[69] Czum ersten male spricht er, das eyn cleger yn hanthaftiger tat mit <synen^b> schreymannen vor gerichte selbsobinde den nehir zcu obirczugen sy, denne is ghenner vnschuldig werden moge^c, ut ff. ad legem Iuliam maiestatis de siccariis l. i¹, <et> C. e. t. l. is qui². Vnde disse sache ist darumme pynlich genant, das sy vordirt dy pyn des brechhaftigen. Wenne worumme obirczuget er en, vnde ist dis vmme eyne wunde nagils tieff vnde gledis lang; disser nagil ist zcu uornemen des mittilsten vingers nagil mit sinem glide, vnde des selbin mittilsten vingers /B 172^r lengiste glid; disz ist eyne kamph<b>are wunde. Vor eyne solliche wunde vorlust er die hant, <ut> ss li. ii ar. xvi die gewere³ ver. wer dem and(er)n⁴.

[70] Nota. Geschit erhafte not et cetera. Nu wil vns das recht hie sagen, wy vnde in welcher wyse eyn man nehir zcu entghen sy vngerichtis, vnde spricht: Jst eyn vnbesprochen man, vnde wert er yn hanthaftiger tat nicht begriffen noch gevangen, so ist er nehir zcu entghende, <ut> ss li. i ar. xxxix die ir recht⁵. Wenne wurde eyner yn hanthaftiger tat begriffen, man mag en zo vor gerichte brengen, <ut> ss li. i ar. lxvi wen man in der hanthaftigen tat⁶.

[71] Nota. Wirt aber eyn man vorwunt et cetera. Nu setczit her hie, wy eyner zcu sinem rechten komit, ab er eynen vorwunte. Clagete der nicht, ehr dy sache vornachte, vnde ghenner, der is getan hat, qweme vngevangen vnde vngebunden, zo ist <er^d> nehir selbsobinde zcu entghene, wenne en der cleger obirghen moge. Js were denne, das der richter nicht ynheymisch were, <ut> ss li. i ar. lxx welch man⁷ ver. wer so vmme vngerichte⁸, <et> C. de custodia reorum l. ex quacumque⁹.