. in pregnantis²⁴.