Vff³ dis sehet drierley pyn. Primo. Wer dube ader roub sunet, der w(er)t rechteloz, <ut> ss li. i ar. xxxviii wer so eynes mannes wyp⁴ ver. der deube ader roub⁵, <et> C. ex quibus causis alicui infamia irrogatur l. non dampnatos⁶. Secundo. Ire andere pyn ist: Wer sich so sunete, vnde wurde er zcum and(er)n male vmme dube ader vmme roub beschuldiget, er mag zcu sinem rechten nicht komen, <ut> ss li. i ar. xxxix die ir recht⁷. Ouch so mogin sy nymandis orteil gestraffen, <ut> ss li. ii ar. xii wer dem and(er)n⁸ ver. w(er)t eyn man⁹, <et> C. quorum appellaciones non recipiuntur l. observare¹⁰. Tercio. Ire dritte pine ist, die ouch wedir roub vnde dube ist gesaczt, das man sollich gewonnen gut nymmer vorweren mag, <ut> ss li. ii ar. xxxix wer obir den andern tag¹¹, <et> Institu. de usucapionibus et longi temporis prescripcionibus l. furtive quoque res¹².

Jre leczte pyne ist: Wenne man sie mit hanthaftiger tat vor gerichte brenget, vnde mit geschrey berufft, als recht ist, vnde ist dy dube mynner denne drier schillinge w(er)t, man richt obir en zcu haut vnde zcu hare, <ut> ss li. ii ar. xiii nu vornemet¹³ ver. geschiet¹⁴. Vnde disz recht ist, das /B 130^v man den zcu der stupe sla vnde eyn ore abesnyden sal. Hat er des oren nicht, man bornet en durch die backen. Hat er der czeichen czwey, man sendet en in das enelende, daz ist an eynen galgen. Wenne die andern czeichen gibt man den dyben, die des tagis stelen vnde beutel snyden. Die czeichent man <uffwart^f>: Zcum ersten durch die backen, zcu dem andern male by die oren^g, zcum dritten male eyn crucze durch dy stirne; vnde io alzo uffte zcu der stuppe geslagen. Vnde man czeichent sy darumme, daz sy dy lute irkennen mogin, vnde sich diste baz vor sy huten. Komen sy abir vnde gern hochir czeichin, man czeichent sy mit eynem strange. Vnde disz ist zcu uornemen darumme: Welche bosheit gemeiner ist, die sal man serer sturen, <ut> ff. de furtis l. <i^h>¹⁵. Vnde darumme so henget man die dybe, <ut> ss li. ii ar. xiii nu vornemet¹⁶ ver. den dyp sal man hengen¹⁷. Vnde man begrebit sy selden, darumme das man andere do mete irschrecke, ut Institu. de iure naturali gencium et civili § ex hiis plane¹⁸. Wurde abir eyner begriffen des nachtis in eynes mannes huse, der hette gestolen ader nicht, der w(ir)t mag en toten, vnde zcu eynem dibe bereden. Stele ouch eyner gehouwen holcz, ader ab is mynner w(er)t were denne drie schillinge, man richtit en mit der witten, <ut> ff. de arboribus cesis l. vitem¹⁹. Stele man ouch eyne(m) sien abis vz sinem garten, begriffit man en vnde brenget man en vor, alz recht ist, man sal richten nach rechter saczunge des schadens, <ut> ff. e. ti. ubi supra²⁰. Stilt abir eyner korn uff dem velde, ader yn eines mannes huze, is sy gedroschin adir vngedrosschin, ist dis eyne nachtdube, man richt dis mit der witten.

Nota. Roub et cetera. Jrⁱ sollit wissin von den roub(er)n vnde von irem rechte. Wissit: Wo eyn geschrey komit obir eynen roubir, den sal man by phlicht iagen, vnde em volgen, ut in autt. de mandatis principum /B 131^r § quod si colla. iii²¹. Czu dem and(er)n male so mussin sy vor dem richtere antwerten, do sie brechen, vnde muszin der selbien richtere orteil liden, al weren ouch die richtere geringer wenne die roubere, ut C. ubi de criminibus agi oportet l. i²², <et> in autt. ut omnes obediunt iudicibus provinciarum § arripiam colla. v²³. Die dritte pyne ist, das man sy in der flucht irslaen mag, <ut> ss li. ii ar. lxix wer so eynem fredebrechire²⁴, <et> C. quando liceat unicuique sine iudicis auctoritate se vindicare l. i § furem²⁵. Jr virde pyne ist, nach deme alz sy vordinet haben, vnde beclaget werden. Habin sy phluge beroubit, molen, kirchen ader kirchhoue, man sal sy vorbrengen, alzo recht ist, vnde obirwinden; man sal en zcuteilen ire vordynte pyn, das ist, man sal sy radebrechin, <ut> ss li. ii ar. xiii nu vornemet²⁶ ver. alle mordere²⁷. Ab er sust begriffen w(er)t ane roub, vnde obirwunden, man richtit mit dem swerte, <ut> ff. ad legem Iuliam de vi publica l. via in eadem²⁸.

Mordere, die sal man ouch in hanthaftiger tat vor gerichte brengen, vnde mit sobin schreyluten obirwynden, <ut> ss li. ii ar. lxiiii wyp ad(ir) mayt²⁹.

Jr sollet wissin: Mort^j 30 ist drierley, vnde dorumme ist der mordere pyne vnderscheiden. Eczlichir der mort lute vmme daz ire; vnde der pyne ist, das man sy sleiffit vnde radebrechit, <ut> ss li. ii ar. xiii nu vornemet³¹ ver. alle mordere³². Eczlichir der slet den and(er)n zcu tode durch veide willen; den sleifft man vnde teilt en zcum swerte, <ut> ss li. ii ut supra³³, <et> ff. ad legem Corneliam de siccarijs l. divus Adrianus³⁴. Eczlichir totit eynen in notwere libes vnde gutis. Hat disser sine schreymanne selbsobinde, adir irsluge er en zcu tode uff dem velde, als er en berouben vnde mordin wolde, vnde ist er eyn vnbesprochen man, man richtit obir^k den toten mit geschrey. Welde abir des toten mag den toten /B 131^v vortreten mit kamphe, <der^l toder muͤste den toden mit kampfe^l> obirwinden. Bote er abir geczeuge uff en, vnde wolde en mit geczeuge obirwinden durch der hanthaftigen tat wille, die do schinbar ist, des ist er nehir, wenne en ghenner mit kamphe vortreten moge. Mochte abir der clegir der geczeuge nicht en habin, vnde clagete er sine not, der mog mag den toten billichir vortreten selbsobinde, wenne en disser alleine zcu eyne(m) roubere ader mordere obirwinden mochte, <ut> ss li. i ar. lxiiii also sal man ouch³⁵. Ouch so totit eyner den and(er)n in notwere; der bewise sine not, alz recht ist, der wirt los mit sinem wergelde, <ut> ss li. ii ar. xiiii slet eyn³⁶.

Ouch so totit eyner eynen ane allen bozin willen, vnde ane vede vnde bose vorsacz; bewist er das, alz recht ist, selbsobinde, er w(er)t mit sinem wergelde losz. Vnde dis komit zcu, ab eyner nach eynem vogele worffe ad(ir) schosse, ader deme glich, <ut> ss li. ii ar. xxxvii der man sal gelden³⁷.

Hywe³⁸ ouch eyner eynen boum nyder, vnde hette die lute mit sinem geschrey gewarnet, vnde were disz by eyner strassin, ader deckte eyner eyn husz, ader muwerte er is offinberlich, totit der ymande von geschicht wegen, er w(er)t mit sinem wergelde loz, ut l di. <c.> hii³⁹, et <c.> sepe⁴⁰, <et> <c.^m> si duo fratres⁴¹, <et> Institu. ad legem Acquileam § ac nec⁴². Vnde dis heist homicidium casuale; vnde dis mus er geweren selbsobinde, das <ersⁿ> an allerley bozin vorsacz getan habe, <ut> ff. e. ti. l. si obstitrix⁴³.

Wurde abir eyner getret, daz er sterbin muste, do man torneyete ader steiche, der vorders an em selber; wenne em hat nymant darumme zcu antwerten, <ut> Institu. e. ti. § jtem si quis⁴⁴, <et> § ac nec⁴⁵. Wurde abir eyner getret, do man wetteloufte hette, ader do man den stein worffe, ader die stange schosze, weme do icht geschit ane argis, w(er)t is bewist von deme, der is tut, /B 132^r alz recht ist, er blibit ane wandil. Sneytilt ouch eyner <eynen^o boum^o> yn sinen vir phelen, do nymandis geschefte were, ader zcurissen eynen die hunde yn eyn mannes gewere, an der stat, do sien geschefte nicht solde sien, er bewiste den schaden uff en selber. Setczit sich abir eyn iunger uff eyn phert, der des pherdis vnmechtig zcu halden were, vnde tete das phert eynen mort; des pherdis herre muste das bessern nach rechte, ab er das phert habin wolle, <ut> ss li. ii ar. xl wes hunt⁴⁶, <et> Institu. ad legem Acquiliam § impetu quoque⁴⁷, <et> Institu. si quadrupes pauperiem fecisse dicatur § pauperies autem⁴⁸. Totit abir eyn kint das andere, also sie noch beide vnder iren iaren weren, ader eyner vnsynniger, jr vormunde sal den schaden von des vnmundigen kindes gute gelden, <ut> ss li. ii ar. lxv kein kint⁴⁹, <et> ff. de regulis iuris l. fore⁵⁰, <et> C. adversus delictum l. i⁵¹.

Lage ist das wegelagen. Die glichit man eynem dybe. Wenne worumme ghenner wil gheme sien gut stelen, disser abir sinen lip. Vnde darumme mus man mit gerufte obir en clagen, vnde selbsobene obirwynden durch der hanthaftigen tat wille; vnde deme sleet man das houpt abe, ut Institu. de publicis iudiciis § item lex Cornelia⁵².

Nota. Not et cetera. Domitte berurit er alle vngerichte, is sy von dube, von roube, /B 132^v von brande, morde, notczoge, heimsuchunge, vnde wegelage. Wenne disse sobene habin sollich recht, das man sy <pynege^q> zcu dem tode; vnde man sal sy mit gerufte vorbrengen in hanthaftiger tat; vnde man sal sie mit sobin schreylute<n> obirczeugen; vnde dornach der richter mit sinen eitgenoszin sal sie vororteiln nach irer vordynten pyne, ut ss li. ii ar. xiii nu vornemet⁵³.

Nota von hurczoge. Hurczog ist dy groste^r missetat yn dem rechten. Wenne disse vier stucken sien begriffen in den czhen geboten vnsers herren. Darumme: Wer disser sunde eyne thut yn eynem viertage, den sal man rugen^s zcu <senderechte^t>. Vnde darumme wettet er zcu beiden rechten, <ut> ss li. i ar. lix allerhande vngerichte⁵⁴ ver. nymand wettet⁵⁵.

Vnde⁵⁶ sint disz denne die groste missetat ist, ut C. de raptu virginum vel viduarum l. raptores⁵⁷, vnde darumme ist sy beswert mit drierhande beswerunge.

Primo⁵⁸. Czum ersten male, das man die sunde bie not clagen musz. Vnde clageten die eld(er)n das nicht, sy musten darumme vortreben sien, vnde das lant ewiglichen vorsweren, ut C. de raptu virginum vel viduarum l. i § cum parentibus⁵⁹.

Czum⁶⁰ and(er)n male zo vorlust er synen lip, vnde mag ir nicht zcu der ehe nemen; vnde neme er sy, ehekindere gewonne er nymmir by ir, <ut> ss li. i ar. xxxvii wer zo eynes mannes wip⁶¹, <et> jn autt. de raptoribus virginum que raptoribus nubunt § i colla. ii⁶².

Czum⁶³ dritten male so sollen dy richtere vngeclaget richten, vnde sollen /B 133^r sich bewisen zcu dem rechten alzo metelydere des rechten, <ut> jn autt. de mandatis principum § jte colla. iii⁶⁴.

Wurde⁶⁵ ab(ir) eyn wip genotczoget yn eynes mannes husze, das husz sal man brechen, ab is nicht mit rechte widersprochen w(er)t, <ut> ss li. iii ar. i vmme anders⁶⁶, <et> ff. de regulis iuris l. unicuique⁶⁷, <et> C. sentenciam rescindi non posse l. peremptorias⁶⁸.

Vnde⁶⁹ alle lebende tyr, die hulffe vnde volleist zcu dem notczoge getan habin, sal man alle enthoupten, <ut> C. de raptoribus virginum vel viduarum per totum⁷⁰.

Ouch⁷¹ sollen dem gerufte uolgen alle, die zcu wapen togen, vnde mogen den missete<te>r uffhalden, vnde ioch irslaen, vnde zcu rechte brengen, <ut> C. e. ti. l. raptores⁷².

Geben⁷³ die eld(er)n des <wybesnamen^u> deme notczagere daz wip zcu der ehe, man sal sy ewiglichen vortriben, <ut> C. e. ti. l. i § parentibus⁷⁴, <et> jn autt. de raptoribus mulierum § i colla. x⁷⁵. Nemen sie sich zcu der ehe, des sy nicht thun sollen, sy mochten den nucz der heiligen ehe nicht haben, das ist, das ire kindere ire erbe nicht nemen mogen.

Nota⁷⁶. Cziet man eynen sollichir dinge, alzo vor geschrebin steit, vnde die sache vornachte, so behorit das dem ob(er)n richtere zcu richtene, all were der in gefenckenisze komen; wurde er abir begriffen in hanthaftiger tat, man richtet obir en von stunden an allen cziten; do sal keine vorczihunge an sien, <ut> ss li. ii ar. ix wer ouch⁷⁷ ver. wenne die clage mit orteiln⁷⁸, et C. de exhibendis et introducendum reis l. nulla⁷⁹, <et> ff. de custodia reorum l. si quis reum⁸⁰.

Ab eyne jungfrauwe ad(ir) eyn frauwesnamen qweme mit gestrubetem hare vnde zcurissenem gebende, vnde clagete, das man sy genotczoget hette, vnde bewiste das mit iren schreyluten, vnde bewarte yre clage mit allem rechte; den sy do mete beschuldigete, der qweme zcu irer antwert vngefangen vnde vngebunden, vnde bote syne vnschult. Nu bitten wir yn eynem rechten orteile zcu irfaren, ab dy iungfrauwe ader frauwisnamen ghenen nehir zcu obirghen sy, ader ab er is nehr zcu entghen sy, von rechtis wegen? Hir uff spreche<n> wir eyn recht: Komit der man vngebunden vnde vngefangen vor gerichte, so ist er nehir zcu entghende, wenne sy on obirczeugen mogen. Wenne das recht ist gnediger dem antwertere zcu siner antwert vnde zcu losen, denne deme clegere, ut ff. de regulis iuris l. favorabiliores^v 86.