Artikel 83
Ar. LXXXIII
<Summarium> Von wunden, die mit mess(er)n gestochen sien ader mit eynem swerte.
<Textus>
[83 (82)] Wvnten sich czwene man an eynander gliche in wichbilde, der eyne mit eynem messere,
der andere mit eynem swerte, vnde qwemen sy beide vor gerichte glich, vnde w(er)t
dar gedinget, daz da eyn kamph gelabt wirt mit rechten orteiln vmme dy wunden, deme
mit deme messere <gehta das vngerichte an den hals, wanne das messera> ist eyn duplich /B 178r mort, vnde <demeb> mit dem swerte geet das vngerichte an dy hantc.
Glosad
[82 (81)] Disse constitucio hat keiser Otto gesatczt, darvmme das etczliche des rechten wisen
wedir eynander lagen vmme das recht. Wanne etczliche wolden, wer syne clage selber
deme richtere clagete, der hette billich dy vorclage, vnde hatten vor en das recht,
das do stehit ss li. i ar. lx ane vorsprechin1 ver. clageten ouch czwene2. Wider dis sprachen die and(er)n: Qweme eyner an dy stat, do der richter zcu rechte
gerichte sitczen sal, mit gerufte in frisscher tat, vnde syne wunde bewisete, vnde
das mit deme vronebaten besetczte vnde dingluten, der behilde die erste clage billich.
Vnde namen vor sich das recht ss li. i ar. lx3.
Disse entczweiunge entschit der keiser, vnde sprach: Ist, das eyner louft zcu der
dingbangk ader zcu dem richtstule mit synem geschrey, vnde bewist sine wunden dem
vronebaten vnde den schepphen, ader den dingphlichten, ab dy schepphen do nicht en
sien, vnde sende nach dem richtere, der ist mit siner bewisunge der ersten clagen
nehir, ut iiii q. iiii <c.> si quis iniuriam4.
[83 (82)] Nota. Wunten sich czwene et cetera. Disser satczunge sache waz, daz etczliche des rechten wise wolden, wer
eynen mit eynem swerte wunte, der solde grossere gewalt begangen habin, wenne ab eyner
eynen mit eynem messere gewunt hette. Die and(er)n sprachin: Der mit dem messere hette
serrer gebrochen. Vnde befestenten das alzo: Wurde das vngerichte uff dene mit deme swerte gebrocht, alz recht ist, er vorlore syne hant; ghenner abir sinen halz, do<r>ummef das daz messer eyne dupliche were ist.
a–a so L fol. 100vb; fehlt B.b so L fol. 100vb; fehlt B.c et cetera folgt B.d rubriziertes et cetera folgt B.e mit Einfügungszeichen über der Zeile B.f Loch im Papier B.